ಭಾರತದ ಅತಿ ಕೆಟ್ಟ ಬಣ್ಣ ಸಂಯೋಜನೆಯ 7 ಕಾರುಗಳು

ದಟ್ಸನ್ ಗೊ - ಆಕಾಶ ನೀಲಿ

ದಟ್ಸನ್ ಗೊ ಭಾರತಕ್ಕೆ ಪರಿಚಯವಾಗಿರುವ ಹೊಸ ಕಾರು ಬ್ರಾಂಡ್ ಆಗಿದೆ. ಜಪಾನ್ ಮೂಲದ ನಿಸ್ಸಾನ್‌ನ ಸಣ್ಣ ಕಾರು ಬ್ರಾಂಡ್ ಇದಾಗಿದೆ. ಆದರೆ ಯಾವುದೋ ಕಾರಣಕ್ಕಾಗಿ ದಟ್ಸನ್ ಗೊ ಕಾರಿಗೆ ಆಕಾಶ ನೀಲಿ ಬಣ್ಣ ಸರಿ ಹೊಂದಿಕೆಯಾಗುತ್ತಿಲ್ಲ ಅಲ್ಲವೇ?

ಮಹೀಂದ್ರ ಬೊಲೆರೊ - ಕಡು ಕೆಂಪು

ಮೊದಲ ನೋಟದಲ್ಲೇ ಇದನ್ನು ಯಾವುದೋ ಅಗ್ನಿ ಶಾಮಕ ಬಂಡಿ ಬರುತ್ತಿದೆ ಎಂದು ತಪ್ಪಾಗಿ ಅರ್ಥೈಸದಿರಿ. ಏನೋ ಹೊಸತನವನ್ನು ಪ್ರಯತ್ನಿಸಲು ಹೋಗಿರುವ ಮಹೀಂದ್ರಗೆ ಆಗಿರುವ ಎಡವಟ್ಟಿದು.

ಟಾಟಾ ನ್ಯಾನೋ - ಗುಲಾಬಿ ಬಣ್ಣ

ಟಾಟಾ ಜೆನ್ ಎಕ್ಸ್ ನ್ಯಾನೋ ಇತ್ತೀಚೆಗಷ್ಟೇ ಬಿಡುಗಡೆಯಾಗಿತ್ತು. ಪ್ರೇಮಿಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಆಕರ್ಷಿಸುವ ಸಲುವಾಗಿ ರೋಮ್ಯಾಂಟಿಕ್ ಬಣ್ಣದ ಆಯ್ಕೆಯನ್ನು ಇದಕ್ಕೆ ನೀಡಲಾಗಿದೆ. ಆದರೆ ಬಂದಿರುವ ಫಲಿತಾಂಶ ಮಾತ್ರ ಬೇಸರ ತರಿಸುತ್ತಿದೆ.

ನಿಸ್ಸಾನ್ ಇವಾಲಿಯಾ - ಹಸಿರು

ಸಾಧಾರಣವಾಗಿ ಹಸಿರು ಬಣ್ಣಗಳು ಎಲ್ಲ ಕಾರುಗಳಿಗೆ ಹೊಂದಿಕೆಯಾಗುವುದಿಲ್ಲ. ಇದನ್ನೇ ನೀವಿಲ್ಲಿ ನಿಸ್ಸಾನ್ ಇವಾಲಿಯಾ ಉಪಯುಕ್ತ ವಾಹನದಲ್ಲೂ ಕಾಣಬಹುದಾಗಿದೆ.

ಮಹೀಂದ್ರ ಎಕ್ಸ್‌ಯುವಿ500 - ಕೇಸರಿ

ಚಿರತೆಯಿಂದ ಸ್ಪೂರ್ತಿ ಪಡೆದು ರಚನೆಯಾಗಿರುವ ಕೇಸರಿ ಬಣ್ಣದ ಮಹೀಂದ್ರ ಎಕ್ಸ್‌ಯುವಿ500 ಅತ್ಯುತ್ತಮ ನೋಟವನ್ನು ಹೊಂದಿದ್ದರೂ ಕೇಸರಿ ಬಣ್ಣವು ಸ್ವಲ್ಪ ಹಿನ್ನೆಡೆಯನ್ನುಂಟು ಮಾಡಿದೆ.

ಮಾರುತಿ ಸುಜುಕಿ ಡಿಜೈಲ್ - ತೆಳು ನೀಲಿ

ತೆಳು ನೀಲಿ ಬಣ್ಣದ ಸಂಯೋಜನೆಯಾಗಿರುವ ಮಾರುತಿ ಸುಜುಕಿ ಡಿಜೈರ್ ಅತಿ ಕೆಟ್ಟ ಬಣ್ಣದ ಕಾರಿಗೆ ಮಗದೊಂದು ಉದಾಹರಣೆಯಾಗಿದೆ.

ಫೋರ್ಸ್ ಗುರ್ಖಾ - ಡ್ರ್ಯಾಗನ್ ಗ್ರೀನ್

ಡ್ರ್ಯಾಗನ್ ಗ್ರೀನ್ ಎಂಬ ಬಣ್ಣದೊಂದಿಗೆ ಎಂಟ್ರಿ ಕೊಟ್ಟಿರುವ ಫೋರ್ಸ್ ಗುರ್ಖಾ ಸಹ ನಿರೀಕ್ಷಿತ ಮಾರಾಟವನ್ನು ಕಾಪಾಡಿಕೊಳ್ಳುವಲ್ಲಿ ಯಶಸ್ವಿಯಾಗಲಿಲ್ಲ. ಸಂಸ್ಥೆಯ ಮಾರಾಟ ಕುಸಿತದ ಹಿಂದೆ ಬಣ್ಣವೂ ಪಾತ್ರ ವಹಿಸಿದೆ ಅಂದರೆ ತಪ್ಪಾಗಲಾರದು.

ನಿಮ್ಮ ಬಳಿಯೂ ಅತಿ ಕೆಟ್ಟ ಬಣ್ಣ ಸಂಯೋಜನೆಯ ಕಾರುಗಳ ಪಟ್ಟಿಯಿದೆಯೇ? ಹಾಗಿದ್ದರೆ ಇನ್ಯಾಕೆ ತಡ ಈಗಲೇ ಕೆಳಗೆ ಕೊಟ್ಟಿರುವ ಕಾಮೆಂಟ್ಸ್ ಬಾಕ್ಸ್ ನಲ್ಲಿ ಉಲ್ಲೇಖಿರಿಸಿರಿ.