ಅಚ್ಚರಿ; ದೆಹಲಿ ಎಕ್ಸ್‌ಪೋದಲ್ಲಿ ನ್ಯಾನೋ ಡೀಸೆಲ್ ಪ್ರದರ್ಶನವಿಲ್ಲ?

ಅಚ್ಚರಿಗೊಳಿಸುವ ಅದೇ ಸಮಯಕ್ಕೆ ಅಷ್ಟೇ ಬೆರಗಾಗಿಸುವ ಸುದ್ದಿಯೊಂದರಲ್ಲಿ ಮುಂಬರುವ 2014 ದೆಹಲಿ ಆಟೋ ಎಕ್ಸ್ ಪೋದಲ್ಲಿ ನ್ಯಾನೋ ಡೀಸೆಲ್ ಕಾರು ಪ್ರದರ್ಶನ ನಡೆಯುವುದಿಲ್ಲವಂತೆ! ಇದು ವಾಹನ ಪ್ರಿಯರಲ್ಲಿ ತುಂಬಾನೇ ನಿರಾಸೆ ತಂದಿದೆ.

ಸಮಕಾಲೀನ ವಾಹನ ಮಾರುಕಟ್ಟೆ ಪರಿಸ್ಥಿತಿಯಲ್ಲಿ ನ್ಯಾನೋ ಡೀಸೆಲ್ ವೆರಿಯಂಟ್ ಬರಮಾಡಿಕೊಳ್ಳಲು ಗ್ರಾಹಕರು ಅತಿ ಹೆಚ್ಚು ಉತ್ಸಾಹ ತೋರಿದ್ದರು. ಕನಿಷ್ಠ ಪಕ್ಷ ದೆಹಲಿ ವಾಹನ ಪ್ರದರ್ಶನ ಮೇಳದಲ್ಲಿ ಇದು ಅನಾವರಣಗೊಳ್ಳುವ ಬಗ್ಗೆ ನಿರೀಕ್ಷೆಯನ್ನು ಇಟ್ಟುಕೊಳ್ಳಲಾಗಿತ್ತು.

ಬಹುತೇಕ ಎಲ್ಲ ತಿಂಗಳಲ್ಲೂ ಡೀಸೆಲ್ ದರದಲ್ಲಿ ವರ್ಧನೆ ಕಂಡುಬರುತ್ತಿದೆ. ಇದು ಕಂಪನಿಯ ಯೋಜನೆಯನ್ನು ಮರು ಪರಿಶೀಲಿಸುವಂತೆ ಪ್ರೇರೇಪಿಸುತ್ತಿದೆ. ಪ್ರಸ್ತುತ ರಾಷ್ಟ್ರ ರಾಜಧಾನಿಯಲ್ಲಿ ಪೆಟ್ರೋಲ್ ದರ 71.50 ರು. ಆಗಿದ್ದರೆ ಡೀಸೆಲ್ ಬೆಲೆ 53.80 ರು.ಗಳಿಷ್ಟಿದೆ. ಈ ಎಲ್ಲ ಊಹಾಪೋಹಗಳಿಗೆ ಕಂಪನಿಯಿಂದಲೇ ಸ್ಪಷ್ಟ ನಿರ್ಧಾರ ಹೊರಬೀಳಬೇಕಾಗಿದೆ.