ಬೆಂಝ್-ಲುಫ್ತಾಂಸಾದಿಂದ ವಿಮಾನ ವಿಐಪಿ ಕ್ಯಾಬಿನ್ ಪರಿಕಲ್ಪನೆ

ಸಾಂಪ್ರಾದಾಯಿಕ ವಿನ್ಯಾಸ ಕೊಠಡಿಯ ಬದಲಾಗಿ ಡೈನಾಮಿಕ್ ವಿನ್ಯಾಸಕ್ಕೆ ಮೊರೆ ಹೋಗಲಾಗುತ್ತಿದೆ. ಇದರಂತೆ ವಿಮಾನದ ಒಳಮೈ ರಚನೆಯು ಸಂಪೂರ್ಣವಾಗಿ ಪರಿಷ್ಕೃತಗೊಳ್ಳಲಿದೆ.

ಇಲ್ಲಿ ಪ್ರಮುಖವಾಗಿಯೂ ಮರ್ಸಿಡಿಸ್ ಬೆಂಝ್ ಸ್ಟೈಲ್ ಹಾಗೂ ಲುಫ್ತಾಂಸಾ ನಾವೀನ್ಯತೆಯನ್ನು ಗುರಿ ಮಾಡಲಾಗುತ್ತಿದ್ದು, ಜಾಗತಿಕ ಖಾಸಗಿ ವಿಮಾನಯಾದನಲ್ಲಿ ವಿಶಿಷ್ಟ, ವಿನೂತನ ಸೌಲಭ್ಯಗಳನ್ನು ಒದಗಿಸಲಿದೆ.

ವಿಮಾನ ವಿನ್ಯಾಸ ಮಾರ್ಪಾಡುಗೊಳಿಸುವುದರಲ್ಲಿ ದಶಕಗಳ ಅನುಭವ ಹೊಂದಿರುವ ಲುಫ್ತಾಂಸಾ, ವಿಮಾನ ಕ್ಯಾಬಿನ್ ನಲ್ಲಿರಬೇಕಾದ ಎಲ್ಲ ಅಗತ್ಯಗಳನ್ನು ಪೂರೈಸಲಿದೆ. ಇದಕ್ಕೆ ಬೆಂಝ್ ತನ್ನ ತಂತ್ರಗಾರಿಕೆಯ ಬಣ್ಣ ಬಳಿಯಲಿದೆ.

ಹೈ ಟೆಕ್ ತಂತ್ರಜ್ಞಾನ, ಆಧುನಿಕತೆ, ಹೊಸತನದತ್ತ ಎರಡು ಸಂಸ್ಥೆಗಳು ಗಮನ ಹರಿಸಲಿದೆ. ಅಂತೆಯೇ ಗ್ರಾಹಕರ ಬೇಡಿಕೆಗೆ ಹೆಚ್ಚಿನ ಆದ್ಯತೆ ಕೊಡಲಾಗುವುದು.

ಜಿನೆವಾದಲ್ಲಿ ನಡೆದ EBACE 2015 ಶೋದಲ್ಲಿ ಈ ಮಹತ್ವದ ಘೋಷಣೆಯನ್ನು ಮಾಡಲಾಗಿದೆ. ಇದರಂತೆ ಮಾಧ್ಯಮ ಗಾತ್ರದ ವಿಮನದಲ್ಲಿ ಆತಿಥಿಗಳಿಗಾಗಿ ಸಂಪೂರ್ಣವಾಗಿ ನವೀನ, ಐಷಾರಾಮಿ ಮತ್ತು ಸಮಗ್ರ ಕ್ಯಾಬಿನ್ ಪರಿಕಲ್ಪನೆ ರಚನೆಯಾಗಲಿದೆ.