ಭಾರತದಲ್ಲಿ ಸ್ವಯಂಚಾಲಿತ ಕಾರುಗಳ ಜನಪ್ರಿಯತೆ ಜಾಸ್ತಿಯಂತೆ!

ಸೆಲ್ಪ್ ಡ್ರೈವಿಂಗ್ ಕಾರು ಕನಸು ನನಸಾಗುವ ಕಾಲ ಇನ್ನೂ ಬಹಳ ದೂರವಿಲ್ಲ. ಅಂತೆಯೇ ಬೆಳೆದು ಬರುತ್ತಿರುವ ಭಾರತದಲ್ಲಿ ಶೇಕಡಾ 60ರಷ್ಟು ಗ್ರಾಹಕರು ಸೆಲ್ಪ್ ಡ್ರೈವಿಂಗ್ ವಾಹನಗಳಲ್ಲಿ (ಎಸ್‌ಡಿವಿ) ಸಂಚರಿಸಲು ಉತ್ಸುಕತೆ ವ್ಯಕ್ತಪಡಿಸಿದ್ದಾರೆ ಎಂದು ನೂತನ ಸರ್ವೇ ವರದಿಯೊಂದು ತಿಳಿಸುತ್ತದೆ.

ವಿಶ್ವದ ಆರ್ಥಿಕ ವೇದಿಕೆ (ಡಬ್ಲ್ಯುಇಎಫ್) ನಡೆಸಿರುವ ಸಮೀಕ್ಷೆಯಂತೆ ಭಾರತ ಹಾಗೂ ಚೀನಾ ರಾಷ್ಟ್ರಗಳಲ್ಲಿ ಸ್ವಯಂಚಾಲಿತ ಕಾರುಗಳ ಜನಪ್ರಿಯತೆ ಹೆಚ್ಚುತ್ತಿದ್ದು, ಮುಂದಿನ 10 ವರ್ಷಗಳಲ್ಲಿ ಇದೊಂದು ಸಾಮಾನ್ಯ ವಿಷಯವಾಗಲಿದೆ ಎಂದಿದೆ.

10 ರಾಷ್ಟ್ರಗಳಲ್ಲಾಗಿ 5,500ರಷ್ಟು ಗ್ರಾಹಕರಿಂದ ಸಂಗ್ರಹಿಸಿದ ಅಭಿಪ್ರಾಯದ ಆಧಾರದಲ್ಲಿ ಅಮೆರಿಕ, ಬ್ರಿಟನ್, ಜಪಾನ್ ಹಾಗಾ ಜರ್ಮನಿ ರಾಷ್ಟ್ರಗಳಿಗೆ ಹೋಲಿಸಿದಾಗ ಬೆಳೆದು ಬರುತ್ತಿರುವ ಭಾರತದಂತಹ ರಾಷ್ಟ್ರಗಳಲ್ಲಿ ಹೆಚ್ಚು ಬೇಡಿಕೆ ಕಂಡುಬಂದಿದೆ ಎಂದು ತಿಳಿಸಿದೆ. ಇಲ್ಲಿ ಅಮೆರಿಕ ಹಾಗೂ ಬ್ರಿಟನ್‌ನಲ್ಲಿ ಶೇಕಡಾ 50ರಷ್ಟು ಉತ್ಸುಕತೆ ವ್ಯಕ್ತವಾಗಿದೆ.

ಅಂತೆಯೇ ದುಬೈ, ನ್ಯೂಯಾರ್ಕ್, ಸಿಂಗಾಪುರ, ಆರ್ಮ್‌ಸ್ಟರ್ ಡ್ಯಾಮ್ ಇತ್ಯಾದಿ ನಗರಗಳಲ್ಲೂ ಸೆಲ್ಪ್ ಡ್ರೈವಿಂಗ್ ವಾಹನಗಳ ನಿರೀಕ್ಷೆಯ ಬಗ್ಗೆಯೂ ಅಭಿಪ್ರಾಯ ಸಂಗ್ರಹಿಸಲಾಗಿತ್ತು. ಇಲ್ಲಿ ಎಲ್ಲ ನಗರಗಳಿಂತಲೂ ಅತ್ಯುತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಸಾರಿಗೆ ಸಮಸ್ಯೆ ನಿವಾರಿಸುವ ತಾಕತ್ತು ಸ್ವಯಂಚಾಲಿತ ಕಾರುಗಳಿಗಿವೆ ಎಂಬ ಕೂಗು ವ್ಯಕ್ತವಾಗಿದೆ.

ಹಾಗಿದ್ದರೂ ಬಹುತೇಕ ನಗರಗಳು ಇನ್ನಷ್ಟೇ ಸ್ವಯಂಚಾಲಿತ ಕಾರುಗಳ ವ್ಯವಸ್ಥೆಗೆ ಒಗ್ಗಬೇಕಾಗಿದೆ. ಈ ನಿಟ್ಟಿನಲ್ಲಿ ತಂತ್ರಜ್ಞಾನ ಅಭಿವೃದ್ದಿಯೂ ಆಗಬೇಕಾಗಿದೆ ಎಂಬುದನ್ನು ಉಲ್ಲೇಖಿಸಿದೆ.

ಅಬ್ಬಬ್ಬಾ ಮಹೀಂದ್ರದಿಂದ ಚಾಲಕರಹಿತ ಕಾರು ಅಭಿವೃದ್ಧಿ!