ಬೆಂಝ್ ಮಗದೊಂದು ಐಷಾರಾಮಿ ಕಾರು ಭಾರತಕ್ಕೆ

By Nagaraja

Published: Tuesday, August 18, 2015, 18:07 [IST]

ಜರ್ಮನಿಯ ಪ್ರೀಮಿಯಂ ಕಾರು ತಯಾರಿಕ ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಝ್, ಮುಂಬರುವ ಸೆಪ್ಟೆಂಬರ್ ತಿಂಗಳಲ್ಲಿ ಮಗದೊಂದು ಐಷಾರಾಮಿ ಕಾರನ್ನು ದೇಶಕ್ಕೆ ಪರಿಚಯಿಸಲಿದೆ. ಅದುವೇ,

ಮರ್ಸಿಡಿಸ್ ಬೆಂಝ್ ಎಎಂಜಿ ಸಿ63 ಎಸ್

ಮರ್ಸಿಡಿಸ್ ಬೆಂಝ್‌ನ ನಿರ್ವಹಣಾ ವಿಭಾಗವಾಗಿರುವ ಎಎಂಜಿ ವಿಶ್ವದೆಲ್ಲೆಡೆ ಅತಿ ಹೆಚ್ಚಿನ ಮನ್ನಣೆಗೆ ಪಾತ್ರವಾಗಿದ್ದು, ಭಾರತದಲ್ಲೂ ಮೋಡಿ ಮಾಡುವ ನಿರೀಕ್ಷೆಯನ್ನಿಟ್ಟುಕೊಂಡಿದೆ.

ಪ್ರಸಕ್ತ ಸಾಲಿನಲ್ಲಿ ಈಗಾಗಲೇ 10 ಹೊಸ ಮಾದರಿಗಳನ್ನು ಪರಿಚಯಿಸಿರುವ ಬೆಂಝ್, ವರ್ಷಾಂತ್ಯದೊಳಗೆ ಈ ಸಂಖ್ಯೆಯನ್ನು 15ಕ್ಕೆ ಏರಿಸುವುದರಲ್ಲಿ ಬದ್ಧವಾಗಿದೆ. ಅಂದರೆ 2015ನೇ ಸಾಲಿನಲ್ಲಿ 15 ಮಾದರಿಗಳು ದೇಶದಲ್ಲಿ ಬಿಡುಗಡೆಯಾಗಲಿದೆ.

2015 ಸೆಪ್ಟೆಂಬರ್ 03ರಂದು ಇದಕ್ಕೆ ವೇದಿಕೆಯೊದಗಿಸಲಿದ್ದು, ಬೆಂಝ್ ಎಎಂಜಿ ಸಿ63 ಎಸ್ ಮಾಡೆಲ್ ಪ್ರವೇಶವಾಗಲಿದೆ. ಕಂಪ್ಲೀಟ್ ಬಿಲ್ಡ್ ಯುನಿಟ್ ಮುಖಾಂತರ ಇದು ಭಾರತವನ್ನು ತಲುಪಲಿದೆ.