ಆಟೋ ಎಕ್ಸ್ ಪೋದಲ್ಲಿ ಕಣ್ಮರೆಯಾದ ಕ್ವಾಂಟೊ ಬಿಡುಗಡೆ ಯಾವಾಗ?

ಬಲ್ಲ ಮೂಲಗಳ ಪ್ರಕಾರ 2016 ಆಟೋ ಎಕ್ಸ್ ಪೋದಿಂದ ಬಿಟ್ಟು ನಿಂತರೂ ಪರಿಷ್ಕೃತ ಕ್ವಾಂಟೊ ಅತಿ ಶೀಘ್ರದಲ್ಲೇ ಅಂದರೆ ಮಾರ್ಚ್ ವೇಳೆಯಾಗುವಾಗ ಬಿಡುಗಡೆ ಭಾಗ್ಯ ಕಾಣಲಿದೆ.

ತನ್ನೆಲ್ಲ ಶ್ರೇಣಿಯ ವಾಹನಗಳನ್ನು ಒಂದರ ಬಳಿಕ ಒಂದರಂತೆ ಪರಿಷ್ಕೃತಗೊಳಿಸುವ ಇರಾದೆಯಲ್ಲಿರುವ ಮಹೀಂದ್ರ ಸಂಸ್ಥೆಯೀಗ ಕ್ವಾಂಟೊದತ್ತ ಗಮನ ಕೇಂದ್ರಿಕರಿಸಿದೆ.

ಮಾರುಕಟ್ಟೆ ಪರಿಸ್ಥಿತಿ ಅವಲೋಕಿಸಿದಾಗ ಕ್ವಾಂಟೊ ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನಕ್ಕೆ ಬದಲಾವಣೆ ಅವಶ್ಯಕವೆನಿಸಿದೆ. ಇದನ್ನೇ ಗಮನದಲ್ಲಿಟ್ಟುಕೊಂಡು ಹೆಚ್ಚಿನ ಮಾರಾಟವನ್ನು ಗುರಿಯಿರಿಸಿಕೊಂಡಿರುವ ಸಂಸ್ಥೆಯು ಬಹುಬೇಗನೇ ಹೊಸ ಆವೃತ್ತಿಯನ್ನು ಬಿಡುಗಡೆ ಮಾಡಲಿದೆ.

ಇದರಂತೆ ಈಗಾಗಲೇ ಟೆಸ್ಟಿಂಗ್ ವೇಳೆ ಹಲವಾರು ಬಾರಿ ಕ್ಯಾಮೆರಾಗಳ ರಹಸ್ಯ ಕಣ್ಣುಗಳಿಗೆ ಸೆರೆ ಸಿಕ್ಕಿವೆ. ಇದರೊಂದಿಗೂ ನಿರೀಕ್ಷೆಯೂ ಹೆಚ್ಚಾಗಿದೆ.

ನೂತನ ಕ್ವಾಂಟೊದಲ್ಲಿ ಎಂಹಾಕ್80 ಎಂಜಿನ್ ಬಳಕೆಯಾಗಲಿದೆ. ಇದರ 1.3 ಲೀಟರ್ ಡೀಸೆಲ್ ತ್ರಿ ಸಿಲಿಂಡರ್ ಎಂಜಿನ್ 230 ಎನ್ ಎಂ ತಿರುಗುಬಲದಲ್ಲಿ 84 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಂತೆಯೇ 5 ಸ್ಪೀಡ್ ಜೊತೆಗೆ ಎಎಂಟಿ ಗೇರ್ ಬಾಕ್ಸ್ ಇರಲಿದೆ.

ಇನ್ನು ವಿನ್ಯಾಸದ ಬಗ್ಗೆ ಮಾತನಾಡುವುದಾದ್ದಲ್ಲಿ ಕಳೆದ ಕೆಲವು ಸಮಯಗಳಲ್ಲಿ ಬಿಡುಗಡೆಯಾಗಿರುವ ಟಿಯುವಿ300 ಮತ್ತು ಕೆಯುವಿ100 ಮಾದರಿಯಿಂದಲೂ ವಿನ್ಯಾಸ ಆಮದು ಮಾಡಿಕೊಳ್ಳಲಾಗುವುದು. ಇದು ತಾಜಾತನ ಕಾಪಾಡಿಕೊಳ್ಳಲು ನೆರವಾಗಲಿದೆ.

ಹೊಸ ಮಹೀಂದ್ರ ಕ್ವಾಂಟೊ ಪುನರಾಗಮನಕ್ಕೆ ರೆಡಿ