ಟಾಟಾ ಮೋಟಾರ್ಸ್ ಮಾಡಿದ ತಪ್ಪು ಏನು ಗೊತ್ತಾ?

ಟಾಟಾ ಮಾಡಿದ ಮೊದಲ ತಪ್ಪು

ಎಂದಿಗೂ ಟಾಟಾ ನ್ಯಾನೋ ಎಂಬ ಚೊಕ್ಕದಾದ ಕಾರು ನಿರ್ಮಿಸಿರುವುದು ಟಾಟಾ ಮಾಡಿದ ತಪ್ಪಲ್ಲ. ಹಾಗೆಂದು ನೀವು ಅಂದುಕೊಂಡಿದ್ದರೆ ಅದು ತಪ್ಪಾದಿತು. ಆದರೆ ನ್ಯಾನೋ ಮಾರಾಟಕ್ಕಾಗಿ ಟಾಟಾ ಅನುಸರಿಸಿದ ಮಾರಾಟ ತಂತ್ರ ಮಾತ್ರ ಸಂಸ್ಥೆಗೆ ಮುಳುವಾಗಿ ಪರಿಣಮಿಸಿತ್ತು ಎನ್ನದೇ ಬೇರೆ ದಾರಿಯಿಲ್ಲ.

ಅಗ್ಗದ ಕಾರು

ತನ್ನ ಬಜೆಟ್ ನ್ಯಾನೋ ಕಾರನ್ನು ವಿಶ್ವದ ಅಗ್ಗದ ಕಾರೆಂಬ ಹೆಸರಲ್ಲಿ ಟಾಟಾ ಬಿಡುಗಡೆ ಮಾಡಿತ್ತು. ಪರಿಣಾಮ ವಾಹನ ಖರೀದಿಗಾರರು ಇದನ್ನು ಖರೀದಿಸಲು ಹಿಂದೇಟು ಹಾಕಿದರು. ಯಾಕೆಂದರೆ ಹಾಗೊಂದು ವೇಳೆ ನಾನು ನ್ಯಾನೋ ಖರೀದಿಸಿದರೆ ಜಗತ್ತಿನ ಅತಿ ಕಡಿಮೆ ಬೆಲೆಯ ಕಾರು ಖರೀದಿಸಿದಂತಾಗುತ್ತದೆ.

2002ನೇ ಸಾಲಿನಲ್ಲಿ ಬಿಡುಗಡೆಯಾಗಿದ್ದ ಇಂಡಿಗೊ ಸಬ್ ಕಾಂಪಾಕ್ಟ್ ಸೆಡಾನ್ ಕಾರಿನ ಪರಿಸ್ಥಿತಿಯು ಇದಕ್ಕಿಂತ ಭಿನ್ನವಾಗಿರಲಿಲ್ಲ. ಫಿಟ್ ಆ್ಯಂಡ್ ಫಿನಿಶ್ ಗುಣಮಟ್ಟತೆಯನ್ನು ಕಾಯ್ದುಕೊಳ್ಳಲು ಸಂಸ್ಥೆಗೆ ಸಾಧ್ಯವಾಗಲಿಲ್ಲ. ಇದರ ಬೆನ್ನಲ್ಲೇ ಮಾರುತಿಯ ಸ್ವಿಫ್ಟ್ ಡಿಜೈರ್ ಯಶಸ್ಸಿ ಜೈತ್ರಯಾತ್ರೆಯನ್ನೇ ನಡೆಸಿತ್ತು.

ಟಾಟಾ ಕಾರುಗಳೆಂದರೆ ಬರಿ ಟ್ಯಾಕ್ಸಿ ಮಾರುಕಟ್ಟೆಗಷ್ಟೇ ಸೀಮಿತ ಎಂಬ ಭಾವನೆ ಸೃಷ್ಟಿಯಾಗುತ್ತಿದೆ. ಟಾಟಾ ಇಂಡಿಕಾ ಇದಕ್ಕೊಂದು ಉತ್ತಮ ಉದಾಹರಣೆಯಾಗಿದೆ. ಇದೇ ಕಾರಣಕ್ಕಾಗಿ ಪ್ರತಿಯೊಂದು ವಿಭಾಗದಲ್ಲೂ ಟಾಟಾ ಹಿನ್ನೆಡೆ ಅನುಭವಿಸಿತ್ತು.

ಟಾಟಾ ಸಫಾರಿ ಹಾಗೂ ಟಾಟಾ ಸುಮೋ ಎಸ್‌ಯುವಿ ಯಶಸ್ಸು ಸಹ ಸೀಮಿತ ಮಟ್ಟದಲ್ಲಿತ್ತು. ತನ್ನ ಪ್ರತಿಸ್ಪರ್ಧಿಗಳಾದ ಮಹೀಂದ್ರ ಹಾಗೂ ಟೊಯೊಟಾ ಕಾರುಗಳನ್ನು ಹೋಲಿಸಿದಾಗ ಟಾಟಾ ಹಿನ್ನೆಡೆ ಅನುಭವಿಸಿದೆ. ಈ ಸಾಲಿನಲ್ಲಿ ಟಾಟಾ ಆರಿಯಾ ಹೆಸರನ್ನು ಉಲ್ಲೇಖಿಸಬೇಕಾಗುತ್ತದೆ.

ಈ ಎಲ್ಲದರ ನಡುವೆಯೂ ಪುನಶ್ಚೇತನದ ಹಾದಿಯಲ್ಲಿರುವ ಟಾಟಾ, ಮುಂದಿನ ದಿನಗಳಲ್ಲಿ ಮತ್ತಷ್ಟು ಅತ್ಯಾಧುನಿಕ ತಂತ್ರಜ್ಞಾನದ ಕಾರುಗಳನ್ನು ಪರಿಚಯಿಸುವ ಮೂಲಕ ನಂಬಿಕೆ ಮರಳಿ ಪಡೆಯುವ ಇರಾದೆಯಲ್ಲಿದೆ. ದೇಶದ ಅತಿ ದೊಡ್ಡ ವಾಹನ ಸಂಸ್ಥೆಯ ಈ ಎಲ್ಲ ಪ್ರಯತ್ನಗಳಿಗೆ ಯಶ ದೊರಕಲಿ ಎಂಬುದು ನಮ್ಮ ಹಾರೈಕೆಯಾಗಿದೆ.

ಟಾಟಾಗೆ ಹೊಸ ಹುರುಪು ತುಂಬಿತೇ ಹೆಕ್ಸಾ ಎಸ್‌ಯುವಿ