ಚೆನ್ನೈ ನೆರೆ: ಆಟೋ ಕ್ಷೇತ್ರಕ್ಕೆ ಬಲವಾದ ಹೊಡೆತ; 1,500 ಕೋಟಿ ನಷ್ಟ

ದೇಶದಲ್ಲಿ 38 ಬಿಲಿಯನ್ ಅಮೆರಿಕನ್ ಡಾಲರ್ ವೆಚ್ಚ ಆಟೋ ಘಟಕಗಳ ನಿರ್ಮಾಣದ ಪೈಕಿ ಶೇಕಡಾ 25ರಷ್ಟು ಅಂದರೆ 9.5 ಬಿಲಿಯನ್ ಅಮೆರಿಕನ್ ಡಾಲರ್ ವೆಚ್ಚದ ವಾಹನ ಘಟಕಗಳು ಇಲ್ಲಿಂದಲೇ ನಿರ್ಮಾಣವಾಗುತ್ತದೆ. ಪ್ರಸ್ತುತ ಮಳೆಯಿಂದಾಗಿ ನಿರ್ಮಾಣ ಸ್ಥಗಿತಗೊಂಡಿರುವ ಹಿನ್ನೆಲೆಯಲ್ಲಿ ದೈನಂದಿನ 172 ಕೋಟಿ ರುಪಾಯಿಗಳ ನಷ್ಟ ಅನುಭವಿಸುತ್ತಿದೆ.

ಮೂರು ನಾಲ್ಕು ದಿನಗಳ ಕಾಲ ನಿರಂತರ ವಾಹನ ನಿರ್ಮಾಣ ಪ್ರಕ್ರಿಯೆ ನಿಲುಗಡೆಯಾಗಿರುವುದರಿಂದ 20,000ದಿಂದ 25,000 ವಾಹನಗಳು ರಸ್ತೆ ಪ್ರವೇಶಿಸುವ ಕಾರ್ಯದಿಂದ ತಡೆಯಲ್ಪಟ್ಟಿದೆ.

ಈ ಎಲ್ಲ ಬೆಳವಣಿಗೆಗಳು ವಾಹನ ತಯಾರಿಕ ಸಂಸ್ಥೆಗಳ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವ ಭೀತಿಯಿದ್ದು, ನಿಗದಿತ ಅವಧಿಯ ವೇಳೆಗೆ ಕಾರುಗಳನ್ನು ಗ್ರಾಹಕರಿಗೆ ಹಸ್ತಾಂತರಿಸುವುದರಿಂದ ವಿಫಲವಾಗಲಿದೆ.

ಉದಾಹರಣೆಗೆ ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿರುವ ರೆನೊ ಕ್ವಿಡ್ ಮತ್ತು ಹ್ಯುಂಡೈ ಕಾರುಗಳು ಅನುಕ್ರಮವಾಗಿ 50,000 ಹಾಗೂ 70,000 ಬುಕ್ಕಿಂಗ್ಸ್ ಗಳನ್ನು ಗಿಟ್ಟಿಸಿಕೊಂಡಿದೆ. ಅಂದರೆ ಕಾಯುವಿಕೆ ಅವಧಿ ಈ ನಡುವೆ ಮೂರರಿಂದ ಆರು ತಿಂಗಳಷ್ಟು ಕಾಲ ವಿಸ್ತರಿಸಿದೆ. ಈಗ ಎದ್ದಿರುವ ನೆರೆ ಸಮಸ್ಯೆಯಿಂದಾಗಿ ಈ ಅವಧಿಯು ಮತ್ತಷ್ಟು ಹೆಚ್ಚಾಗಲಿದ್ದು, ಸಂಸ್ಥೆಗಳಿಗೆ ಬಲವಾದ ಹೊಡೆತ ನೀಡಲಿದೆ.

ದ್ವಿಚಕ್ರ ದೈತ್ಯ ವಾಹನ ಸಂಸ್ಥೆ ರಾಯಲ್ ಎನ್‌ಫೀಲ್ಡ್ ಸಹ ಇದಕ್ಕೆ ಸಮಾನವಾದ ಸಮಸ್ಯೆಯನ್ನು ಎದುರಿಸುತ್ತಿದೆ. ಜನಪ್ರಿಯ ಫೋರ್ಡ್, ನಿಸ್ಸಾನ್ ಕೂಡಾ ಇದರಿಂದ ಹೊರತಾಗಿಲ್ಲ.

ಹವಾಮಾನ ಇಲಾಖೆಯ ವರದಿಯ ಪ್ರಕಾರ ಮುಂದಿನ ಒಂದು ವಾರ ಚೆನ್ನೈ ನಗರದ್ಯಾಂತ ಭಾರಿ ಮಳೆಗೆ ಸಾಧ್ಯತೆಯಿದ್ದು, ಪರಿಸ್ಥಿತಿ ಮತ್ತಷ್ಟು ಹದೆಗೆಡುವ ಭೀತಿಯಿದೆ.

ಶತಮಾನ ಭೀಕರ ಪ್ರವಾಹಕ್ಕೆ ನಲುಗಿದ ಚೆನ್ನೈ