2 ತಿಂಗಳೊಳಗೆ ಮಾರುತಿ ಎಸ್-ಕ್ರಾಸ್‌ಗೆ 1 ಲಕ್ಷ ಡಿಸ್ಕೌಂಟ್!

ಸದ್ಯ ಲಭ್ಯವಿರುವ ಮಾಹಿತಿಗಳ ಪ್ರಕಾರ ಮಾರುತಿ ಎಸ್-ಕ್ರಾಸ್ ಕಾರು ಬಿಡುಗಡೆಯಾದ ಎರಡು ತಿಂಗಳೊಳಗೆ ಡೀಲರುಗಳ ಬಳಿ ಒಂದು ಲಕ್ಷ ರು.ಗಳ ವರೆಗೂ ಡಿಸ್ಕೌಂಟ್ ನೀಡಲಾಗುತ್ತಿದೆ.

ಮಾರುತಿ ಎಸ್ ಕ್ರಾಸ್ ಬಿಡುಗಡೆಯಾದ ಮೊದಲ ತಿಂಗಳಲ್ಲಿ 4,500 ಯುನಿಟ್ ಗಳ ಮಾರಾಟ ಗಿಟ್ಟಿಸಿಕೊಂಡಿತ್ತು. ಬಳಿಕ ಸೆಪ್ಟೆಂಬರ್ ಆಗುವಷ್ಟರಲ್ಲಿ ಈ ಪ್ರಮಾಣವು 3,500ಕ್ಕೆ ಇಳಿಕೆಯಾಗಿತ್ತು. ಇನ್ನೊಂದೆಡೆ ಎಸ್ ಕ್ರಾಸ್ ಪ್ರತಿಸ್ಪರ್ಧಿ ಹ್ಯುಂಡೈ ಕ್ರೆಟಾ ಕ್ರೀಡಾ ಬಳಕೆಯ ವಾಹನವು ಗರಿಷ್ಠ ಮಾರಾಟವನ್ನು ಗಿಟ್ಟಿಸಿಕೊಳ್ಳುತ್ತಿದೆ.

ಸದ್ಯ ಲಭ್ಯವಿರುವ ಮಾಹಿತಿಗಳ ಪ್ರಕಾರ ಒಂದು ಲಕ್ಷ ರು.ಗಳಷ್ಟು ಡಿಸ್ಕೌಂಟ್ ನಲ್ಲಿ 30,000 ರು.ಗಳಷ್ಟು ಲಾಯಲ್ಟಿ (ನಿಷ್ಠಾವಂತ ಗ್ರಾಹಕ) ಹಾಗೂ ಉಳಿದ ಮೊತ್ತವನ್ನು ಕಾರಿಗೆ ಸಾಲ ಪಡೆಯುವವರಿಗಾಗಿ ನೀಡಲಾಗುತ್ತಿದೆ.

ಎಸ್ ಕ್ರಾಸ್ 1300 ಸಿಸಿ ವೆರಿಯಂಟ್ ದೆಹಲಿ ಎಕ್ಸ್ ಶೋ ರೂಂ ಬೆಲೆ 8.34 ಲಕ್ಷ ರು.ಗಳಿಂದ 10.75 ಲಕ್ಷ ರು.ಗಳಷ್ಟು ದುಬಾರಿಯೆನಿಸುತ್ತದೆ. ಅದೇ ಹೊತ್ತಿಗೆ 1600 ಸಿಸಿ ಎಂಜಿನ್ ವೆರಿಯಂಟ್ 11.99 ಲಕ್ಷ ರು.ಗಳಿಂದ 13.74 ಲಕ್ಷ ರು.ಗಳಷ್ಟು ಬೆಲೆ ಬಾಳುತ್ತದೆ.

ನೀವೇಕೆ ಎಸ್-ಕ್ರಾಸ್ ಇಷ್ಟಪಡಬೇಕು? ಇಲ್ಲಿದೆ 10 ಕಾರಣಗಳು