ಮಾರುತಿ ಸಿಯಾಝ್ ಮಿಂಚಿನ ಓಟ; 1 ಲಕ್ಷ ಯುನಿಟ್‌ಗಳ ಮಾರಾಟ

2014 ಅಕ್ಟೋಬರ್ ತಿಂಗಳಲ್ಲಿ ಬಿಡುಗಡೆಯಾಗಿರುವ ಮಾರುತಿ ಸುಜುಕಿ ಸಿಯಾಝ್, ಪ್ರೀಮಿಯಂ ಕಾರು ವಿಭಾಗದಲ್ಲಿ ಮಾರುತಿಗೆ ಮರು ಜೀವವನ್ನು ತುಂಬಿತ್ತು. ಇದಕ್ಕೂ ಮೊದಲು ಕಿಜಾಶಿ ಹಾಗೂ ಗ್ರಾಂಡ್ ವಿಟಾರಾ ಪರಿಚಯಿಸಿತ್ತಾದರೂ ಮಾರುತಿ ವೈಫಲ್ಯ ಅನುಭವಿಸಿತ್ತು.

ವಿನ್ಯಾಸ, ಶೈಲಿ, ವೈಶಿಷ್ಟ್ಯ, ಆರಾಮ, ಅನುಕೂಲ, ನಿರ್ವಹಣೆ ಹೀಗೆ ಎಲ್ಲ ವಿಭಾಗದಲ್ಲೂ ಪ್ರಭಾಶಶಾಲಿ ಎನಿಸಿಕೊಂಡಿರುವ ಮಾರುತಿ ಸಿಯಾಝ್ ಕಾರಿಗೆ ಸ್ಮಾರ್ಟ್ ಹೈಬ್ರಿಡ್ ತಂತ್ರಜ್ಞಾನವು ಹೆಚ್ಚಿನ ಉತ್ತೇಜನವನ್ನು ತುಂಬಿತ್ತು.

ಅಷ್ಟೇ ಯಾಕೆ ಮೇ ತಿಂಗಳಲ್ಲಿ 5,188 ಯುನಿಟ್ ಗಳ ಮಾರಾಟ ದಾಖಲಿಸಿರುವ ಮಾರುತಿ ಸಿಯಾಝ್ ತನ್ನ ಪ್ರತಿಸ್ಪರ್ಧಿಗಳನ್ನು ಹಿಂದಿಕ್ಕಿತ್ತು. ಇದೇ ಅವಧಿಯಲ್ಲಿ ಹೋಂಡಾ ಸಿಟಿ 3,305 ಯುನಿಟ್ ಗಳನ್ನಷ್ಟೇ ಮಾರಾಟವನ್ನು ಕಂಡುಕೊಂಡಿತ್ತು.

2016ನೇ ಸಾಲಿನ ಮೊದಲೈದು ತಿಂಗಳಲ್ಲಿ ಮಾರುತಿ ಸರಾಸರಿ 5,400 ಯುನಿಟ್ ಗಳ ಮಾರಟವನ್ನು ದಾಖಲಿಸಿದೆ. ಇನ್ನೊಂದೆಡೆ ಹೋಂಡಾ ಸಿಟಿ 5,500 ಯುನಿಟ್ ಗಳ ಮಾರಾಟ ಸಾಧಿಸಿದೆ.

ಕಳೆದ ಸೆಪ್ಟೆಂಬರ್ ತಿಂಗಳಲ್ಲಿ ಮಾರುತಿ ಸುಜುಕಿ ಸಿಯಾಝ್ ಹೈಬ್ರಿಡ್ ಆವೃತ್ತಿಯ ಪ್ರವೇಶವಾಗಿತ್ತು. ತದಾ ಬಳಿಕ ಮಾರಾಟ ಏರುಗತಿಯನ್ನು ಕಂಡಿದೆ.