Click it and Unblock the Notifications
ನಿಸ್ಸಾನ್ ಶಕ್ತಿಶಾಲಿ ಜಿಟಿಆರ್ ಟ್ರ್ಯಾಕ್ ಎಡಿಷನ್ ಅನಾವರಣ
ಜರ್ಮನಿಯ ಫ್ರಾಂಕ್ಫರ್ಟ್ ಅಂತರಾಷ್ಟ್ರೀಯ ಮೋಟಾರು ಶೋದಲ್ಲಿ ಜಪಾನ್ ಮೂಲದ ಪ್ರಖ್ಯಾತ ವಾಹನ ತಯಾರಿಕ ಸಂಸ್ಥೆಯಾಗಿರುವ ನಿಸ್ಸಾನ್, ಶಕ್ತಿಶಾಲಿ ಜಿಟಿಆರ್ ಟ್ರ್ಯಾಕ್ ಎಡಿಷನ್ ಅನಾವರಣಗೊಳಿಸಿದೆ.
ಈ ಪವರ್ ಫುಲ್ ಕಾರನ್ನು ನಿಸ್ಸಾನ್ನ ಮೋಟಾರುಸ್ಪೋರ್ಟ್ ಹಾಗೂ ನಿರ್ವಹಣಾ ವಿಭಾಗವಾಗಿರುವ 'ನಿಸ್ಮೊ' (Nissan Motorsport International Limited) ವಿನ್ಯಾಸಗೊಳಿಸಿದೆ. ಪ್ರಸ್ತುತ ನಿಸ್ಮೊ ವಿಭಾಗವು 1984ನೇ ಇಸವಿಯಲ್ಲಿ ಅಸ್ಥಿತ್ವಕ್ಕೆ ಬಂದಿತ್ತು.
ಸಾಮಾನ್ಯ ಜಿಟಿಆರ್ ಕ್ರೀಡಾ ಕಾರಿಗೆ ಹೋಲಿಸಿದಾಗ ಜಿಟಿಆರ್ ರೇಸ್ ಟ್ರ್ಯಾಕ್ ಆವೃತ್ತಿಯು ಹೆಚ್ಚು ಪರಿಣಾಮಕಾರಿ ಎನಿಸಿಕೊಳ್ಳಲಿದ್ದು, ಹೊರಭಾಗದಲ್ಲಿ ಕಾರ್ಬನ್ ಫೈಬರ್ ಬಳಕೆ ಮಾಡಲಾಗಿದೆ.
ಕಾರಿನೊಳಗೆ ಕೆಂಪು ಹಾಗೂ ಕಪ್ಪು ಮಿಶ್ರಿತ ಬಣ್ಣವನ್ನು ಕಾಣಬಹುದಾಗಿದೆ. ಇಲ್ಲೂ ಕಾರ್ಬನ್ ಫೈಬರ್ ಬಳಕೆಗೆ ಹೆಚ್ಚಿನ ಆದ್ಯತೆ ಕೊಡಲಾಗಿದೆ. ಅಂತೆಯೇ ಸೀಟು, ಸ್ಟೀರಿಂಗ್ ವೀಲ್ ಹಾಗೂ ಗೇರ್ ಸೆಲೆಕ್ಟರ್ ಗೆ ಲೆಥರ್ ಸ್ಪರ್ಶವನ್ನು ನೀಡಲಾಗಿದೆ.
ಪ್ರಸ್ತುತ ನಿಸ್ಸಾನ್ ಜಿಟಿಆರ್ ಟ್ರ್ಯಾಕ್ ಎಡಿಷನ್ 3.8 ಲೀಟರ್ ಟ್ವಿನ್ ಟರ್ಬೊ ವಿ6 ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 545 ಅಶ್ವಶಕ್ತಿ (627 ಎನ್ಎಂ ತಿರುಗುಬಲ) ಉತ್ಪಾದಿಸಲಿದೆ. ಅಲ್ಲದೆ ಆರು ಸ್ಪೀಡ್ ಡ್ಯುಯಲ್ ಕ್ಲಚ್ ಗೇರ್ ಬಾಕ್ಸ್ ಸಹ ಇರಲಿದೆ.
ನಿಸ್ಸಾನ್ ಬ್ರಾಂಡ್ ಅಂಬಾಸಿಡರ್ ಆಗಿರುವ ಭೂಮಿಯ ಅತಿ ವೇಗದ ಓಟಗಾರ ಉಸೈನ್ ಬೋಲ್ಟ್ ಕೂಡಾ 2016 ನಿಸ್ಸಾನ್ ಜಿಟಿಆರ್ ಚಿತ್ರಗಳನ್ನು ವಾಹನ ಪ್ರೇಮಿಗಳ ಜೊತೆ ಹಂಚಿಕೊಂಡಿರುವುದು ವಿಶೇಷ.
Continue with Google