Click it and Unblock the Notifications
ಭಾರತಕ್ಕೆ ಹೋಂಡಾ ಬಿಆರ್ವಿ ಕಾಂಪಾಕ್ಟ್ ಎಸ್ಯುವಿ
ದೇಶದಲ್ಲಿ ಹೋಂಡಾ ಭವಿಷ್ಯದ ಯೋಜನೆಗಳಲ್ಲಿ ಅತಿ ನೂತನ ಬಿಆರ್-ವಿ ಕೂಡಾ ಒಂದಾಗಿದೆ. ಆದರೆ ಸದ್ಯ ಬಂದಿರುವ ಮಾಹಿತಿಗಳ ಪ್ರಕಾರ ಭಾರತದಲ್ಲಿ ಹೋಂಡಾ ಬಿಆರ್ವಿ ನಿರ್ಮಾಣ ಪ್ರಕ್ರಿಯೆಯು 2016ನೇ ಸಾಲಿನಲ್ಲಷ್ಟೇ ಆರಂಭವಾಗಲಿದೆ.
ಅಂದರೆ ಹೋಂಡಾ ಬಿಆರ್ವಿ ಆಗಮನಕ್ಕಾಗಿ ವಾಹನ ಪ್ರೇಮಿಗಳು ಮತ್ತಷ್ಟು ಸಮಯ ಕಾಯಬೇಕಾಗಿದ್ದು, 2016 ವರ್ಷಾಂತ್ಯದಲ್ಲಿ ಅಥವಾ 2017ನೇ ವರ್ಷಾರಂಭದಲ್ಲಷ್ಟೇ ಮಾರುಕಟ್ಟೆಯನ್ನು ತಲುಪಲಿದೆ.
ನಿಮ್ಮ ಮಾಹಿತಿಗಾಗಿ ಬಿಆರ್-ವಿ ಒಂದು ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನವಾಗಿದ್ದು, ಬ್ರಿಯೊ ತಳಹದಿಯಲ್ಲಿ ಅಭಿವೃದ್ಧಿಪಡಿಸಲಾಗಿದೆ.
ಇಂಡೋನೇಷ್ಯಾ ಮೋಟಾರು ಶೋದಲ್ಲಿ ಈಗಾಗಲೇ ಪ್ರದರ್ಶನ ಕಂಡಿರುವ ಹೋಂಡಾ ಬಿಆರ್-ವಿ ರಾಜಸ್ತಾನದ ತಪುಕರ ಘಟಕದಲ್ಲಿ ನಿರ್ಮಾಣ ಆರಂಭವಾಗಲಿದೆ.
ಪೆಟ್ರೋಲ್ ಜೊತೆಗೆ ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಬಿಡುಗಡೆಯಾಗಲಿದೆ. ಎಲ್ಲ ನೂತನ 1.6 ಡೀಸೆಲ್ ಎಂಜಿನ್ 6 ಸ್ಪೀಡ್ ಗೇರ್ ಬಾಕ್ಸ್ ಜೊತೆಗೆ ಸಿವಿಟಿ ಆಯ್ಕೆಯೂ ಪಡೆಯಲಿದೆ. ಇಲ್ಲಿ ಗಮನಾರ್ಹ ಅಂಶವೆಂದರೆ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಇದೇ ಎಂಜಿನ್ ಆಯ್ಕೆಯನ್ನು ಜನಪ್ರಿಯ ಸಿಆರ್-ವಿ ಹಾಗೂ ಸಿವಿಕ್ ಮಾದರಿಗಳಲ್ಲಿ ನೀಡಲಾಗುತ್ತಿದೆ.
ಇನ್ನು ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗುವುದು. ಎಬಿಎಸ್ ಜೊತೆ ಇಬಿಡಿ, ಫ್ರಂಟ್ ಐರ್ ಬ್ಯಾಗ್ ಪ್ರಮುಖ ಆಯ್ಕೆಯಾಗಿರಲಿದೆ.
ಭಾರತದಲ್ಲಿ ಕಾರಿನಲ್ಲಿ ಕುಟುಂಬ ಸಮೇತ ಪ್ರಯಾಣಕ್ಕೆ ಹೆಚ್ಚಿನ ಆದ್ಯತೆ ಕೊಡುವುದರಿಂದ ಇದನ್ನೇ ಗಮನದಲ್ಲಿಟ್ಟುಕೊಂಡು 2+3+2 ಆಸನ ವ್ಯವಸ್ಥೆಯನ್ನು ಕೊಡಲಾಗುವುದು.
ದೇಶದಲ್ಲಿ ಪ್ರಮುಖವಾಗಿಯೂ ಫೋರ್ಡ್ ಇಕೊಸ್ಪೋರ್ಟ್, ರೆನೊ ಡಸ್ಟರ್, ನಿಸ್ಸಾನ್ ಟೆರನೊ ಮಾದರಿಗಳಿಗೆ ನೂತನ ಎಚ್ ಆರ್ ವಿ ಪ್ರತಿಸ್ಪರ್ಧಿಯಾಗಲಿದೆ.
ಅಂತಿಮವಾಗಿ ಹೋಂಡಾ ಬಿಆರ್ ವಿ ಮಿನಿ ಎಸ್ಯುವಿ 2016 ವರ್ಷಾರಂಭದಲ್ಲಿ ನಡೆಯಲಿರುವ ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಭರ್ಜರಿ ಪ್ರದರ್ಶನ ಕಾಣಲಿದೆ.
Continue with Google