ಅಬ್ಬಬ್ಬಾ ಆಡಿ ಕಾರುಗಳಿಗೆ ಏಳು ಲಕ್ಷ ರು.ಗಳ ವರೆಗೆ ಆಫರ್

ಜರ್ಮನಿಯ ಜನಪ್ರಿಯ ಆಡಿ ಸಂಸ್ಥೆಯು ಆಡಿ ರಷ್ ಆಫರನ್ನು ಪ್ರಕಟಿಸಿದ್ದು, ಗರಿಷ್ಠ ಏಳು ಲಕ್ಷ ರು.ಗಳ ವರೆಗೆ ಡಿಸ್ಕೌಂಟ್ ಪಡೆಯಬಹುದಾಗಿದೆ.

By Nagaraja

Published: Wednesday, December 7, 2016, 9:21 [IST]

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಆಡಳಿತದ ಕೇಂದ್ರ ಸರಕಾರವು ಹಳೆಯ 500 ರು. ಹಾಗೂ 1000 ರು. ನೋಟುಗಳ ಚಲಾವಣೆಯನ್ನು ರದ್ದುಗೊಳಿಸುವುದು ವಾಹನ ಮಾರುಕಟ್ಟೆ ಮೇಲೆ ಕೆಟ್ಟ ಪರಿಣಾಮ ಬೀರಿದ್ದು, ಮುಂದಿನ ಮೂರ್ನಾಲ್ಕು ತಿಂಗಳುಗಳ ಕಾಲ ಇದೇ ಪರಿಸ್ಥಿತಿ ಮುಂದುವರಿಯುವ ಸಾಧ್ಯತೆಯಿದೆ.

ಅಬ್ಬಬ್ಬಾ ಆಡಿ ಕಾರುಗಳಿಗೆ ಏಳು ಲಕ್ಷ ರು.ಗಳ ವರೆಗೆ ಆಫರ್

ಹೊಸ ಕಾರು ಖರೀದಿಸಲು ಇಚ್ಚಿಸುವ ಗ್ರಾಹಕರು ತಮ್ಮ ಯೋಜನೆಯನ್ನು ಮುಂದೂಡುತ್ತಿದ್ದಾರೆ. ಇನ್ನೊಂದೆಡೆ ವಾಹನಗಳ ಖರೀದಿ ವೇಳೆಯಲ್ಲಿ ಖಾಯಂ ಖಾತೆ ಸಂಖ್ಯೆಯನ್ನು ಕಡ್ಡಾಯಗೊಳಿಸಿರುವುದು ವ್ಯತಿರಿಕ್ತ ಪರಿಣಾಮ ಬೀರುತ್ತಿದೆ.

ಐಷಾರಾಮಿ ಕಾರು ಹಾಗೂ ಸೂಪರ್ ಬೈಕ್ ಮಾರಾಟದ ಮೇಲೆ ಹೆಚ್ಚಿನ ಪರಿಣಾಮ ಬೀರಿದೆ. ಆದರೂ ಸಣ್ಣ ಕಾರುಗಳು ಸರಾಸರಿ ಅತ್ಯುತ್ತಮ ಮಾರಾಟವನ್ನು ಕಾಪಾಡಿಕೊಂಡಿದೆ.

ಈ ಎಲ್ಲ ಪರಿಸ್ಥಿತಿಯನ್ನು ನಿಭಾಯಿಸಲು ಮುಂದಾಗಿರುವ ಜರ್ಮನಿಯ ಮೂಲದ ಆಡಿ ಸಂಸ್ಥೆಯೀಗ 'ಆಡಿ ರಷ್' ಆಫರುಗಳನ್ನು ಮುಂದಿಡುತ್ತಿದೆ. ಇದರೊಂದಿಗೆ ಗರಿಷ್ಠ ಏಳು ಲಕ್ಷದ ವರೆಗೆ ಆಫರ್ ಗಿಟ್ಟಿಸಿಕೊಳ್ಳಬಹುದಾಗಿದೆ.