ಕ್ರೆಟಾ ಪ್ರತಿಸ್ಪರ್ಧಿ ಹೋಂಡಾ ಬಿಆರ್‌ವಿ ಬಿಡುಗಡೆಗೆ ದಿನಗಣನೆ

ತಳಹದಿ

ಬ್ರಿಯೊ ಹ್ಯಾಚ್ ಬ್ಯಾಕ್, ಅಮೇಜ್ ಕಾಂಪಾಕ್ಟ್ ಸೆಡಾನ್ ಮತ್ತು ಮೊಬಿಲಿಯೊ ಎಂಪಿವಿ ತಳಹದಿಯಲ್ಲೇ ನಿರ್ಮಾಣವಾಗಲಿರುವ ನೂತನ ಹೋಂಡಾ ಬಿಆರ್‌-ವಿ, ಮೊಬಿಲಿಯೊಗಿಂತಲೂ ಮೇಲ್ದರ್ಜೆಯಲ್ಲಿ ಗುರುತಿಸಿಕೊಳ್ಳಲಿದೆ.

ಎಂಜಿನ್

ಮೊಬಿಲಿಯೊದಲ್ಲಿರುವುದಕ್ಕೆ ಸಮಾನವಾದ 1.5 ಲೀಟರ್ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಬಳಕೆಯಾಗಲಿದ್ದು, ಆರು ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಇರಲಿದೆ. ಇದಲ್ಲದೆ ಪೆಟ್ರೋಲ್ ಆವೃತ್ತಿಯಲ್ಲಿ ಸಿವಿಟಿ ಆಯ್ಕೆಯೂ ಇರಲಿದೆ.

ಹೊರಮೈ

ಕ್ರೋಮ್ ಗ್ರಿಲ್, ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್, ದೊಡ್ಡದಾದ ಏರ್ ಡ್ಯಾಮ್, 16 ಇಂಚುಗಳ ಅಲಾಯ್ ವೀಲ್, ಹೈ ರೂಫ್ ರೈಲ್, ಟೈಲ್ ಲ್ಯಾಂಪ್, ಸ್ಕಿಡ್ ಗಾರ್ಡ್ ಇತ್ಯಾದಿ ಸೌಲಭ್ಯಗಳು ಕ್ರೀಡಾತ್ಮಕ ವಿನ್ಯಾಸ ಪ್ರದಾನ ಮಾಡಲಿದೆ.

ಒಳಮೈ

ಕಾರಿನೊಳಗೆ 2 ಡಿನ್ ಮಾಹಿತಿ ಮನರಂಜನಾ ವ್ಯವಸ್ಥೆ, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್ ಮತ್ತು ಎರಡನೇ ಸಾಲಿನಲ್ಲಿ 60:40 ವಿಭಜಿತ ಸೀಟುಗಳಿರಲಿದೆ.

ನಿರೀಕ್ಷಿತ ಬೆಲೆ

ಸದ್ಯ ಲಭ್ಯವಿರುವ ಮಾಹಿತಿಗಳ ಪ್ರಕಾರ ಹೋಂಡಾ ಬಿಆರ್ ವಿ ಎಂಟು ಲಕ್ಷ ರು.ಗಳಿಂದ 11.5 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ಪ್ರತಿಸ್ಪರ್ಧಿ

ಪ್ರಮುಖವಾಗಿಯೂ ಭಾರತದ ವರ್ಷದ ಕಾರು ಪ್ರಶಸ್ತಿಗೆ ಭಾಜನವಾಗಿರುವ ಹ್ಯುಂಡೈ ಕ್ರೆಟಾ ಜೊತೆಗೆ ನೂತನ ರೆನೊ ಡಸ್ಟರ್, ಮಾರುತಿ ಎಸ್ ಕ್ರಾಸ್ ಮಾದರಿಗಳಿಗೆ ಹೋಂಡಾ ಬಿಆರ್ ವಿ ಪೈಪೋಟಿಯನ್ನು ಒಡ್ಡಲಿದೆ.