ಕಳಪೆ ಮಾರಾಟ; ಇವಾಲಿಯಾ ಎಂಪಿವಿ ಮಾರಾಟಕ್ಕೆ ಬಿತ್ತು ಬ್ರೇಕ್

ಕಳಪೆ ಮಾರಾಟದ ಹಿನ್ನೆಲೆಯಲ್ಲಿ ದೇಶದಲ್ಲಿ ಇವಾಲಿಯಾ ಬಹು ಬಳಕೆಯ ವಾಹನದ (ಎಂಪಿವಿ) ಮಾರಾಟವನ್ನು ಜಪಾನ್ ಮೂಲದ ವಾಹನ ತಯಾರಿಕ ಸಂಸ್ಥೆಯಾದ ನಿಸ್ಸಾನ್ ಸ್ಥಗಿತಗೊಳಿಸಿದೆ.

ಬಿಡುಗಡೆ ವೇಳೆ ಅತಿ ಹೆಚ್ಚು ನಿರೀಕ್ಷೆಗಳನ್ನು ಹುಟ್ಟು ಹಾಕಿರುವ ಮಾದರಿಗಳಲ್ಲಿ ನಿಸ್ಸಾನ್ ಇವಾಲಿಯಾ ಒಂದಾಗಿತ್ತು. ಆದರೆ ನಿರೀಕ್ಷಿತ ಪ್ರಮಾಣದ ಮಾರಾಟ ಪಡೆಯುವಲ್ಲಿ ವಿಫಲವಾಗಿತ್ತು.

ಭಾರತ ಮಾರುಕಟ್ಟೆಯಲ್ಲಿ ಟೊಯೊಟಾ ಇನ್ನೋವಾ ಹಾಗೂ ಮಹೀಂದ್ರ ಕ್ಸೈಲೋಗಳಂತಹ ಜನಪ್ರಿಯ ಮಾದರಿಗಳ ಮುಂದೆ ರೇಸ್ ಗಿಳಿದಿದ್ದ ಇವಾಲಿಯಾ ಹಿನ್ನೆಡೆ ಅನುಭವಿಸಿತ್ತು.

ನಿಮ್ಮ ಮಾಹಿತಿಗಾಗಿ ಇವಾಲಿಯಾ ರಿ ಬ್ಯಾಡ್ಜ್ ಪಡೆದುಕೊಂಡಿದ್ದ ಅಶೋಕ್ ಲೇಲ್ಯಾಂಡ್ ಸ್ಟೈಲ್ ಎಂಬ ಮಾದರಿಯನ್ನು ಪರಿಚಯಿಸಿತ್ತು. ಆದರೆ ಮಾರಾಟ ಕುಸಿತದ ಹಿನ್ನೆಲೆಯಲ್ಲಿ 2015 ಮೇ ತಿಂಗಳಲ್ಲಿ ಮಾರಾಟ ಕೊನೆಗೊಳಿಸಿತ್ತು.