ಕೈಗೆಟುಕುವ ಲಗ್ಷುರಿ ಎಸ್‌ಯುವಿ ಷೋರ್ಷೆ ಮಾಷನ್ ಆರ್4 ಭರ್ಜರಿ ಬಿಡುಗಡೆ

ಇತರೆ ಐಷಾರಾಮಿ ಮಾದರಿಗಳನ್ನು ಹೋಲಿಸಿದಾಗ ಇದು ಪೋರ್ಷೆಯಿಂದ ಬಿಡುಗಡೆಯಾಗುತ್ತಿರುವ ಸ್ಪರ್ಧಾತ್ಮಕ ಬೆಲೆಯ ಕ್ರೀಡಾ ಬಳಕೆಯ ವಾಹನವಾಗಿರಲಿದೆ.

ದೇಶದಲ್ಲಿ ನೂತನ ಪೋರ್ಷೆ ಮಾಷನ್ ಆರ್4 ಎಸ್ ಯುವಿ ಕಾರಿನ ಬುಕ್ಕಿಂಗ್ ಪ್ರಕ್ರಿಯೆ ಪ್ರಾರಂಭಗೊಂಡಿದ್ದು, ಆಸಕ್ತ ಗ್ರಾಹಕರು 10 ಲಕ್ಷ ರುಪಾಯಿಗಳನ್ನು ಮುಂಗಡವಾಗಿ ಪಾವತಿಸಿ ತಮ್ಮ ಕನಸಿನ ಕಾರನ್ನು ಕಾಯ್ದಿರಿಸಿಕೊಳ್ಳಬಹುದಾಗಿದೆ.

ಪ್ರಮುಖವಾಗಿಯೂ ಭಾರತದಲ್ಲಿ ಟಾಟಾ ಮೋಟಾರ್ಸ್ ಅಧೀನತೆಯಲ್ಲಿರುವ ಜಾಗ್ವಾರ್ ಎಫ್-ಪೇಸ್ ಮುಂತಾದ ಮಾದರಿಗಳಿಗೆ ಪೋರ್ಷೆ ನೂತನ ಮಾಷನ್ ಆರ್4 ಪ್ರತಿಸ್ಪರ್ಧೆಯನ್ನು ಒಡ್ಡಲಿದೆ.

ಇದರಲ್ಲಿರುವ 2.0 ಲೀಟರ್ 4 ಸಿಲಿಂಡರ್ ಟರ್ಬೊಚಾರ್ಜ್ಡ್ ಪೆಟ್ರೋಲ್ ಎಂಜಿನ್ 370 ಎನ್ ಎಂ ತಿರುಗುಬಲದಲ್ಲಿ 248 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಕಾರಿನಡಿಯಲ್ಲಿ ಎರಡು ಲೀಟರ್ ಪರಿಧಿಯೊಳಗೆ ಎಂಜಿನ್ ಜೋಡಣೆ ಮಾಡಿರುವುದರಿಂದ ತೆರಿಗೆಯನ್ನು ಕಡಿಮೆ ಮಾಡಲು ನೆರವಾಗಿದ್ದು, ಸ್ಪರ್ಧಾತ್ಮಕ ಬೆಲೆಗಳಲ್ಲಿ ಬಿಡುಗಡೆ ಮಾಡಲು ಸಹಕಾರಿಯಾಗಿದೆ.

ನೂತನ ಪೋರ್ಷೆ ಮಾಷನ್ ಆರ್4 ಕೇವಲ 6.7 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗವರ್ಧನೆ ಮತ್ತು ಗಂಟೆಗೆ ಗರಿಷ್ಠ 229 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ಇದರ ಗೇರ್ ಬಾಕ್ಸ್ ಜವಾಬ್ದಾರಿಯನ್ನು ಸೆವೆನ್ ಸ್ಪೀಡ್ ಡ್ಯುಯಲ್ ಕ್ಲಚ್ ಪಿಕೆಡಿ ಆಟೋ ಬಾಕ್ಸ್ ನೋಡಿಕೊಳ್ಳಲಿದೆ. ಇದು ಎಲ್ಲ ನಾಲ್ಕು ಚಕ್ರಗಳಿಗೆ ಶಕ್ತಿಯನ್ನು ರವಾನಿಸಲಿದೆ.

ಪೋರ್ಷೆ ಆಕ್ಟಿವ್ ಸಸ್ಪೆನ್ಷನ್ ಮ್ಯಾನೇಜ್ ಮೆಂಟ್ (ಪಿಎಎಸ್ ಎಂ) ವ್ಯವಸ್ಥೆಯು ರಸ್ತೆಯಲ್ಲಿ ಹೆಚ್ಚು ಅಧಿಪತ್ಯಯುಕ್ತ ಹ್ಯಾಂಡ್ಲಿಂಗ್ ಪ್ರದಾನ ಮಾಡುವಲ್ಲಿ ನೆರವಾಗಿದೆ.

ಮಾಷನ್ ಶ್ರೇಣಿಯಲ್ಲಿ ದೊರಕುತ್ತಿರುವ ನಾಲ್ಕನೇ ವೆರಿಯಂಟ್ ಇದಾಗಿದೆ. ಇದ್ದಲ್ಲದೆ ಮಾಷನ್ ಎಸ್ ಡೀಸೆಲ್, ಮಾಷನ್ ಟರ್ಬೊ ಮತ್ತು ಮಾಷನ್ ಟರ್ಬೊ ಜೊತೆ ಫಾರ್ಫಮೆನ್ಸ್ ಪ್ಯಾಕೇಜ್ ಆವೃತ್ತಿಗಳು ಈಗಾಗಲೇ ಮಾರಾಟದಲ್ಲಿದೆ.

ಮೇಲೆ ತಿಳಿಸಿದ ಈ ಎಲ್ಲ ಮೂರು ಮಾದರಿಗಿಂತಲೂ ಕಡಿಮೆ ಬೆಲೆ ಬಾಳುವ ಪೋರ್ಷೆ ಮಾಷನ್ ಆರ್4, ಒಂದು ಕೋಟಿ ಬೆಲೆ ಪರಿಧಿಯೊಳಗೆ ಲಭ್ಯವಿರುವ ಪೋರ್ಷೆ ಕಾರೆನಿಸಿಕೊಂಡಿದೆ.

ವೈಶಿಷ್ಟ್ಯಗಳ ಬಗ್ಗೆ ಮಾತನಾಡುವುದಾದ್ದಲ್ಲಿ 3 ವಿಧಗಳ ಕ್ಲೈಮೇಟ್ ಕಂಟ್ರೋಲ್, ಎಂಟು ವಿಧಗಳಲ್ಲಿ ಹೊಂದಾಣಿಸಬಹುದಾದ ಚಾಲಕ ಸೀಟು, ಕ್ರೂಸ್ ಕಂಟ್ರೋಲ್, ಬಹು ಕ್ರಿಯಾತ್ಮಕ ಸ್ಟೀರಿಂಗ್ ವೀಲ್ ಜೊತೆ ಪೆಡಲ್ ಶಿಫ್ಟರ್ ವ್ಯವಸ್ಥೆಗಳಿರಲಿದೆ.

ಡೇಟೈಮ್ ರನ್ನಿಂಗ್ ಎಲ್ ಇಡಿ, 18 ಇಂಚುಗಳ ಅಲಾಯ್ ಚಕ್ರಗಳು, ವೈಯಕ್ತಿಕರಣಗೊಳಿಸುವ ಆಯ್ಕೆಗಳು, ಬೈ ಕ್ಸೆನನ್ ಅಥವಾ ಎಲ್ ಇಡಿ ಹೆಡ್ ಲ್ಯಾಂಪ್, ಹೀಟಡ್ ಸೀಟು ಮತ್ತು ಪ್ಯಾನರಾಮಿಕ್ ಸನ್ ರೂಫ್ ಸೇವೆಯಿರಲಿದೆ.

ಮೈಲೇಜ್: 12.71km/l

ಢಿಕ್ಕಿ ಜಾಗ: 500 ಲೀಟರ್