ಹೆಚ್ಚು ಕಾಯಬೇಡಿ, ಮುನ್ನುಗ್ಗಿ; ಬರುತ್ತಿದೆ ರೆನೊ 'ಕಯೂ' ಸಣ್ಣ ಕಾರು

ಇತ್ತೀಚೆಗಷ್ಟೇ ನಾವೊಂದು ಲೇಖನವೊಂದನ್ನು ಪ್ರಕಟಿಸಿದ್ದು, ರೆನೊ ಸಣ್ಣ ಕಾರು ಭಾರತದಲ್ಲಿ ಬಿಡುಗಡೆಯಾಗುವ ಬಗ್ಗೆ ಮಾಹಿತಿಯನ್ನು ಕೊಟ್ಟಿದ್ದೇವೆ. ಇದರ ಮುಂದುವರಿದ ಭಾಗವೆಂಬಂತೆ ಫ್ರಾನ್ಸ್ ಮೂಲದ ಈ ಜನಪ್ರಿಯ ಸಂಸ್ಥೆಯು ಟೀಸರ್ ವೀಡಿಯೋವೊಂದನ್ನು ಬಿಡುಗಡೆ ಮಾಡಿದೆ.

ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಸಣ್ಣ ವಿಭಾಗಕ್ಕೆ ಕಾಲಿರಿಸಲು ನಿರ್ಧರಿಸಿರುವ ರೆನೊ ಸಂಸ್ಧೆ ಸಂಪೂರ್ಣ ನೂತನ ರೆನೊ 'ಕಯೂ' (kayou) ಮಾದರಿಯನ್ನು 2015 ಮೇ 20ರಂದು ಅನಾವರಣಗೊಳಿಸಲಿದೆ. ಈ ಮೂಲಕ ಇತ್ತೀಚೆಗಷ್ಟೇ ರೆನೊ ಲೊಡ್ಜಿ ಎಂಪಿವಿ ಕಾರನ್ನು ಪರಿಚಯಿಸಿರುವ ರೆನೊ ದೇಶದಲ್ಲಿ ತನ್ನ ಸಾನಿಧ್ಯವನ್ನು ಮತ್ತಷ್ಟು ಬಲಪಡಿಸಲಿದೆ.

ರೆನೊ ಸಣ್ಣ ಕಾರು ದಶಕಗಳಿಂದಲೂ ದೇಶದ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಸದ್ದು ಮಾಡುತ್ತಿರುವ ಮಾರುತಿ ಸುಜುಕಿ ಆಲ್ಟೊ ಮಾದರಿಗೆ ನೇರ ಪ್ರತಿಸ್ಪರ್ಧಿಯಾಗಿರಲಿದೆ. ಇದು ಸಿಎಂಎಫ್-ಎ ತಳಹದಿಯಲ್ಲಿ ನಿರ್ಮಾಣವಾಗಲಿದೆ.

ರೋಚಕ ವೀಡಿಯೋ ವೀಕ್ಷಿಸಿ