ತೆರೆಮರೆಯಲ್ಲಿ ಸಿದ್ಧವಾಗುತ್ತಿದೆ ಮಗದೊಂದು ಮಹೀಂದ್ರ ಕಾರು

ಈ ಬಾರಿ ಮಹೀಂದ್ರ ಸಂಸ್ಥೆಯು ಪರಿಷ್ಕೃತ ಕ್ವಾಂಟೊ ಬಿಡುಗಡೆ ಮಾಡುವ ತಯಾರಿಯಲ್ಲಿದೆ. ಇದರ ಸಿದ್ಧತೆಯು ಭರದಿಂದ ಸಾಗುತ್ತಿದ್ದು, ಪುಣೆಯಲ್ಲಿ ಟೆಸ್ಟಿಂಗ್ ವೇಳೆ ಚಿತ್ರಗಳನ್ನು ಸೆರೆ ಹಿಡಿಯಲಾಗಿದೆ.

ಇಲ್ಲಿ ಗಮನಾರ್ಹ ಅಂಶವೆಂದರೆ ಪರಿಷ್ಕೃತ ಕ್ವಾಂಟೊ ಹೊಸ ನಾಮಕರಣವನ್ನು ಪಡೆಯಲಿದೆ. ಅಂದರೆ ಮಹೀಂದ್ರ ಕ್ಯಾಂಟೊ ಅಥವಾ ಕ್ರೆಸ್ಟೊ ಎಂದು (Mahindra Canto or the Mahindra Cresto) ಹೆಸರಿಸಿಕೊಳ್ಳಲಿದೆ.

ಮುಂದಿನ ತಿಂಗಳಾರಂಭದಲ್ಲಿ ನವದೆಹಲಿಯಲ್ಲಿ ನಡೆಯಲಿರುವ 2016 ಆಟೋ ಎಕ್ಸ್ ಪೋದಲ್ಲಿ ನೂತನ ಕ್ವಾಂಟೊ ಪ್ರದರ್ಶನಗೊಳ್ಳುವ ಸಾಧ್ಯತೆಗಳಿವೆ.

ಪರಿಷ್ಕೃತ ಫ್ರಂಟ್ ಗ್ರಿಲ್, ಎಸ್‌ಯುವಿ ತರಹದ ರಸ್ತೆ ಸಾನಿಧ್ಯ, ಪರಿಷ್ಕೃತ ಹೆಡ್ ಲೈಟ್ ಜೊತೆಗೆ ಕಾರಿನೊಳಗೆ ಬದಲಾವಣೆಗಳನ್ನು ಪಡೆದುಕೊಳ್ಳಲಿದೆ.

ಚಿತ್ರಕೃಪೆ: OVERDRIVE.in

ಇನ್ನು ಮಹೀಂದ್ರ ಟಿಯುವಿ300 ಕಾರಿನಲ್ಲಿ ಕಾಣಿಸಿರುವುದಕ್ಕೆ ಸಮಾನವಾದ 1.5 ಲೀಟರ್ ಎಂಹಾಕ್80 ಡೀಸೆಲ್ ಎಂಜಿನ್ ಪಡೆದುಕೊಳ್ಳುವ ಸಾಧ್ಯತೆಯಿದೆ. ಇದು 230 ಎನ್‌ಎಂ ತಿರುಗುಬಲದಲ್ಲಿ 84 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಇವೆಲ್ಲದಕ್ಕೂ ಮಿಗಿಲಾಗಿ ಎಎಂಟಿ ಆವೃತ್ತಿಯು ರಸ್ತೆ ಪ್ರವೇಶ ಪಡೆಯಲಿದೆ.

ಸಂಕ್ರಾಂತಿ ಕೊಡುಗೆ; ಮಹೀಂದ್ರ ಕೆಯುವಿ100 ಭರ್ಜರಿ ಬಿಡುಗಡೆ