ಮುಂದಿನ ತಿಂಗಳಲ್ಲಿ ಟಾಟಾದ ಹೊಸ ಕ್ವಾಡ್ರಾಸೈಕಲ್ ಮಾರುಕಟ್ಟೆಗೆ

ಕ್ವಾಡ್ರಾಸೈಕಲ್ ವಿಭಾಗದಲ್ಲಿ ಗುರುತಿಸಿಕೊಳ್ಳಲಿರುವ ಟಾಟಾದ ಹೊಸ ಉತ್ಪನ್ನವು ಮುಂದಿನ ತಿಂಗಳಲ್ಲಿ ಮಾರುಕಟ್ಟೆ ಪ್ರವೇಶಿಸುವ ಎಲ್ಲ ಸಾಧ್ಯತೆಗಳು ನಿಚ್ಚಳವಾಗಿ ಕಂಡುಬರುತ್ತಿದ್ದು, ಇನ್ನಷ್ಟೇ ಬಿಡುಗಡೆಯಾಗಲಿರುವ ಬಜಾಜ್ ಆರ್‌ಇ60 ಮಾದರಿಗೆ ಪ್ರತಿಯಾಗಲಿದೆ.

ಸಣ್ಣ ವಾಣಿಜ್ಯ ಕ್ವಾಡ್ವಾಸೈಕಲ್ ವಿಭಾಗವು ದೇಶ ನಿವಾಸಿಗಳಿಗೆ ಹೊಸತನದ ಅನುಭವ ನೀಡಲಿದೆ. ಇದು ಪ್ರಮುಖವಾಗಿಯೂ ಆಟೋ ರಿಕ್ಷಾಗಳಂತಹ ತ್ರಿಚಕ್ರ ವಾಹನಗಳಿಗೆ ಬದಲಿ ವ್ಯವಸ್ಥೆಯಾಗಿರಲಿದೆ.

ನೂತನ ಕ್ವಾಡ್ವಾಸೈಕಲ್ ಸಂಚಾರ ವಾಹಕದ ವಿರುದ್ದ ನ್ಯಾಯಾಲಯದಲ್ಲಿ ಹಲವು ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಲಾಗಿತ್ತು. ಆದರೆ ಈಗ ತೊಡಕುಗಳೆಲ್ಲ ನಿವಾರಣೆಯಾಗಿದ್ದು, ಬಜಾಜ್ ಆರ್‌ಇ60 ಚೊಚ್ಚಲ ಕ್ವಾಡ್ರಾಸೈಕಲ್ ರೂಪದಲ್ಲಿ ಮಾರುಕಟ್ಟೆಗಿಳಿಯಲು ಸಜ್ಜಾಗುತ್ತಿದೆ.