ದೇಶದ ಹೆಮ್ಮೆಯ 'ಮೇಡ್ ಇನ್ ಇಂಡಿಯಾ' ಮಹೀಂದ್ರ ವಿಹಾರ ನೌಕೆ ಅನಾವರಣ

ಮಹೀಂದ್ರದ ಓಡಿಸ್ಸೀ ವಿಭಾಗವು 55 ಉದ್ದದ ವಿಹಾರ ನೌಕೆಯನ್ನು ನಿರ್ಮಿಸಿದ್ದು, ಸಂಪೂರ್ಣವಾಗಿ ದೇಶಿಯವಾಗಿ ನಿರ್ಮಿಸಲಾಗಿದೆ.

ಮೇಡ್ ಇನ್ ಇಂಡಿಯಾ ಮಹೀಂದ್ರ ಒಡಿಸ್ಸೀ ಐಷಾರಾಮಿ ವಿಹಾರ ನೌಕೆಗೆ ವಿವಿಧ ಮೂಲಗಳಿಂದ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ವಾಣಿಜ್ಯ ಬೋಟಿಂಗ್ ವಿಭಾಗದಲ್ಲೂ ಮಹೀಂದ್ರ ತನ್ನ ಸಾನಿಧ್ಯವನ್ನು ಮತ್ತಷ್ಟು ಬಲಪಡಿಸಿದ್ದು, ಕಳೆದೊಂದು ದಶಕದಿಂದಲೂ ನಾವೀನ್ಯ ಬೋಟ್ ನಿರ್ಮಾಣದಲ್ಲಿ ಕಾರ್ಯ ಮಗ್ನವಾಗಿದ್ದವು.

ಮಹೀಂದ್ರ ಒಡಿಸ್ಸೀ ವಿಹಾರ ನೌಕೆಯು 9.90 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದ್ದು, ಗ್ರಾಹಕರ ವೈಯಕ್ತಿಕ ಬೇಡಿಕೆಗಳಿಗೆ ಮನೆ ಹಾಕಲಾಗಿದೆ.

ಮಹೀಂದ್ರ ಒಡಿಸ್ಸೀ ಈಗಾಗಲೇ ಮೂರು ವಿಧದ ಮೋಜಿನ ವಿಹಾರ ನೌಕೆಗಳನ್ನು ಹೊಂದಿದೆ. ಇವುಗಳಲ್ಲಿ 22 ಅಡಿ ಉದ್ದದ ಎಂಒ 22, 33 ಅಡಿ ಉದ್ದದ ಎಂಒ 33 ಮತ್ತು 35 ಅಡಿ ಉದ್ದದ ಎಂಒ 35 ಸೇರಿವೆ.

ಈ ಪೈಕಿ 22 ಮತ್ತು 33 ಅಡಿ ಉದ್ದದ ಫೈಬರ್ ಗ್ಲಾಸ್ ಪವರ್ ಬೋಟ್ ಗಳನ್ನು 2009ರ ಮುಂಬೈ ಅಂತರಾಷ್ಟ್ರೀಯ ಬೋಟ್ ಶೋದಲ್ಲಿ ಅನಾವರಣಗೊಳಿಸಲಾಗಿತ್ತು. ಇದು ಗಂಟೆಗೆ ಗರಿಷ್ಠ 42 ಹಾಗೂ 40 ನಾಟಿಕಲ್ ಮೈಲು ವೇಗದಲ್ಲಿ ಸಂಚರಿವ ಸಾಮರ್ಥ್ಯ ಹೊಂದಿದೆ.

ಮತ್ತಷ್ಟು ದೊಡ್ಡದಾದ 35 ಅಡಿ ಉದ್ದದ ವಿಹಾರ ನೌಕೆಯು 'ವಿ' ಟ್ರೈಹೆಡ್ರಲ್ ಹಲಗೆಯನ್ನು ಪಡೆಯಲಿದ್ದು, 311 ಅಶ್ವಶಕ್ತಿ ಉತ್ಪಾದಿಸುವ ಯಾನ್ಮರ್ ಡೀಸೆಲ್ ಎಂಜಿನ್ ಪಡೆದಿದೆ. ಇದು ಗಂಟೆಗೆ 30 ನಾಟಿಕಲ್ ಮೈಲು ವೇಗದಲ್ಲಿ ಸಂಚರಿಸಲಿದೆ.

ಬರೋಬ್ಬರಿ 600 ಲೀಟರ್ ಇಂಧನ ಟ್ಯಾಂಕ್ ನಿಂದ ಜೋಡಿಸಲ್ಪಟ್ಟಿರುವ ಎಂಒ35, 12 ಪ್ರಯಾಣಿಕರನ್ನು ಆರಾಮದಾಯಕವಾಗಿ ಸಾಗಿಸುವಷ್ಟು ಸಮರ್ಥವೆನಿಸಿಕೊಂಡಿದೆ.