ಮರ್ಸಿಡಿಸ್ ಬೆಂಝ್ ಶಕ್ತಿಶಾಲಿ ಎಎಂಜಿ ಎಸ್‌ಎಲ್‌ಸಿ 43 ಭಾರತದಲ್ಲಿ ಬಿಡುಗಡೆ

By Nagaraja

Updated: Tuesday, July 26, 2016, 16:27 [IST]

ಜರ್ಮನಿಯ ಪ್ರೀಮಿಯಂ ಕಾರು ತಯಾರಿಕ ಸಂಸ್ಥೆ ಮರ್ಸಿಡಿಸ್ ಬೆಂಝ್, ಅತಿ ನೂತನ ಎಎಂಜಿ ಎಸ್‌ಎಲ್‌‌ಸಿ 43 ಕಾರನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ. ಇದು ಪ್ರಸಕ್ತ ಸಾಲಿನಲ್ಲಿ ಭಾರತದಲ್ಲಿ ಮರ್ಸಿಡಿಸ್ ಬೆಂಝ್ ಬಿಡುಗಡೆ ಮಾಡುತ್ತಿರುವ ಆರನೇ ಉತ್ಪನ್ನವಾಗಿದೆ.

ಬೆಲೆ ಮಾಹಿತಿ: 77.50 ಲಕ್ಷ ರು. (ಎಕ್ಸ್ ಶೋ ರೂಂ ದೆಹಲಿ)

ಎಎಂಜಿ ಎಸ್‌ಎಲ್‌ಸಿ 43 ಆಗಮನದೊಂದಿಗೆ ದೇಶದಲ್ಲಿ ಮರ್ಸಿಡಿಸ್ ಬೆಂಝ್ ಮತ್ತಷ್ಟು ವೈವಿಧ್ಯತೆಗಳನ್ನು ಹೊಂದಿರುವ ಶಕ್ತಿಶಾಲಿ ನಿರ್ವಹಣಾ ಕಾರುಗಳ ಶ್ರೇಣಿಯು ಮತ್ತಷ್ಟು ಬಲ ವೃದ್ಧಿಸಿಕೊಂಡಿದೆ.

ಮರ್ಸಿಡಿಸ್ ಬೆಂಝ್ ಶಕ್ತಿಶಾಲಿ ಎಎಂಜಿ ಎಸ್‌ಎಲ್‌ಸಿ 43 ಭಾರತದಲ್ಲಿ ಬಿಡುಗಡೆ

ಎರಡು ಅಂಕಿಗಳ '43' ನಾಮಕರಣವನ್ನು ಹೊಂದಿರುವ ದೇಶದ ಮೊದಲ ಕಾರೆಂಬ ಹೆಗ್ಗಳಿಕೆಗೂ ಮರ್ಸಿಡಿಸ್ ಎಎಂಜಿ ಎಸ್‌ಎಲ್‌ಸಿ 43 ಪಾತ್ರವಾಗಿದೆ.

ಜಾಗತಿಕವಾಗಿ 20 ವರ್ಷಗಳ ಯಶಸ್ಸನ್ನು ಆಚರಿಸಿಕೊಂಡಿರುವ ಎಸ್‌‌ಎಲ್‌ಕೆ ರೋಡ್ ಸ್ಟರ್ ಆವೃತ್ತಿಯ ನೂತನ ಎಎಂಜಿ ಎಸ್‌ಎಲ್ ಜಿ 43 ಅಂತರಾಷ್ಟ್ರೀಯ ಮಾರುಕಟ್ಟೆಗೆ ಪ್ರವೇಶಿಸಿರುವ ನಾಲ್ಕು ತಿಂಗಳೊಳಗೆ ಭಾರತಕ್ಕೂ ಕಾಲಿಟ್ಟಿದೆ.

ಕಟ್ಟಿಂಗ್ ಎಡ್ಜ್ ತಂತ್ರಜ್ಞಾನ, ಗರಿಷ್ಠ ವಿನ್ಯಾಸ ತಂತ್ರಗಾರಿಕೆ ಹಾಗೂ ಸರಿಸಾಟಿಲ್ಲದ ನಿರ್ವಹಣೆ ನೂತನ ಎಎಂಜಿ ಎಸ್‌ಎಲ್ ಜಿ 43 ರೋಡ್ ಸ್ಟರ್ ಕಾರಿನ ವಿಶಿಷ್ಟತೆಯಾಗಿದೆ.

43 ಅಂಕಿ

ಇಲ್ಲಿ 43 ಎಂಬುದು 3.0 ಲೀಟರ್ ವಿ6 ಬೈ ಟರ್ಬೊ ಎಂಜಿನನ್ನು ಸೂಚಿಸುತ್ತದೆ. ಭವಿಷ್ಯದ ಎಎಂಜಿ ವಾಹನಗಳಲ್ಲೂ ಇದೇ ಎಂಜಿನ್ ಬಳಕೆ ಮಾಡುವ ಕುರಿತಾಗಿ ಬೆಂಝ್ ಚಿಂತನೆ ನಡೆಸುತ್ತಿದೆ.

ಮೈ ಮರ್ಸಿಡಿಸ್ ಮೈ ಸರ್ವಿಸ್

ಭಾರತದಲ್ಲಿ ಸಂಸ್ಥೆಯು ಇತ್ತೀಚೆಗಷ್ಟೇ ತೆರೆದುಕೊಂಡಿರುವ ಮೈ ಮರ್ಸಿಡಿಸ್ ಮೈ ಸರ್ವಿಸ್ ಪ್ಯಾಕೇಜನ್ನು ಎಎಂಜಿ ಎಸ್‌ಎಲ್‌ಸಿ 43 ಕಾರಿಗೂ ವಿಸ್ತರಿಸಲಾಗಿದೆ. ಈ ವಿಶೇಷ ಸೇವೆಯು 84,000 ರು.ಗಳಿಂದ ಆರಂಭವಾಗಲಿದೆ. ಹಾಗೆಯೇ ಎರಡು ಲಕ್ಷ ರು.ಗಳಿಗೆ ನಾಲ್ಕನೇ ವರ್ಷದ ವರ್ಧಿತ ವಾರಂಟಿಯು ಲಭ್ಯವಾಗಲಿದೆ.