ಮೂರು ಪಟ್ಟು ರಫ್ತು ಹೆಚ್ಚಳ ಗುರಿಯಿರಿಸಿಕೊಂಡಿರುವ ಟಾಟಾ

ದೇಶದ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್, 2018-19ರ ವೇಳೆಯಾಗುವಾಗ ತನ್ನ ವಾಣಿಜ್ಯ ವಾಹನಗಳ ರಫ್ತು ಪ್ರಮಾಣವನ್ನು ಮೂರು ಪಟ್ಟು ಹೆಚ್ಚಳಗೊಳಿಸುವ ಇರಾದೆಯಲ್ಲಿದೆ.

ರಷ್ಯಾ ಹಾಗೂ ಏಷ್ಯಾದಲ್ಲಿ ಭದ್ರ ತಳಹದಿ ಸ್ಥಾಪಿಸುವುದು ಟಾಟಾ ಗುರಿಯಾಗಿದೆ. ಪ್ರಸ್ತುತ ಆಫ್ರಿಕಾ ಹಾಗೂ ಮಧ್ಯ ಪೂರ್ವ ರಾಷ್ಟ್ರಗಳಲ್ಲಿ ತನ್ನ ಸ್ಥಾನ ಹೊಂದಿರುವ ಟಾಟಾ ತನ್ನ ಮಾರಾಟ ಜಾಲವನ್ನು ಇನ್ನಷ್ಟು ವಿಸ್ತರಿಸುವ ಯೋಜನೆ ಹೊಂದಿದೆ.

ಪ್ರೈಮಾ ಶ್ರೇಣಿಯ ಟ್ರಕ್‌ಗಳನ್ನು ಬಿಡುಗಡೆಗೊಳಿಸಿದ್ದ ಟಾಟಾ ರಫ್ತು ಪ್ರಕ್ರಿಯತ್ತ ಹೆಚ್ಚಿನ ಗಮನ ಕೇಂದ್ರಿಕರಿಸಿದೆ. ಹಾಗೆಯೇ ಪೂರ್ವ ಯುರೋಪ್, ರಷ್ಯಾ ಮತ್ತು ಏಷ್ಯಾ ರಾಷ್ಟ್ರಗಳಲ್ಲಿ ಹೆಚ್ಚಿನ ಮಾರಾಟ ಸಾಮರ್ಥ್ಯ ಹೊಂದಿರುವುದನ್ನು ಮನಗಂಡಿದೆ.