ಮಾರುತಿ ಇಗ್ನಿಸ್ ಆಟೋಮ್ಯಾಟಿಕ್‌ ಆವೃತ್ತಿಯಲ್ಲೂ ಬಿಡುಗಡೆ?

ಬಲ್ಲ ಮೂಲಗಳ ಪ್ರಕಾರ ನೂತನ ಇಗ್ನಿಸ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪಡೆಯಲಿದ್ದು, ಸಿವಿಟಿ ಗೇರ್ ಬಾಕ್ಸ್ ಪಡೆಯುವುದು ಬಹುತೇಕ ಖಚಿತವೆನಿಸಿದೆ.

ಇತ್ತೀಚೆಗಿನ ಮಾರುಕಟ್ಟೆ ಅಂಕಿಅಂಶಗಳನ್ನು ನೋಡಿದಾಗ ಆಲ್ಟೊ ಕೆ10, ವ್ಯಾಗನಾರ್, ಸ್ಟ್ರೀಂಗ್ರೇ, ಸೆಲೆರಿಯೊ ಮತ್ತು ಡಿಜೈರ್ ಡೀಸೆಲ್ ಮಾದರಿಗಳಲ್ಲಿ ಆಟೋಮ್ಯಾಟಡ್ ಮ್ಯಾನುವಲ್ ಗೇರ್ ಬಾಕ್ಸ್ (ಎಎಂಟಿ) ಆಯ್ಕೆಯನ್ನು ನೀಡಿರುವುದನ್ನು ಗಮನಿಸಬಹುದಾಗಿದೆ.

ಎಎಂಟಿ ಮಾದರಿಗಳನ್ನು ಮಾರುತಿ ಆಟೋ ಗೇರ್ ಶಿಪ್ಟ್ ಅಥವಾ ಸಂಕ್ಷಿಪ್ತವಾಗಿ ಎಜಿಎಸ್ ಎಂದು ವಿಶ್ಲೇಷಿಸುತ್ತಿದೆ. ಆದರೆ ನೂತನ ಇಗ್ನಿಸ್ ಮಾದರಿಗೆ ಎಜಿಎಸ್ ಆಳವಡಿಕೆಯಾಗುವ ಸಾಧ್ಯತೆಯಿದೆ.

ಸಂಸ್ಥೆಯ ಪ್ರೀಮಿಯಂ ನೆಕ್ಸಾ ಶೋ ರೂಂಗಳ ಮೂಲಕ ವಿತರಣೆಯಾಗಲಿರುವ ಮಾರುತಿ ಇಗ್ನಿಸ್, ಪೂರ್ಣ ಪ್ರಮಾಣದ ಸಿವಿಟಿ (continuously variable transmission) ಗೇರ್ ಬಾಕ್ಸ್ ಪಡೆಯಲಿದೆ.

ಅಂದ ಹಾಗೆ ಮಾರುತಿ ಇಗ್ನಿಸ್ 1.2 ಲೀಟರ್ ಪೆಟ್ರೋಲ್ ಮತ್ತು 1.3 ಲೀಟರ್ ಡೀಸೆಲ್ ಗೇರ್ ಬಾಕ್ಸ್ ಪಡೆಯುವ ಸಾಧ್ಯತೆಯಿದ್ದು, ನಾಲ್ಕರಿಂದ ಆರು ಲಕ್ಷ ಬೆಲೆ ಪರಿಧಿಯಲ್ಲಿ ಬಿಡುಗಡೆಯಾಗಲಿದೆ.

ಐ-ಎಂ4 ಕಾನ್ಸೆಪ್ಟ್ ಕಾರಿನಿಂದ ಅಭಿವೃದ್ಧಿಪಡಿಸಿರುವ ಮಾರುತಿ ಇಗ್ನಿಸ್ ಒಂದು ಸಬ್ ಕಾಂಪಾಕ್ಟ್ ಕ್ರಾಸೋವರ್ ಕಾರಾಗಿದೆ.