ಭಾರತಕ್ಕೆ ಬರಲಿದೆ ಫೋಕ್ಸ್‌ವ್ಯಾಗನ್ ಬಜೆಟ್ ಕಾರು

ಭಾರತೀಯ ಮಾರುಕಟ್ಟೆಗೆ ಹೊಸ ಬಜೆಟ್ ಕಾರು ಪರಿಚಯಿಸುವುದು ಬಹುತೇಕ ಖಚಿತವಾಗಿದೆ. ಈ ಬಗ್ಗೆ ಅಂತಿಮ ನಿರ್ಧಾರವು ಇನ್ನು ಕೆಲವೇ ದಿನಗಳಲ್ಲಿ ಹೊರಬೀಳುವ ಸಾಧ್ಯತೆಯಿತೆ.

ಪ್ರಸ್ತುತ ದೇಶದ ಮಾರುಕಟ್ಟೆಯಲ್ಲಿ ಐದು ಲಕ್ಷ ರು.ಗಳಿಗೂ ಮೇಲಿನ ದರಗಳ ರೇಂಜ್‌ನಗಳಲ್ಲಿ ವಾಹನಗಳನ್ನು ಮಾರಾಟ ಮಾಡುತ್ತಿರುವ ಫೋಕ್ಸ್‌ವ್ಯಾಗನ್ ಬಜೆಟ್ ಕಾರು ಬ್ರಾಂಡ್ ಮೂಲಕ ಇನ್ನಷ್ಟು ಗ್ರಾಹಕರನ್ನು ಸೆಳೆಯುವ ಇರಾದೆಯಲ್ಲಿದೆ.

ಫೋಕ್ಸ್‌ವ್ಯಾಗನ್ ಈ ಯೋಜನೆಗೆ ಚೀನಾ ಸಹಭಾಗಿತ್ವ ಹೊಂದಿರುವ ಸಂಸ್ಥೆ ನೆರವಾಗಲಿದೆ. ಇದರಂತೆ ಮುಂಬರುವ ವರ್ಷಗಳಲ್ಲಿ ದೇಶದ ಗ್ರಾಹಕರು ಸಹ ಫೋಕ್ಸ್‌ವ್ಯಾಗನ್ ಬಜೆಟ್ ಕಾರನ್ನು ನಿರೀಕ್ಷಿಸಬಹುದಾಗಿದೆ.

ಈ ನಡುವೆ ಮುಂದಿನ ಎರಡು ವರ್ಷಗಳಲ್ಲಿ ಆರು ನೂತನ ಮಾದರಿಗಳನ್ನು ಪರಿಚಯಿಸುವ ಯೋಜನೆಯನ್ನು ಫೋಕ್ಸ್‌ವ್ಯಾಗನ್ ಹೊಂದಿದೆ. ಇದರಲ್ಲಿ ಪೊಲೊ ಹಾಗೂ ವೆಂಟೊ ಫೇಸ್‌ಲಿಫ್ಟ್, ನೂತನ ಕಾಂಪಾಕ್ಟ್ ಸೆಡಾನ್ ಮತ್ತು ಜೆಟ್ಟಾ, ಬೀಟ್ಲ್, ಪಸ್ಸಾಟ್ ಹಾಗೂ ಟೈಗನ್‌ಗಳಂತಹ ಬಜೆಟ್ ಬ್ರಾಂಡ್‌ಗಳು ಸೇರಿವೆ.