ನಿಸ್ಸಾನ್ ಟೆರನೊ ಎಎಂಟಿ ಬುಕ್ಕಿಂಗ್ ಆರಂಭ; ಬೆಲೆ ಎಷ್ಟು?

ಡಸ್ಟರ್ ಹಾದಿಯನ್ನೇ ಹಿಡಿದಿರುವ ನಿಸ್ಸಾನ್ ಇದೀಗ ಟಾಪ್ ಎಂಡ್ ಎಕ್ಸ್ ವಿಡಿ ಪ್ರೀಮಿಯಂ ವೆರಿಯಂಟ್ ನಲ್ಲಿ ಎಎಂಟಿ ಆಯ್ಕೆಯನ್ನು ನೀಡುತ್ತದೆ. ಆಸಕ್ತರು ನಿಸ್ಸಾನ್ ಅಧಿಕೃತ ಡೀಲರುಗಳನ್ನು ಸಂಪರ್ಕಿಸಬಹುದಾಗಿದೆ.

ನಿಸ್ಸಾನ್ ಟೆರನೊ ಎಎಂಟಿ ಬೆಲೆ ಈಗಲೂ ಕುತೂಹಲ ಮೂಡಿಸಿದೆ. ಬಲ್ಲ ಮೂಲಗಳ ಪ್ರಕಾರ ಎಎಂಟಿ ಆವೃತ್ತಿಯು 13.75 ಲಕ್ಷ ರು.ಗಳಿಂದ 13.85 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ನಿಸ್ಸಾನ್ ಟೆರನೊ ಎಎಂಟಿ ವಿತರಣೆ ಪ್ರಕ್ರಿಯೆಯು ತಿಂಗಳಾಂತ್ಯದಲ್ಲಿ ಆರಂಭವಾಗಲಿದೆ. ಇದರೊಂದಿಗೆ ಬೆಳಕಿನ ಹಬ್ಬ ದೀಪಾವಳಿ ಸಂಭ್ರಮವನ್ನು ಇಮ್ಮಡಿಗೊಳಿಸಲಿದೆ.

ಇದಕ್ಕೂ ಮೊದಲು ನಿಸ್ಸಾನ್ ನ ಫ್ರಾನ್ಸ್ ಜೊತೆಗಾರನಾಗಿರುವ ರೆನೊ ಸಂಸ್ಥೆಯು ತನ್ನ ಜನಪ್ರಿಯ ಡಸ್ಟರ್ ಪರಿಷ್ಕೃತ ಆವೃತ್ತಿಯಲ್ಲಿ ಎಎಂಟಿ ಗೇರ್ ಬಾಕ್ಸ್ ಪರಿಚಯಿಸಿತ್ತು. ಇದು ಈಸಿ-ಆರ್ ಎಂಬ ಆರು ಸ್ಪೀಡ್ ಎಎಂಟಿ ಗೇರ್ ಬಾಕ್ಸ್ ಪಡೆದಿತ್ತು.

ರೆನೊದಿಂದ ಆಮದು ಮಾಡಲಾಗಿರುವ 1.5 ಲೀಟರ್ ಡೀಸೆಲ್ ಎಂಜಿನ್ 108 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಭಾರತದಲ್ಲಿ ಡಸ್ಟರ್ ಎಎಂಟಿ ಆರ್ ಎಕ್ಸ್ ಎಳ್ ಮತ್ತು ಆರ್ ಎಕ್ಸ್ ಝಡ್ ಗಳೆಂಬ ಎರಡು ವೆರಿಯಂಟ್ ಗಳಲ್ಲಿ ಲಭ್ಯವಿದೆ. ಇವೆರಡು ಅನುಕ್ರಮವಾಗಿ 11.76 ಹಾಗೂ 12.97 ಲಕ್ಷ ರು.ಗಳಷ್ಟು ದುಬಾರಿಯೆನಿಸುತ್ತದೆ. ಅಂದರೆ ಟೆರನೊ ಎಎಂಟಿಗಿಂತಲೂ ಕಡಿಮೆ ದುಬಾರಿಯೆನಿಸಲಿದೆ.

ವಿದ್ಯುನ್ಮಾನವಾಗಿ ಮಡಚಬಹುದಾದ ಹೊರಗಿನ ರಿಯರ್ ವ್ಯೂ ಮಿರರ್, ಇಂಟೇಗ್ರೇಟಡ್ ಟರ್ನ್ ಸಿಗ್ನಲ್, ಡ್ರೈವರ್ ಆರ್ಮ್ ರೆಸ್ಟ್, ಸಾಫ್ಟ್ ಟಚ್ ಪ್ಲಾಸ್ಟಿಕ್ ಡ್ಯಾಶ್ ಬೋರ್ಡ್ ಸೇರಿದಂತೆ ಇನ್ನಿತರ ಗಮನಾರ್ಹ ವೈಶಿಷ್ಟ್ಯಗಳು ಕಂಡುಬರಲಿದೆ.