ಡಸ್ಟರ್ ಬಳಿಕವೀಗ ಎಎಂಟಿ ರೂಪದಲ್ಲಿ ಬರುತ್ತಿದೆ ನಿಸ್ಸಾನ್ ಟೆರನೊ

By Nagaraja

Published: Wednesday, October 5, 2016, 15:46 [IST]

ಫ್ರಾನ್ಸ್ ಮೂಲದ ರೆನೊ ಸಂಸ್ಥೆಯೊಂದಿಗೆ ಜೊತೆಗಾರಿಕೆ ಹೊಂದಿರುವ ಜಪಾನ್‌ನ ಹೆಸರಾಂತ ಸಂಸ್ಥೆ ನಿಸ್ಸಾನ್ ಇದೀಗ ರೆನೊ ಡಸ್ಟರ್ ಗೆ ಸಮಾನವಾಗಿ ನಿಸ್ಸಾನ್ ಟೆರೆನೊ ಆಟೋಮ್ಯಾಟಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ (ಎಎಂಟಿ) ಕಾರನ್ನು ಬಿಡುಗಡೆ ಮಾಡಲು ಸಜ್ಜಾಗುತ್ತಿದೆ. ಈ ಹಿಂದೆ ಭಾರತೀಯ ಮಾರುಕಟ್ಟೆಗೆ ರೆನೊ ಡಸ್ಟರ್ ಮೊದಲು ಕಾಲಿಟ್ಟಿದ್ದರೆ ನಿಸ್ಸಾನ್ ಟೆರನೊ ಹೆಚ್ಚು ಪ್ರೀಮಿಯಂ ವೈಶಿಷ್ಟ್ಯಗಳೊಂದಿಗೆ ಹಿಂಬಾಲಿಸಿತ್ತು.

ಡಸ್ಟರ್ ಬಳಿಕವೀಗ ಎಎಂಟಿ ರೂಪದಲ್ಲಿ ಬರುತ್ತಿದೆ ನಿಸ್ಸಾನ್ ಟೆರನೊ

ಹಬ್ಬದ ಆವೃತ್ತಿಯಲ್ಲಿ ಗ್ರಾಹಕರಿಗೆ ಜೊತೆಗೆ ಸಂಭ್ರಮವನ್ನು ಹಂಚಿಕೊಳ್ಳಲಿರುವ ನಿಸ್ಸಾನ್, ಎಎಂಟಿ ಆವೃತ್ತಿಯನ್ನು ಬಿಡುಗಡೆ ಮಾಡಲಿದೆ. ಈ ಸಂಬಂಧ ಟ್ವಿಟರ್ ನಲ್ಲಿ ನಿಸ್ಸಾನ್ ಟ್ವೀಟ್ ಮಾಡಿದೆ.

ಇಲ್ಲೂ ರೆನೊ ಡಸ್ಟರ್ ಗೆ ಸಮಾನವಾದ ಆಟೋಮ್ಯಾಟಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ ಗೇರ್ ಬಾಕ್ಸ್ ಪಡೆಯಲಿದೆ. ಸದ್ಯಕ್ಕೆ ನಿಸ್ಸಾನ್ ಸನ್ನಿ ಹಾಗೂ ಮೈಕ್ರಾ ಕಾರುಗಳಲ್ಲಿ ಆಯೋಮ್ಯಾಟಿಕ್ ಆಯ್ಕೆಯಿರುತ್ತದೆ.

1.5 ಲೀಟರ್ ಕೆ9ಕೆ ಡೀಸೆಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 248 ಎನ್ ಎಂ ತಿರುಗುಬಲದಲ್ಲಿ 109 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಭಾರತದಲ್ಲಿ ಡಸ್ಟರ್ ಎಎಂಟಿ ಆರ್ ಎಕ್ಸ್ ಎಳ್ ಮತ್ತು ಆರ್ ಎಕ್ಸ್ ಝಡ್ ಗಳೆಂಬ ಎರಡು ವೆರಿಯಂಟ್ ಗಳಲ್ಲಿ ಲಭ್ಯವಿದೆ. ಇವೆರಡು ಅನುಕ್ರಮವಾಗಿ 11.76 ಹಾಗೂ 12.97 ಲಕ್ಷ ರು.ಗಳಷ್ಟು ದುಬಾರಿಯೆನಿಸುತ್ತದೆ.