ಭಾರತೀಯ ಸೇನೆಯಿಂದ 900 ಕೋಟಿ ರು.ಗಳ ಒಪ್ಪಂದಕ್ಕೆ ಟಾಟಾ ಸಹಿ

ಭಾರತೀಯ ಸೇನೆಯಿಂದ 900 ಕೋಟಿ ರುಪಾಯಿಗಿಂತಲೂ ಹೆಚ್ಚಿನ ಮೊತ್ತದ ಬೃಹತ್ ಒಪ್ಪಂದ ಗಿಟ್ಟಿಸಿಕೊಂಡಿರುವ ದೇಶದ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್ 1,200ರಷ್ಟು ಮಲ್ಟಿ ಆಕ್ಸೆಲ್ ಟ್ರಕ್ಕುಗಳನ್ನು ದೇಶದ ರಕ್ಷಣಾ ಪಡೆಗೆ ಒದಗಿಸಲಿದೆ.

ಈ ಮೂಲಕ ಅತಿ ದೊಡ್ಡ ಒಪ್ಪಂದವನ್ನು ತನ್ನದಾಗಿಸಿಕೊಳ್ಳುವಲ್ಲಿ ಟಾಟಾ ಯಶ್ವಸಿಯಾಗಿದ್ದು, ಹೈ ಮೊಬಿಲಿಟಿ 6X6 ಮಲ್ಟಿ ಆಕ್ಸೆಲ್ ಟ್ರಕ್ಕುಗಳನ್ನು ಇಂಡಿಯನ್ ಆರ್ಮಿಗೆ ಒದಗಿಸಲಿದೆ.

ಭಾರತದಲ್ಲೇ ಸ್ಥಳೀಯವಾಗಿ ಅಭಿವೃದ್ಧಿಯಾಗಿರುವ ಟಾಟಾದ 6x6 ಹೈ ಮೊಬಿಲಿಟಿ ಟ್ರಕ್ ಗಳು ಆಲ್ ವೀಲ್ ಚಾಲನಾ ವ್ಯವಸ್ಥೆಯನ್ನು ಹೊಂದಿದ್ದು, ಆಫ್ ರೋಡ್ ನಲ್ಲೂ ಚಲಿಸುವ ಸಾಮರ್ಥ್ಯ ಹೊಂದಿರುತ್ತದೆ.

1958ನೇ ಇಸವಿಯಿಂದಲೇ ಭಾರತೀಯ ಸೇನೆ ಹಾಗೂ ಅರೆಸೇನಾ ಪಡೆಯೊಂದಿಗೆ ನಂಟನ್ನು ಹೊಂದಿರುವ ಟಾಟಾ ಮೋಟಾರ್ಸ್, ಇದುವರೆಗೆ ಒಟ್ಟು ಒಂದು ಲಕ್ಷಕ್ಕೂ ಹೆಚ್ಚು ವಾಹನಗಳನ್ನು ಹಸ್ತಾಂತರಿಸಿದೆ.