ಎಂಜಿನ್ ಪ್ರಾಬ್ಲಂ; ಆಲ್ಟೀಸ್ ಮಾದರಿಗೂ ತಟ್ಟಿದ ರಿಕಾಲ್ ಬಿಸಿ

ದೇಶದ ವಾಹನ ಮಾರುಕಟ್ಟೆಯಲ್ಲಿ ಪದೇ ಪದೇ ರಿಕಾಲ್ ವರದಿಗಳನ್ನು ಕೇಳುತ್ತಲೇ ಬಂದಿದೆ. ಇದೀಗ ಎಂಜಿನ್ ಸಮಸ್ಯೆಯ ಹಿನ್ನೆಲೆಯಲ್ಲಿ ಜನಪ್ರಿಯ ಆಲ್ಟೀಸ್ ಮಾದರಿಯನ್ನು ಹಿಂಪಡೆಯಲು ಜಪಾನ್ ಮೂಲದ ಪ್ರಖ್ಯಾತ ಟೊಯೊಟಾ ಸಂಸ್ಥೆಯು ನಿರ್ಧರಿಸಿದೆ.

ಆಲ್ಟೀಸ್ ಸೆಡಾನ್ ಡೀಸೆಲ್ ಮಾದರಿಗಳಲ್ಲಿ ಸಮಸ್ಯೆ ಕಂಡುಬಂದಿರುವುದಾಗಿ ತಿಳಿದು ಬಂದಿದೆ. ಸಂಸ್ಥೆಯ ಪ್ರಕಾರ ಪೆಟ್ರೋಲ್ ಮಾದರಿಗಳಿಗೆ ಯಾವುದೇ ತೊಂದರೆಗಳಿಲ್ಲ.

ಎಂಜಿನ್ ಆಯಿಲ್ ಪ್ರವೇಶಿಸುವ ಏರ್ ಇಂಟೇಕ್ ವ್ಯವಸ್ಥೆಯಲ್ಲಿ ತೊಂದರೆಯಿದೆ ಎಂಬುದನ್ನು ಪ್ರಕಟಣೆಯಲ್ಲಿ ಸ್ಪಷ್ಟಪಡಿಸಲಾಗಿದೆ.

ಅಂದರೆ ಸಂಪೂರ್ಣ ಮುಂಜಾಗ್ರತಾ ಕ್ರಮದ ಅಂಗವಾಗಿ ರಿಕಾಲ್ ನೀಡಲಾಗಿದೆ. ನಿಮ್ಮ ಗಾಡಿಯಲ್ಲಿ ಯಾವುದೇ ರೀತಿಯ ಸಮಸ್ಯೆ ಕಂಡುಬಂದಲ್ಲಿ ಸಂಪೂರ್ಣ ಉಚಿತವಾಗಿ ಸರಿಪಡಿಸಿಕೊಡಲಾಗುವುದು.

ಪೆಟ್ರೋಲ್ ಹಾಗೂ ಡೀಸೆಲ್ ವೆರಿಯಂಟ್‌ಗಳಲ್ಲಿ ಲಭ್ಯವಿರುವ ಟೊಯೊಟಾ ಕರೊಲ್ಲಾ ಆಲ್ಟೀಸ್ ಮ್ಯಾನುವಲ್ ಜೊತೆಗೆ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ಗಳಲ್ಲೂ ಲಭ್ಯವಿರುತ್ತದೆ. ಇದರ ದೆಹಲಿ ಎಕ್ಸ್ ಶೋ ರೂಂ ಬೆಲೆ 12.40 ಲಕ್ಷ ರು.ಗಳಿಂದ 17.07 ಲಕ್ಷ ರು.ಗಳ ವರೆಗಿದೆ.

2010 ಜೂನ್ ತಿಂಗಳಿಂದ 2011ನೇ ಮೇ ತಿಂಗಳ ಅವಧಿಯ ವರೆಗೆ ನಿರ್ಮಾಣವಾಗಿರುವ 5,834 ವಾಹನಗಳನ್ನು ಹಿಂದಕ್ಕೆ ಕರೆಯಿಸಿಕೊಳ್ಳಲಾಗುತ್ತಿದೆ.