ಟಿಯುವಿ300, ಇಕೊಸ್ಪೋರ್ಟ್ ಪ್ರತಿಸ್ಪರ್ಧಿ ಟಾಟಾ ಮಿನಿ ಎಸ್‌ಯುವಿ

2016 ದೆಹಲಿ ಆಟೋ ಎಕ್ಸ್ ಪೋ ಆರಂಭಕ್ಕೆ ಇನ್ನೇನು ಕೆಲವೇ ತಿಂಗಳುಗಳು ಮಾತ್ರ ಬಾಕಿ ಉಳಿದಿರುವಂತೆಯೇ ಟಾಟಾ ನಡೆಯು ಅತ್ಯಂತ ಕುತೂಹಲ ಮೂಡಿಸಿದೆ. ನೆಕ್ಸನ್ ಕಾಂಪಾಕ್ಟ್ ಕ್ರೀಡಾ ಬಳಕೆಯ ಜೊತೆಗೆ ಕೈಟ್ ಸಣ್ಣ ಕಾರಿನ ತಯಾರಿಯಲ್ಲೂ ಸಂಸ್ಥೆ ತೊಡಗಿದೆ. ಈ ಸಂಬಂಧ ಆಕರ್ಷಕ ಟೀಸರ್ ಚಿತ್ರ ಹಾಗೂ ವಿಡಿಯೋವನ್ನು ಈಗಾಗಲೇ ಬಿಡುಗಡೆ ಮಾಡಿದೆ.

"Osprey" ಎಂಬ ಕೋಡ್ ಪಡೆದುಕೊಂಡಿರುವ ನೆಕ್ಸನ್ ಪರಿಷ್ಕೃತ ಎಕ್ಸ್1 ತಳಹದಿಯಲ್ಲಿ ನಿರ್ಮಾಣವಾಗಲಿದೆ. ಇದೇ ತಳಹದಿಯಲ್ಲಿ ಬೋಲ್ಟ್ ಹ್ಯಾಚ್ ಬ್ಯಾಕ್ ಹಾಗೂ ಜೆಸ್ಟ್ ಕಾಂಪಾಕ್ಟ್ ಸೆಡಾನ್ ಕಾರುಗಳು ನಿರ್ಮಾಣವಾಗಿದ್ದವು.

ಎಂಜಿನ್ ತಾಂತ್ರಿಕತೆ ಬಗ್ಗೆ ಮಾತನಾಡುವುದಾದ್ದಲ್ಲಿ ನೂತನ ನೆಕ್ಸನ್, ಬೋಲ್ಟ್ ಹಾಗೂ ಜೆಸ್ಟ್ ಗೆ ಸಮಾನವಾದ 1.2 ಲೀಟರ್ ರೆವೂಟ್ರಾನ್ ಹಾಗೂ 1.3 ಲೀಟರ್ ಮಲ್ಟಿಜೆಟ್ ಎಂಜಿನ್ ಪಡೆಯುವ ಸಾಧ್ಯತೆಯಿದೆ.

ನೂತನ ನೆಕ್ಸನ್ ಪ್ರಮುಖವಾಗಿಯೂ ಫೋರ್ಡ್ ಇಕೊಸ್ಪೋರ್ಟ್ ಹಾಗೂ ಮಹೀಂದ್ರ ಟಿಯುವಿ300 ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ. ಈ ಮೂಲಕ ಉಪಯುಕ್ತ ವಿಭಾಗದಲ್ಲಿ ಭರ್ಜರಿ ಪುನಾರಾಗಮನ ಮಾಡಿಕೊಳ್ಳುವ ನಿರೀಕ್ಷೆಯಲ್ಲಿದೆ.

ಆರರಿಂದ 10 ಲಕ್ಷ ರು.ಗಳಷ್ಟು ಬೆಲೆ ಪರಿಧಿಯಲ್ಲಿ ಬಿಡುಗಡೆಯಾಗಲಿರುವ ಈ ನೂತನ ಕಾಂಪಾಕ್ಟ್ ಎಸ್‌ಯುವಿ 2016ನೇ ಸಾಲಿನಲ್ಲಿ ಬಿಡುಗಡೆಯಾಗುವ ಸಂಭವವಿದೆ. ಅಲ್ಲದೆ ಏಳು ಸೀಟುಗಳ ಆಯ್ಕೆಯೂ ಇದರಲ್ಲಿರುತ್ತದೆ.

ಅದೇ ಹೊತ್ತಿಗೆ ಸಂಸ್ಥೆಯು ನೂತನ ಹೆಕ್ಸಾ ಕ್ರಾಸೋವರ್ ಕಾರಿನ ಬಿಡುಗಡೆಯ ಸಿದ್ಧತೆಯಲ್ಲಿಯೂ ತೊಡಗಿದೆ. ಈ ಎಲ್ಲದರ ಮೂಲಕ 2020ರ ವೇಳೆಯಾಗುವ ಮಾರುಕಟ್ಟೆಯಲ್ಲಿ ಗಮನಾರ್ಹ ಸಾಧನೆ ಮಾಡುವ ಇರಾದೆಯಲ್ಲಿದೆ.

ಇಷ್ಟೆಲ್ಲ ಆದರೂ ಸಂಸ್ಥೆಯಿಂದ ಇನ್ನಷ್ಟೇ ಸ್ಪಷ್ಟ ಮಾಹಿತಿಗಳು ಬರಬೇಕಾಗಿದ್ದು, Osprey ಕೋಡ್ ಪಡೆದುಕೊಂಡಿರುವ ಹೊಸ ಕಾಂಪಾಕ್ಟ್ ಎಸ್‌ಯುವಿ ನೆಕ್ಸನ್ ಆಗಿದೆಯೇ ಎಂಬುದು ಇನ್ನಷ್ಟೇ ತಿಳಿದು ಬರಬೇಕಾಗಿದೆ.

01. ಭಾರಿ ನಿರೀಕ್ಷೆ ಹುಟ್ಟಿಸಿದ ಟಾಟಾ ಕೈಟ್ ರೇಖಾ ಚಿತ್ರ

02. ಹೊಸ ಕೈಟ್; ಇದು ಟಾಟಾ ಮೆಸ್ಸಿ ಜುಗಲ್ ಬಂದಿ