Click it and Unblock the Notifications
ದ.ಕೊರಿಯಾದಲ್ಲಿ ಭೀಕರ ರಸ್ತೆ ಅಪಘಾತ; 100 ವಾಹನಗಳು ಢಿಕ್ಕಿ
ಭಾರಿ ಹಿಮಪಾತದ ಪರಿಣಾಮ ದಕ್ಷಿಣ ಕೊರಿಯಾದಲ್ಲಿ ಸಂಭವಿಸಿರುವ ವಾಹನ ಅಪಘಾತದಲ್ಲಿ 100 ವಾಹನಗಳು ಪರಸ್ಪರ ಢಿಕ್ಕಿಯಾಗಿರುವುದಾಗಿ ಬಲ್ಲ ಮೂಲಗಳು ತಿಳಿಸಿವೆ.
ದಕ್ಷಿಣ ಕೊರಿಯಾದ ಇಂಚಿಯಾನ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದತ್ತ ಹಾದು ಹೋಗುವ ಸೇತುವೆಯೊಂದರಲ್ಲಿ ಈ ಭೀಕರ ಘಟನೆ ವರದಿಯಾಗಿದೆ.
ಮುಂಜಾವಿನಲ್ಲಿ ಭಾರಿ ಮಂಜಿನಿಂದ ಕೂಡಿದ ವಾತಾವರಣ ಸೃಷ್ಟಿಯಾಗಿರುವ ಹಿನ್ನೆಲೆಯಲ್ಲಿ ಅಪಘಾತ ಸಂಭವಿಸಿರುವುದಾಗಿ ಪ್ರಾಥಮಿಕ ವರದಿಗಳು ತಿಳಿಸಿವೆ. ಘಟನೆಯಲ್ಲಿ ಇಬ್ಬರು ಸಾವಿಗೀಡಾಗಿದ್ದು, 60 ಮಂದಿ ಗಾಯಗೊಂಡಿದ್ದಾರೆ.
ವರದಿಗಳ ಪ್ರಕಾರ ಬುಧವಾರ ಬೆಳಗ್ಗೆ ಭಾರಿ ಹಿಮಪಾತವಾಗಿತ್ತು. ಇದರಿಂದ ಚಾಲಕರಿಗೆ ಮುಂದುಗಡೆ ಚಲಿಸುವ ವಾಹನಗಳನ್ನು ಗುರುತಿಸಿಕೊಳ್ಳುವುದೇ ಕಷ್ಟಕರವಾಗಿತ್ತು ಎಂದಿದೆ.
ಅಷ್ಟೇ ಯಾಕೆ ಸಿಯೋಲ್ ವಿಮಾನ ನಿಲ್ದಾಣದಿಂದ 18 ಆಗಮನ ಹಾಗೂ ಏಳು ನಿರ್ಗಮನ ವಿಮಾನ ಹಾರಾಟವನ್ನು ರದ್ದುಗೊಳಿಸಲಾಗಿತ್ತು.
Continue with Google