ನಿಸ್ಸಾನ್ ಪ್ರೀಮಿಯಂ ಕ್ರಾಸೋವರ್ ಭಾರತ ಪ್ರವೇಶ ಖಚಿತ

ಜಪಾನ್ ಮೂಲದ ಪ್ರತಿಷ್ಠಿತ ಸಂಸ್ಥೆಯಾಗಿರುವ ನಿಸ್ಸಾನ್, ಮುಂದಿನ ವರ್ಷಾರಂಭದಲ್ಲಿ ನಡೆಯಲಿರುವ 2016 ಆಟೋ ಎಕ್ಸ್ ಪೋದಲ್ಲಿ ನೂತನ ಕ್ರಾಸೋವರ್ ಮಾದರಿಯನ್ನು ಬಿಡುಗಡೆ ಮಾಡಲಿದೆ. ಈ ಬಗೆಗಿನ ವರದಿಯನ್ನು ಖಚಿತಪಡಿಸಿರುವ ನಿಸ್ಸಾನ್, ಎಕ್ಸ್-ಟ್ರೈಲ್ ಪ್ರೀಮಿಯಂ ಕ್ರಾಸೋವರ್ ಭಾರತದಲ್ಲಿ ಬಿಡುಗಡೆ ಮಾಡುವುದಾಗಿ ತಿಳಿಸಿದೆ.

ಈ ಹಿಂದೆ ಕಳೆಪ ಮಾರಾಟದ ಹಿನ್ನೆಲೆಯಲ್ಲಿ ಎಕ್ಸ್-ಟ್ರೈಲ್ ಮಾರಾಟವನ್ನು ನಿಲುಗಡೆಗೊಳಿಸಲಾಗಿತ್ತು. ಆದರೆ ಇಲ್ಲಿಗೆ ಸೋಲೊಪ್ಪಿಕೊಳ್ಳಲು ತಯಾರಾಗದ ಸಂಸ್ಥೆಯು ಆಕ್ರಮಣಕಾರಿ ನಿಲುವು ಸ್ವೀಕರಿಸಲು ಮುಂದಾಗಿದೆ.

ಎಂಜಿನ್ ತಾಂತ್ರಿಕತೆ

• 1.6 ಲೀಟರ್ ಫೋರ್ ಸಿಲಿಂಡರ್ ಡೀಸೆಲ್,
• 127 ಅಶ್ವಶಕ್ತಿ,
• 320 ಎನ್‌ಎಂ ತಿರುಗುಬಲ,
• ಸಿವಿಟಿ ಗೇರ್ ಬಾಕ್ಸ್

ಹಿಂದಿನ ಮಾದರಿಗಿಂತಲೂ ಹೆಚ್ಚು ಸ್ಟೈಲಿಷ್ ವಿನ್ಯಾಸ ಪಡೆದುಕೊಳ್ಳಲಿರುವ ನಿಸ್ಸಾನ್ ಎಕ್ಸ್-ಟ್ರೈಲ್ ಕಾರಿನ ಒಳಗೂ ಹೊರಗೂ ಹೆಚ್ಚಿನ ಬದಲಾವಣೆಗಳು ಕಂಡುಬರಲಿದೆ. ಅಲ್ಲದೆ ಈ ಎಲ್ಲ ಧನಾತ್ಮಕ ಅಂಶಗಳಿಂದಾಗಿ ಹೆಚ್ಚಿನ ಮಾರಾಟವನ್ನು ಗಿಟ್ಟಿಸಿಕೊಳ್ಳುವ ನಿರೀಕ್ಷೆಯಲ್ಲಿದೆ.