ಬಿಎಂಡಬ್ಲ್ಯುನಿಂದ 250 ಕೀ.ಮೀ. ಮೈಲೇಜ್ ನೀಡುವ ಕಾರು?

ವಾಹನೋದ್ಯಮದ ನಿಕಟ ಮೂಲಗಳಿಂದ ಬಂದಿರುವ ವರದಿಗಳ ಪ್ರಕಾರ ಜರ್ಮನಿಯ ಐಷಾರಾಮಿ ಕಾರು ಸಂಸ್ಥೆಯಾಗಿರುವ ಬಿಎಂಡಬ್ಲ್ಯು, ನೂತನ ಕಾರಿನ ಅಭಿವೃದ್ಧಿಯಲ್ಲಿ ತೊಡಗಿದ್ದು, ಇದು ಪ್ರತಿ 100 ಕೀ.ಮೀ.ಗೆ 0.41 ಇಂಧನವಷ್ಟೇ ವ್ಯಯ ಮಾಡಲಿದೆ.

ತಾಂತ್ರಿಕವಾಗಿ ಇದು ಪ್ರತಿ ಲೀಟರ್‌ಗೆ 250 ಕೀ.ಮೀ. ಮೈಲೇಜ್‌ಗೆ ಸಮಾನವಾಗಿದೆ. ಹೀಗೆ ಜಗತ್ತಿನ ಅತ್ಯಂತ ಇಂಧನ ದಕ್ಷತೆಯ ಕಾರು ನಿರ್ಮಾಣದಲ್ಲಿ ಬಿಎಂಡಬ್ಲ್ಯು ತೊಡಗಿಸಿಕೊಂಡಿದೆ.

ಅಷ್ಟಕ್ಕೂ ಇದು ಹೇಗೆ ಸಾಧ್ಯವಾಯಿತು? ಎಂಬುದು ಎಲ್ಲರನ್ನು ಕಾಡುತ್ತಿರುವ ಪ್ರಶ್ನೆಯಾಗಿದೆ. ಪ್ರಸ್ತುತ ಕಾರಿನಲ್ಲಿ ಕಾರ್ಬನ್ ಫೈಬರ್ ಪ್ಲಾಸ್ಟಿಕ್ ದೇಹ ವಿನ್ಯಾಸವನ್ನು ರಚಿಸಲಾಗಿದ್ದು, ಬರೋಬ್ಬರಿ 1200 ಕೆ.ಜಿಗಳಷ್ಟು ಒಟ್ಟಾರೆ ಭಾರವನ್ನು ತಗ್ಗಿಸಲಾಗಿದೆ.

ಈ ಕಾರಿನಲ್ಲಿ ಯಾವ ವಿಧದ ಎಂಜಿನ್ ಬಳಕೆಯಾಗಲಿದೆ ಎಂಬುದು ತಿಳಿದು ಬಂದಿಲ್ಲ. ಆದರೆ ವರದಿಗಳ ಪ್ರಕಾರ 2 ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಬಳಕೆಯಾಗಲಿದೆ.

ಹೆಚ್ಚು ಪರಿಸರ ಸ್ನೇಹಿ ಎಂದೆನಿಸಿಕೊಳ್ಳಲಿರುವ ಬಿಎಂಡಬ್ಲ್ಯು ನೂತನ ಕಾರು ಪ್ರತಿ ಲೀಟರ್ ಗೆ 10 ಗ್ರಾಂಗಳಷ್ಟೇ ಕಾರ್ಬನ್ ಡೈ ಓಕ್ಸೈಡ್ ಹೊರ ಸೂಸಲಿದೆ.

ಪ್ರಸ್ತುತ ಫೋಕ್ಸ್ ವ್ಯಾಗನ್ ಎಕ್ಸ್ ಎಲ್1 ಪ್ಲಗ್ ಇನ್ ಹೈಬ್ರಿಡ್ ಮಾದರಿಯು ಪ್ರತಿ ಲೀಟರ್ ಗೆ 111 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದೆ. ಇದರಲ್ಲಿ 800 ಸಿಸಿ ಟಿಡಿಐ 2 ಸಿಲಿಂಡರ್ ಡೀಸೆಲ್ ಎಂಜಿನ್ ಜೊತೆಗೆ ಎಲೆಕ್ಟ್ರಿಕ್ ಮೋಟಾರ್ ಆಳವಡಿಸಲಾಗಿದೆ.