2017ರಲ್ಲಿ ವೈರ್‌ಲೆಸ್ ಚಾರ್ಜಿಂಗ್ ನನಸಾಗುವ ಸಾಧ್ಯತೆ

ನಾವು ಅಂದುಕೊಂಡಿರುವುದಕ್ಕಿಂತಲೂ ಬೇಗನೇ ವಿದ್ಯುತ್ ಚಾಲಿತ ವಾಹನಗಳಿಗೆ ವೈರ್‌ಲೆಸ್ ಚಾರ್ಜಿಂಗ್ ಸೌಲಭ್ಯ ಲಭ್ಯವಾಗಲಿದೆ. ಈ ಬಗ್ಗೆ ನಿರೀಕ್ಷೆ ಮುಟ್ಟಿಸಿರುವ ಆಟೋಮೊಬೈಲ್ ತಂತ್ರಜ್ಞಾನ ಅಭಿವೃದ್ಧಿ ಸಂಸ್ಥೆಯಾಗಿರುವ ಕ್ವಾಲ್‌ಕಾಮ್ ಹ್ಯಾಲೋ (Qualcomm Halo) 2017 ವರ್ಷಾರಂಭದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ವೈರ್‌ಲೆಸ್ ಚಾರ್ಜಿಂಗ್ ಅಭಿವೃದ್ಧಿಪಡಿಸಲಿದೆ ಎಂದಿದೆ.

ಈ ಸಂಬಂಧ ಬಿಎಂಡಬ್ಲ್ಯು ಐ8, ಐ3 ಸೇಫ್ಟಿ ಮತ್ತು ಮೊದಲ ಫಾರ್ಮುಲಾ ಇ ಚಾಂಪಿಯನ್‌ಶಿಪ್‌ನ ವೈದ್ಯಕೀಯ ಸೇವಾ ವಾಹನಗಳಲ್ಲಿ ಮೊದಲ ಮಾದರಿಗಳನ್ನು ಬಳಕೆ ಮಾಡಲಾಗುವುದು. ಇದರೊಂದಿಗೆ ಸಾಂಪ್ರದಾಯಿಕ ಪ್ಲಗ್ ಇನ್ ಚಾರ್ಜಿಂಗ್ ವ್ಯವಸ್ಥೆಗೆ ಬ್ರೇಕ್ ಬೀಳಲಿದೆ.

ಕೇಬಲ್ ರಹಿತ ವೈರ್‌ಲೆಸ್ ಚಾರ್ಜಿಂಗ್ ಸಿಸ್ಟಂನಲ್ಲಿ ಎರಡು ಚಾರ್ಜಿಂಗ್ ಪ್ಯಾಡ್‌ಗಳಿರಲಿದೆ. ಇದರಲ್ಲಿ ಒಂದನ್ನು ನೆಲದಲ್ಲೂ ಮತ್ತೊಂದನ್ನು ಕಾರಲ್ಲಿ ಆಳವಡಿಸಲಾಗುವುದು. ಈ ಮೂಲಕ ನೆಲದಲ್ಲಿರುವ ಪ್ಯಾಡ್‌ನಿಂದ ಕಾರಿನ ಪ್ಯಾಡ್‌ಗೆ ಚೈತನ್ಯ ರವಾನೆಯಾಗುವುದು.