ತೆರೆಮರೆಯಲ್ಲಿ ಸಜ್ಜಾಗುತ್ತಿದೆ ಬೆಂಝ್ ವಿದ್ಯುತ್ ಚಾಲಿತ ಕಾರು

ಮರ್ಸಿಡಿಸ್ ಬೆಂಝ್ ಎಲೆಕ್ಟ್ರಿಕ್ ವಾಹನಗಳು 'ಇಕ್ಯೂ' ಶ್ರೇಣಿಯ ಹೆಸರಿನಿಂದ ಗುರುತಿಸಲ್ಪಡಲಿದೆ. ಇದನ್ನು ಸಂಸ್ಥೆಯ ನೂತನ ಎಂಇಕ್ಯೂ ಸಬ್ ಬ್ರಾಂಡ್ ನಿಂದ ನಿರ್ಮಾಣವಾಗಲಿದೆ.

ಮರ್ಸಿಡಿಸ್ ಬೆಂಝ್ ಎಲೆಕ್ಟ್ರಿಕ್ ಕಾರುಗಳು ಇಕ್ಯೂ ಇನ್ ಸೈಡ್, ಇಕ್ಯೂ ಬೂಸ್ಟ್ ಹಾಗೂ ಜನರೇಷನ್ ಎಂಇಕ್ಯೂ ಎಂಬ ಘೋಷಣಾ ವಾಕ್ಯದೊಂದಿಗೆ ಮಾರಾಟವಾಗಲಿದೆ.

ಹೊಸ ವಿದ್ಯುತ್ ಕಾರುಗಳ ಮಾರ್ಕೆಟಿಂಗ್ ಗಾಗಿ ಇಕ್ಯೂಎ, ಇಕ್ಯೂಸಿ, ಇಕ್ಯೂಇ, ಇಕ್ಯೂಜಿ, ಇಕ್ಯೂಎಸ್ ಹಾಗೂ ಇನ್ನಿತರ ಇಕ್ಯೂ ಸಂಬಂಧಿತ ಹೆಸರುಗಳು ಬಳಕೆಯಾಗಲಿದೆ.

ನೈಜ ಎಲೆಕ್ಟ್ರಿಕ್ ಕಾರು ನಿರ್ಮಿಸುವುದು ಸಂಸ್ಥೆಯ ಗುರಿಯಾಗಿದೆ. ಬಲ್ಲ ಮೂಲಗಳ ಪ್ರಕಾರ ಟೆಸ್ಲಾ ಮಾಡೆಲ್ ಎಸ್ ಪ್ರತಿಸ್ಪರ್ಧಿಯಾಗಿ ಇಕ್ಯೂಎಸ್ ವಿದ್ಯುತ್ ಚಾಲಿತ ಕಾರನ್ನು ಅಭಿವೃದ್ಧಿಪಡಿಸಲಾಗುವುದು.

ಮುಂದಿನ ವರ್ಷದಲ್ಲಿ ಬೆಂಝ್ ಎಲೆಕ್ಟ್ರಿಕ್ ಕಾರುಗಳು ಅನಾವರಣಗೊಳ್ಳಲಿದೆ. ಆದರೆ ಮಾರಾಟವು ಮೂರು ವರ್ಷಗಳಷ್ಟು ವಿಳಂಬವಾಗಿ ಅಂದರೆ 2019ರಲ್ಲಿ ಆರಂಭವಾಗಲಿದೆ.

ನೂತನ ಎಲೆಕ್ಟ್ರಿಕ್ ವೆಹಿಕಲ್ ಆರ್ಕಿಟೆಕ್ಚರ್ (ಇವಿಎ) ತಳಹದಿಯಲ್ಲಿ ನೂತನ ವಿದ್ಯುತ್ ಚಾಲಿತ ಕಾರುಗಳು ಗುರುತಿಸಿಕೊಳ್ಳಲಿದೆ. ಅಲ್ಲದೆ ಅತ್ಯಾಧುನಿಕ ತಂತ್ರಜ್ಞಾನವನ್ನು ಬಳಕೆ ಮಾಡಲಾಗುವುದು.