ಅವಳಿ ಎಸ್‌ಯುವಿ ಅಭಿವೃದ್ಧಿಪಡಿಸಲಿರುವ ಮಹೀಂದ್ರ-ಸ್ಯಾಂಗ್ಯೊಂಗ್

ಹೊಸ ಶ್ರೇಣಿಯ ಪೆಟ್ರೋಲ್ ಎಂಜಿನ್ ಗಳನ್ನು ಅಭಿವೃದ್ಧಿಪಡಿಸಿದ ಬಳಿಕವೀಗ ಎರಡು ಹೊಸತಾದ ಕ್ರೀಡಾ ಬಳಕೆಯ ವಾಹನದ ಸಂರಚರಣೆಯಲ್ಲಿ ಎರಡು ಸಂಸ್ಥೆಗಳು ಕಾರ್ಯ ಮಗ್ನವಾಗಿದೆ.

ಪ್ರಮುಖವಾಗಿಯೂ ನಿರ್ಮಾಣ ವೆಚ್ಚ ಕಡಿತ ಮಾಡಲು ಮಹೀಂದ್ರ ಗುರಿಯಿರಿಸಿಕೊಂಡಿದೆ. ಈ ಪೈಕಿ ಮೊದಲನೇ ಎಸ್ ಯುವಿ ಸ್ಯಾಂಗ್ಯೊಂಗ್ ಟಿವೊಲಿ ತಳಹದಿಯಲ್ಲಿ ನಿರ್ಮಾಣವಾದರೆ ಎರಡನೇಯದ್ದು ಹೊಸತಾದ ಏಳು ಸೀಟಿನ ಜಾಗತಿ ಎಸ್ ಯುವಿ ಎನಿಸಿಕೊಳ್ಳಲಿದೆ.

ಅರ್ಬನ್ ಎಸ್ ಯುವಿ ಎನಿಸಿಕೊಳ್ಳಲಿರುವ ಕಾಂಪಾಕ್ಟ್ ಎಸ್ ಯುವಿ ಟಿವೊಲಿ ಅಥವಾ ಎಕ್ಸ್100 ತಳಹದಿಯಲ್ಲಿ ನಿರ್ಮಾಣವಾಗುತ್ತಿದೆ. ಇದು ಭಾರತದಲ್ಲೂ ನಾಲ್ಕು ಮೀಟರ್ ಉದ್ದ ಪರಿಧಿಯೊಳಗಿನ ಎಸ್ ಯುವಿ ವಿಭಾಗದಲ್ಲಿ ಗುರುತಿಸಿಕೊಳ್ಳಲಿದೆ.

ಎರಡನೇಯ ಬೃಹತ್ತಾದ ಎಸ್ ಯುವಿ ನೇರವಾಗಿ ಟೊಯೊಟಾ ಫಾರ್ಚ್ಯುನರ್ ಸ್ಪರ್ಧೆಯನ್ನು ಎದುರಿಸಲಿದೆ. ಅಲ್ಲದೆ 2020ರ ವೇಳೆಯಾಗುವಾಗ ಉತ್ತರ ಅಮೆರಿಕ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ.

ಬೆಲೆ ಕಡಿತಕ್ಕಾಗಿ ಜಂಟಿ ತಳಹದಿಯಲ್ಲಿ ಎಸ್ ಯುವಿ ಕಾರುಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ ಎಂಬುದನ್ನು 2016 ಪ್ಯಾರಿಸ್ ಮೋಟಾರು ಶೋದಲ್ಲಿ ಮಹೀಂದ್ರ ಖಚಿತಪಡಿಸಿಕೊಂಡಿದೆ. ಅಲ್ಲದೆ ಭಾರತೀಯ ಮಾರುಕಟ್ಟೆಗಾಗಿ ಟಿವೊಲಿ ತಳಹದಿಯನ್ನು ಹಂಚಿಕೊಳ್ಳುವ ಇರಾದೆಯನ್ನು ಸ್ಯಾಂಗ್ಯೊಂಗ್ ವ್ಯಕ್ತಪಡಿಸಿದೆ.