ಸಿಯಾಝ್ ಹೈಬ್ರಿಡ್ ಬಿಡುಗಡೆಗೆ ಕ್ಷಣಗಣನೆ; ವಿಶೇಷತೆಗಳೇನು?

ಮಾರುತಿ ಸುಜುಕಿ ಸಿಯಾಝ್ ಭಾರತದಲ್ಲಿ ಲಭ್ಯವಾಗಲಿರುವ ಮೊದಲ ಡೀಸೆಲ್ ಹೈಬ್ರಿಡ್ ಸೆಡಾನ್ ಕಾರಾಗಿರಲಿದ್ದು, ಸ್ಟ್ಯಾರ್ಟರ್ ಜನರೇಟರ್ ಜೊತೆಗೆ ಸ್ಟ್ಯಾರ್ಟ್-ಸ್ಟಾಪ್ ತಂತ್ರಗಾರಿಕೆಯೂ ಆಳವಡಿಕೆಯಾಗಲಿದೆ.

ಇದು ಈಗಿರುವ ಪ್ರತಿ ಲೀಟರ್‌ಗೆ 26.21 ಕೀ.ಮೀ. ಗಳಿಂದ 28 ಕೀ.ಮೀ. ಗಳಷ್ಟು ವರ್ಧಿತ ಮೈಲೇಜ್ ನೀಡುವಲ್ಲಿ ಸಕ್ಷಮವಾಗಿರಲಿದೆ.

ಅಂತೆಯೇ ಸಿಯಾಝ್‌ ಹೈಬ್ರಿಡ್ ಎಲ್ಲ ವೆರಿಯಂಟ್ ಗಳಲ್ಲೂ ಲಭ್ಯವಾಗಲಿದೆ. ಹಾಗೆಯೇ ಎಬಿಎಸ್, ಇಬಿಡಿ ಮತ್ತು ಚಾಲಕ ಏರ್ ಬ್ಯಾಗ್ ಸೌಲಭ್ಯವೂ ಇರಲಿದೆ.

ಸುಜುಕಿಯ ಸ್ಮಾರ್ಟ್ ಹೈಬ್ರಿಡ್ ವೆಹಿಕಲ್ ತಂತ್ರಗಾರಿಕೆಯ ಮುಖಾಂತರ ಇದರಲ್ಲಿ ಆಳವಡಿಸಲಾಗಿರುವ ಲಿಥಿಯಂ ಇಯಾನ್ ಬ್ಯಾಟರಿಯು ಬ್ರೇಕಿಂಗ್ ವೇಳೆ ಹಾಗೂ ಚಕ್ರಗಳು ಉರುಳುವಾಗಲೂ ಬ್ಯಾಟರಿ ರಿ ಚಾರ್ಜ್ ಆಗಲಿದೆ. ಇವೆಲ್ಲದರ ಜೊತೆಗೆ ಸ್ಟ್ಯಾರ್ಟ್-ಸ್ಟಾಪ್ ತಂತ್ರಜ್ಞಾನವೂ ಮೈಲೇಜ್‌ಗೆ ಮತ್ತಷ್ಟು ಉತ್ತೇಜನವನ್ನು ಸಿಗಲಿದೆ.

ಒಟ್ಟಿನಲ್ಲಿ ಮಾರುತಿ ಸಿಯಾಝ್ ಡೀಸೆಲ್ ಹೈಬ್ರಿಡ್ ಕಾರಿನ ಬಿಡುಗಡೆಗೆ ಕ್ಷಣಗಣನೆ ಆರಂಭವಾಗಿದ್ದು, ಮಾರುಕಟ್ಟೆಯಲ್ಲಿ ಅತಿ ಹೆಚ್ಚಿನ ಸದ್ದು ಮಾಡುವ ನಿರೀಕ್ಷೆಯಿದೆ.