ಪಿಕಪ್ ಟ್ರಕ್ ನಿರ್ಮಾಣಕ್ಕಾಗಿ ಫೋರ್ಡ್‌ನಿಂದ 1,500 ನೌಕರರ ನೇಮಕ

ಅಮೆರಿಕದ ಪ್ರಖ್ಯಾತ ವಾಹನ ತಯಾರಿಕ ಸಂಸ್ಥೆಯಾಗಿರುವ ಫೋರ್ಡ್ ಹೊಸತಾದ ಪಿಕಪ್ ಟ್ರಕ್ ಬಿಡುಗಡೆ ಮಾಡುವ ಯೋಜನೆಯಲ್ಲಿದೆ. ಇದರಂತೆ ಉತ್ಪಾದನೆಗೆ ಚುರುಕು ಮುಟ್ಟಿಸುವ ಹಿನ್ನಲೆಯಲ್ಲಿ 1,500ರಷ್ಟು ನೌಕರರನ್ನು ನೇಮಕ ಮಾಡಲಿದೆ.

ಆದರೆ ಇಂತಹದೊಂದು ಸುದ್ದಿ ಫೋರ್ಡ್ ಇಂಡಿಯಾದಿಂದ ಹೊರಬಂದಿಲ್ಲ. ಬದಲಾಗಿ ಫೋರ್ಡ್‌ನ ವಿದೇಶದಲ್ಲಿರುವ ಕನ್ಸಾಸ್ ಸಿಟಿ, ಚಿಕಾಗೊ ಹಾಗೂ ಲೂಯಿಸ್ ವಿಲ್ಲೆ ಘಟಕಗಳಲ್ಲಿ ನೇಮಕಗೊಳ್ಳಲಿದ್ದಾರೆ.

ಪಿಕಪ್ ಟ್ರಕ್‌ಗಳು ಅಮೆರಿಕ ಜೀವನ ಶೈಲಿಯ ಭಾಗವಾಗಿದೆ. ಇದರಂತೆ ಹೊಸ ಫೋರ್ಡ್ ಗಾಡಿ ಸಹ ಉತ್ತಮ ಮಾರಾಟ ಗಿಟ್ಟಿಸಿಕೊಳ್ಳುವ ನಿರೀಕ್ಷೆಯಲ್ಲಿದೆ. ಇನ್ನೊಂದೆಡೆ ಇತ್ತೀಚೆಗಷ್ಟೇ ಹೊಸತಾದ ಗರಿಷ್ಠ ನಿರ್ವಹಣೆಯ ಆರ್‌ಎಸ್ ಮಾದರಿಯನ್ನು ಫೋರ್ಡ್ ಪರಿಚಯಿಸಿತ್ತು.

ಈ ಎಲ್ಲದರ ಮುಖಾಂತರ ಸುಸ್ಥಿರ ಮಾರಾಟ ಕಾಯ್ದುಕೊಳ್ಳುವ ನಂಬಿಕೆಯನ್ನು ಸಂಸ್ಥೆ ಹೊಂದಿದ್ದು, ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಆಧುನಿಕ ಮಾದರಿಗಳನ್ನು ಬಿಡುಗಡೆ ಮಾಡುವುದರಲ್ಲಿ ತಲ್ಲೀನವಾಗಿದೆ.