2016 ಷೆವರ್ಲೆ ಬೀಟ್ ಬಿಡುಗಡೆ; ಹೊಸತೇನಿದೆ?

By Nagaraja

Published: Thursday, January 14, 2016, 18:21 [IST]

ಅಮೆರಿಕ ಮೂಲದ ಜನರಲ್ ಮೋಟಾರ್ಸ್ ಭಾಗವಾಗಿರುವ ಷೆವರ್ಲೆ ಭಾರತದಲ್ಲಿ ಅತಿ ನೂತನ 2016 ಬೀಟ್ ಕಾರನ್ನು ಬಿಡುಗಡೆ ಮಾಡಿದೆ.

ಬೆಲೆ ಮಾಹಿತಿ: 4.28 ಲಕ್ಷ ರು.ಗಳಿಂದ 5.55 ಲಕ್ಷ ರು. (ಎಕ್ಸ್ ಶೋ ರೂಂ ದೆಹಲಿ)

2016 ಷೆವರ್ಲೆ ಬೀಟ್ ಪರಿಷ್ಕೃತ ಒಳಮೈ ಹಾಗೂ ಹೊರಮೈ ಜೊತೆಗೆ ಎರಡು ಹೊಸ ಆಕರ್ಷಕ ಬಣ್ಣಗಳನ್ನು ಪಡೆಯಲಿದೆ. ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ.

ಹೊಸ ಷೆವರ್ಲೆ ಬೀಟ್ ಕಾರಿನಲ್ಲೂ ಸ್ಟೀರಿಂಗ್ ನಿಂದಲೇ ಆಡಿಯೋ ನಿಯಂತ್ರಣದ ವ್ಯವಸ್ಥೆಯಿರುತ್ತದೆ. ಅಂತೆಯೇ ಎತ್ತರ ಹೊಂದಾಣಸಬಹುದಾದ ಚಾಲಕ ಸೀಟಿನ ಸೇವೆಯೂ ಇರುತ್ತದೆ.

ಹೊಸ ಷೆವರ್ಲೆ ಬೀಟ್ ಕಾರಿನಲ್ಲಿ ಮಡಚಬಹುದಾದ ಜೊತೆಗೆ ರಿಮೋಟ್ ಕೀಲೆಸ್ ಎಂಟ್ರಿ ಪ್ರಮುಖ ಆಕರ್ಷಣೆಯಾಗಲಿದೆ.

ಇದರ ಜೊತೆಗೆ ಎಲ್‌ಟಿ ವೆರಿಯಂಟ್ ನಲ್ಲಿ ದೇಹ ಬಣ್ಣದ ಡೋರ್ ಹ್ಯಾಂಡಲ್, ಸಿಲ್ವರ್ ಇಂಟಿರಿಯರ್ ಹೈಲೈಟ್ ಹಾಗೂ ಪುಲ್ ಮಿ ಓವರ್ ರೆಡ್ ಹಾಗೂ ಸ್ಯಾಟಿನ್ ಸ್ಟೀ ಗ್ರೇಗಳೆಂಬ ಎರಡು ಹೊಸ ಬಣ್ಣಗಳನ್ನು ಪಡೆದುಕೊಂಡಿದೆ.

ಅದೇ ಹೊತ್ತಿಗೆ ಹಿಂದೆ ಮಾರಾಟದಲ್ಲಿದ್ದ ಷೆವರ್ಲೆ ಬೀಟ್ ಎಲ್‌ಟಿ(ಒ) ಟಾಪ್ ಎಂಡ್ ವೆರಿಯಂಟ್ ಇದೀಗ ಎಲ್‌ಟಿಝಡ್ ಎಂದು ಹೆಸರಿಸಿಕೊಳ್ಳಲಿದೆ.

ಅಂತೆಯೇ ಟಾಪ್ ಎಂಡ್ ವೆರಿಯಂಟ್ ನಲ್ಲಿ ಡ್ಯುಯಲ್ ಏರ್ ಬ್ಯಾಗ್, ಆ್ಯಂಟಿ ಲಾಕ್ ಬ್ರೇಕ್ (ಎಬಿಎಸ್) ಹಾಗೂ ಎಲೆಕ್ಟ್ರಾನಿಕ್ ಬ್ರೇಕ್ ಫೋರ್ಸ್ ಡಿಸ್ಟ್ರಿಬ್ಯುಷನ್ (ಇಬಿಡಿ) ವ್ಯವಸ್ಥೆಯಿರಲಿದೆ.