ನಿಸ್ಸಾನ್ ಜಿಟಿಆರ್ ಪವರ್‌ಫುಲ್ ಗಾಡಿ ಭಾರತಕ್ಕೆ

ಇದೀಗ ಎಲ್ಲವೂ ಅಂತಿಮಗೊಂಡಿದ್ದು, ನಿಸ್ಸಾನ್ ಜಿಟಿಆರ್ ಶಕ್ತಿಶಾಲಿ ಕಾರು ಭಾರತಕ್ಕೆ ಕಾಲಿಡಲು ಕಾಲ ಸನ್ನಿಹಿತವಾಗಿದೆ. ಈ ಬಗ್ಗೆ ಎದ್ದಿರುವ ಕುತೂಹಲಗಳಿಗೆ ವಿರಾಮ ಹಾಡಿರುವ ಜಪಾನ್ ಮೂಲದ ದೈತ್ಯ ವಾಹನ ತಯಾರಿಕಾ ಸಂಸ್ಥೆ ನಿಸ್ಸಾನ್, ಮುಂಬರುವ 2016 ಆಟೋ ಎಕ್ಸ್ ಪೋದಲ್ಲಿ ನಿಸ್ಸಾನ್ ಜಿಟಿಆರ್ ಬಿಡುಗಡೆಗೊಳಿಸುವುದಾಗಿ ತಿಳಿಸಿದೆ.

ಜಗತ್ತಿನದ್ಯಾಂತ ಗೋಡ್ಜಿಲಾ ಎಂದೇ ಅರಿಯಲ್ಪಡುವ ಎರಡು ಡೋರ್ ಗಳ ನಿಸ್ಸಾನ್ ಜಿಟಿಆರ್ ದೇಶದ ವಾಹನ ಪ್ರೇಮಿಗಳ ಪಾಲಿಗೆ ಹೊಸ ಅನುಭವವಾಗಲಿದೆ. ಇದರ 3.8 ಲೀಟರ್ ವಿ6 ಎಂಜಿನ್ 652 ಎನ್‌ಎಂ ತಿರುಗುಬಲದಲ್ಲಿ 600 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಂತೆಯೇ ಆರು ಸ್ಪೀಡ್ ಡ್ಯುಯಲ್ ಕ್ಲಚ್ ಗೇರ್ ಬಾಕ್ಸ್ ಇದರಲ್ಲಿರಲಿದೆ.

ಅಂದ ಹಾಗೆ ಭಾರತದಲ್ಲಿ ನಿಸ್ಸಾನ್ ಜಿಟಿಆರ್ ಮೂರು ಕೋಟಿ ರುಪಾಯಿಗಳ ಬೆಲೆ ಪರಿಧಿಯಲ್ಲಿ ಬಿಡುಗಡೆಯಾಗಲಿದೆ. ಅಲ್ಲದೆ ದೇಶವನ್ನು ಕಂಪ್ಲೀಟ್ ಬಿಲ್ಟ್ ಯುನಿಟ್ ಮುಖಾಂತರ ತಲುಪಲಿದೆ.