ಟಾಟಾಗೂ ಬಂತು ಕೋಡು; ಬರುತ್ತಿದೆ ವಿದ್ಯುತ್ ಚಾಲಿತ ನ್ಯಾನೋ

By Nagaraja

Published: Wednesday, June 15, 2016, 17:34 [IST]

ದೇಶದ ಅತಿ ದೊಡ್ಡ ವಾಹನ ಸಂಸ್ಥೆ ಟಾಟಾ ಮೋಟಾರ್ಸ್, ಕೆಲವು ವರ್ಷಗಳ ಹಿಂದೆ ವಿಶ್ವದ ಅತ್ಯಂತ ಅಗ್ಗವಾದ ನ್ಯಾನೋ ಕಾರನ್ನು ಬಿಡುಗಡೆಗೊಳಿಸಿತ್ತು. ತದಾ ಬಳಿಕ ವರ್ಷಗಳಿಂದ ಅನೇಕ ಏಳು-ಬೀಳುಗಳನ್ನು ಕಂಡಿರುವ ನ್ಯಾನೋದ ಹಲವಾರು ಆವೃತ್ತಿಗಳು ಬಂದು ಹೋಗಿವೆ. ಈ ಸಾಲಿನಲ್ಲಿ ಹೊಸತಾದ ಜೆನ್ ಎಕ್ಸ್ ನ್ಯಾನೋ ಎಎಂಟಿ ಮಾದರಿಯು ಪರಿಣಾಮಕಾರಿ ಎನಿಸಿಕೊಂಡಿದೆ.

ಇಡೀ ಜಗತ್ತೇ ಇಂಧನ ಬದಲಿ ಪರ್ಯಾಯ ಸಂಚಾರ ವ್ಯವಸ್ಥೆಯನ್ನು ಹುಡುಕುತ್ತಿರುವ ಈ ಸಂದರ್ಭದಲ್ಲಿ ಟಾಟಾ ಸಂಸ್ಥೆಯು ವಿದ್ಯುತ್ ಚಾಲಿತ ನ್ಯಾನೋ ಕಾನ್ಸೆಪ್ಟ್ ನೊಂದಿಗೆ ಮುಂದೆ ಬಂದಿದೆ.

ಟಾಟಾಗೂ ಬಂತು ಕೋಡು; ಬರುತ್ತಿದೆ ವಿದ್ಯುತ್ ಚಾಲಿತ ನ್ಯಾನೋ

ನಿಮ್ಮ ಮಾಹಿತಿಗಾಗಿ, 2010 ಜಿನೆವಾ ಮೋಟಾರು ಶೋದಲ್ಲಿ ನ್ಯಾನೋ ಎಲೆಕ್ಟ್ರಿಕ್ ಕಾರನ್ನು ಮೊದಲ ಬಾರಿಗೆ ಅನವರಣಗೊಳಿಸಲಾಗಿತ್ತು. ಈಗ ನಾಲ್ಕು ವರ್ಷಗಳ ದೀರ್ಘ ಅವಧಿಯ ಬಳಿಕ ಮೊದಲ ಬಾರಿಗೆ ಸಾರ್ವಜನಿಕರ ಮುಂದೆ ಕಂಡುಬಂದಿದೆ.

ವಿದ್ಯುತ್ ಚಾಲಿತ ನ್ಯಾನೋ ಕಾರಿನ ಟೆಸ್ಟಿಂಗ್ ವೇಳೆ ವಾಹನ ಪ್ರೇಮಿಗಳ ಸೆರೆ ಸಿಕ್ಕಿದೆ. ಸ್ಟ್ಯಾಂಡರ್ಡ್ ನ್ಯಾನೋ ಹಾಗೂ ಎಲೆಕ್ಟ್ರಿಕ್ ನ್ಯಾನೋ ಕಾರಿನ ವಿನ್ಯಾಸದಲ್ಲಿ ಹೆಚ್ಚಿನ ಬದಲಾವಣೆ ಕಂಡುಬಂದಿಲ್ಲ.