ನಿಸ್ಸಾನ್ ಜೊತೆಗೆ ದಟ್ಸನ್ ಕಾರುಗಳಿಗೂ ತಟ್ಟಿದ ಬೆಲೆ ಏರಿಕೆ ಬಿಸಿ

ಇಲ್ಲಿ ಗಮನಾರ್ಹ ಅಂಶವೆಂದರೆ ನಿಸ್ಸಾನ್ ಒಡೆತನದಲ್ಲಿರುವ ದಟ್ಸನ್ ಶ್ರೇಣಿಯ ಬಜೆಟ್ ಕಾರುಗಳಿಗೂ ಬೆಲೆ ಏರಿಕೆ ಬಿಸಿ ತಟ್ಟಲಿದೆ.

ನಿರ್ಮಾಣ ವೆಚ್ಚ ಏರಿಕೆಯಾಗಿರುವುದೇ ನಿಸ್ಸಾನ್ ಬೆಲೆ ಏರಿಕೆ ನೀತಿಗೆ ಪ್ರೇರಣೆಯಾಗಿದೆ. ಇದರೊಂದಿಗೆ ಹೊಸ ವರ್ಷದಿಂದ ನಿಸ್ಸಾನ್ ಕಾರುಗಳು ದುಬಾರಿಯೆನಿಸಲಿದೆ.

ಭಾರತದಲ್ಲಿ ನಿಸ್ಸಾನ್ ಸಂಸ್ಥೆಯು ದೆಹಲಿ ಎಕ್ಸ್ ಶೋರೂಂ ಬೆಲೆಯ ಪ್ರಕಾರ 3.28 ಲಕ್ಷ ರು.ಗಳ ದಟ್ಸನ್ ಶ್ರೇಣಿಯಿಂದ ಆರಂಭವಾಗಿ ಅತ್ಯಂತ ದುಬಾರಿ 1.99 ಕೋಟಿ ರುಪಾಯಿ ಬೆಲೆ ಬಾಳುವ ನಿಸ್ಸಾನ್ ಬಿಟಿಆರ್ ಕಾರುಗಳನ್ನು ಮಾರಾಟ ಮಾಡುತ್ತಿದೆ.

ಪ್ರಸಕ್ತ ಸಾಲಿನಲ್ಲಿ ನಿಸ್ಸಾನ್ ಸಂಸ್ಥೆಯು ಎರಡು ಕಾರುಗಳನ್ನು ಬಿಡುಗಡೆಗೊಳಿಸಿತ್ತು. ಇವುಗಳಲ್ಲಿ ದಟ್ಸನ್ ರೆಡಿ ಗೊ ಸಣ್ಣ ಕಾರು ಮತ್ತು ನಿಸ್ಸಾನ್ ಜಿಟಿಆರ್ ಸ್ಪೋರ್ಟ್ಸ್ ಕೂಪೆ ಕಾರು ಸೇರಿವೆ.

ಕೆಲವು ತಿಂಗಳುಗಳ ಹಿಂದೆಯಷ್ಟೇ ನಿಸ್ಸಾನ್ ಮೈಕ್ರಾ ಸಿಟಿಟಿ ಮಾದರಿಗೆ ಬೆಲೆ ಕಡಿತವನ್ನು ನಿಸ್ಸಾನ್ ಘೋಷಿಸಿತ್ತು. ತನ್ಮೂಲಕ ದೇಶದಲ್ಲಿ ಅತ್ಯಂತ ಸ್ಪರ್ಧಾತ್ಮಕ ಬೆಲೆಗಳಲ್ಲಿ ದೊರಕುವ ಸಿಟಿವಿ ಹ್ಯಾಚ್ ಬ್ಯಾಕ್ ಕಾರೆನಿಸಿಕೊಂಡಿತ್ತು.

2017ನೇ ಸಾಲಿನಲ್ಲಿ ನಿಸ್ಸಾನ್ ಸಂಸ್ಥೆಯು ಎಕ್ಸ್ ಟ್ರೈಲ್ ಹೈಬ್ರಿಡ್ ಕ್ರೀಡಾ ಬಳಕೆಯ ವಾಹನವನ್ನು ಬಿಡುಗಡೆ ಮಾಡಲಿದೆ. ಭಾರತವು ಈ ಪ್ರತಿಷ್ಠಿತ ಎಸ್ ಯುವಿ ಗಿಟ್ಟಿಸಿಕೊಳ್ಳಲಿರುವ ನಾಲ್ಕನೇ ಮಾರುಕಟ್ಟೆಯಾಗಿರಲಿದೆ.

ಅದೇ ಹೊತ್ತಿಗೆ ಮುಂದಿನ ತಲೆಮಾರಿನ ಮೈಕ್ರಾ ಕಾರನ್ನು 2017ನೇ ಸಾಲಿನಲ್ಲಿ ಬಿಡುಗಡೆ ಮಾಡುವ ಯೋಜನೆಯನ್ನು ನಿಸ್ಸಾನ್ ಹೊಂದಿದೆ.