ಢಿಕ್ಕಿ ಪರೀಕ್ಷೆಯಲ್ಲಿ ಹ್ಯುಂಡೈ ಗ್ರಾಂಡ್ ಐ10 ಡಮಾರ್!

ಫ್ಲೂಯಿಡಿಕ್ 2.0 ಡಿಸೈನ್ ತತ್ವಶಾಸ್ತ್ರದೊಂದಿಗೆ ನಿರ್ಮಾಣವಾಗಿರುವ ಹ್ಯುಂಡೈ ಗ್ರಾಂಡ್ ಐ10 ಭಾರತದಲ್ಲಿ ಅತ್ಯುತ್ತಮ ಮಾರಾಟವನ್ನು ಗಿಟ್ಟಿಸಿಕೊಳ್ಳುತ್ತದೆ. ಪ್ರಸ್ತುತ ಮೇಡ್ ಇನ್ ಇಂಡಿಯಾ ಗ್ರಾಂಡ್ ಐ10 ಚಿಲಿ ಸೇರಿದಂತೆ ಅನೇಕ ಲ್ಯಾಟಿನ್ ಅಮೆರಿಕ ರಾಷ್ಟ್ರಗಳಿಗೂ ರವಾನೆಯಾಗುತ್ತಿದೆ.

ಈ ನಡುವೆ ಲ್ಯಾಟಿನ್ ಎನ್‌ಸಿಎಪಿ ನಡೆಸಿರುವ ಢಿಕ್ಕಿ ಪರೀಕ್ಷೆಯಲ್ಲಿ ಹ್ಯುಂಡೈ ಗ್ರಾಂಡ್ ಐ10 ಬೇಸ್ ವೆರಿಯಂಟ್ ಶೂನ್ಯ ಅಂಕ ಸಂಪಾದಿಸಿರುವುದು ಹಿನ್ನಡೆಗೆ ಕಾರಣವಾಗಿದೆ.

ಎಬಿಎಸ್ ಭದ್ರತೆ ಇಲ್ಲದಿರುವುದು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಅಥವಾ ಸ್ಟ್ಯಾಂಡರ್ಡ್ ಏರ್ ಬ್ಯಾಗ್ ಸಹ ಇಲ್ಲದಿರುವುದು ಹ್ಯುಂಡೈ ಗ್ರಾಂಡ್ ಐ10 ವೈಫಲ್ಯ ಅನುಭವಿಸಲು ಪ್ರಮುಖ ಕಾರಣವಾಗಿದೆ.

ಭಾರತೀಯ ಸರಕಾರವು ಸುರಕ್ಷಾ ಮಾನದಂಡಗಳನ್ನು ಕಡ್ಡಾಯವಾಗಿಸಲು ಹೊರಟಿರುವುದು ಒಳ್ಳೆಯ ವಿಷಯ. ಆದರೆ ಈ ಹೊಸ ನೀತಿ ಯಾವಾಗ ಜಾರಿಗೆ ಬರಲಿದೆ ಎಂಬುದು ಅಶ್ವ ಪ್ರಶ್ನೆಯಾಗಿದೆ.

ಒಟ್ಟಿನಲ್ಲಿ ಭಾರತ ನಿರ್ಮಿತ ಮಾದರಿಗಳು ಪದೇ ಪದೇ ವಿದೇಶ ಢಿಕ್ಕಿ ಪರೀಕ್ಷೆಯಲ್ಲಿ ವೈಫಲ್ಯ ಅನುಭವಿಸುತ್ತಿರುವುದು ದೇಶದ ವಾಹನ ಸಂಸ್ಥೆಗಳಿಗೂ ಹಿನ್ನೆಡೆಯಾಗಿ ಪರಿಣಮಿಸುವ ಭೀತಿ ಕಾಡುತ್ತಿದೆ.