ಭಾರತಕ್ಕೆ ಇಸುಝು ಎಂಯು-ಎಕ್ಸ್ ಎಸ್ ಯುವಿ ?

ಜಪಾನ್ ಮೂಲದ ಪ್ರಖ್ಯಾತ ವಾಹನ ತಯಾರಿಕ ಸಂಸ್ಥೆಯಾಗಿರುವ ಇಸುಝು ಮೋಟಾರ್ಸ್, ಭಾರತದಲ್ಲಿ ತನ್ನ ಜನಪ್ರಿಯ ಮಾದರಿಯಾಗಿರುವ ಇಸುಝು ಎಂಯು ಕ್ರೀಡಾ ಬಳಕೆಯ ವಾಹನ ಬಿಡುಗಡೆ ಮಾಡುವ ಸಾಧ್ಯತೆಯಿದೆ.

ಇದಕ್ಕೆ ಸಂಬಂಧಪಟ್ಟಂತೆ ಪೂರಕವಾದ ಮಾಹಿತಿಗಳು ಬರುತ್ತಿದ್ದು, ಎಲ್ಲವೂ ಅಂದುಕೊಂಡಂತೆ ನಡೆದ್ದಲ್ಲಿ ದೇಶದ ವಾಹನ ಪ್ರೇಮಿಗಳಿಗೆ ಮಗದೊಂದು ಆಕರ್ಷಕ ಎಸ್ ಯುವಿ ನೋಡುವ ಅವಕಾಶ ದೊರಕಲಿದೆ.

ನೂತನ ಇಸುಝು ಎಂಯು-ಎಕ್ಸ್ ಎಸ್ ಯುವಿ ಕಾರು 2.5 ಲೀಟರ್ ಡೀಸೆಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 320 ತಿರುಗುಬಲದಲ್ಲಿ 134 ಅಶ್ವಶಕ್ತಿ ಉತ್ಪಾದಿಸಲಿದೆ. ಹಾಗೆಯೇ 5 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಜೊತೆ ಆಟೋಮ್ಯಾಟಿಕ್ ಆಯ್ಕೆಯು ಇರಲಿದೆ.

ಮುಂದಿನ ವರ್ಷಾರಂಭದಲ್ಲಿ ನಡೆಯುವ 2016 ಆಟೋ ಎಕ್ಸ್ ಪೋದಲ್ಲಿ ಇಸುಝು ನೂತನ ಎಸ್ ಯುವಿ ಅನಾವರಣಗೊಂಡರೆ ಅಚ್ಚರಿಪಡಬೇಕಾಗಿಲ್ಲ. 20 ಲಕ್ಷ ಬಜೆಟ್ ನೊಳಗೆ ಬಿಡುಗಡೆ ಮಾಡುವುದು ಸಂಸ್ಥೆಯ ಯೋಜನೆಯಾಗಿರಲಿದೆ. ಹಾಗಾದ್ದಲ್ಲಿ ಫೋರ್ಡ್ ಎಂಡೀವರ್, ಹ್ಯುಂಡೈ ಸಾಂಟಾಫೆ, ಮಿಟ್ಸುಬಿಸಿ ಪಜೆರೊ ಸ್ಪೋರ್ಟ್ ಮತ್ತು ಟೊಯೊಟಾ ಫಾರ್ಚ್ಯುನರ್ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.