ಟಾಟಾ ಜೆಸ್ಟ್ 50,000 ಸಂಭ್ರಮಕ್ಕೆ ವಿಶೇಷ ಸ್ಪೋರ್ಟ್ಜ್ ಎಡಿಷನ್ ಬಿಡುಗಡೆ

By Nagaraja

Published: Saturday, August 20, 2016, 16:25 [IST]

ದೇಶದ ಅತಿ ದೊಡ್ಡ ವಾಹನ ಸಂಸ್ಥೆ ಟಾಟಾ ಮೋಟಾರ್ಸ್, ತನ್ನ ಜನಪ್ರಿಯ ಜೆಸ್ಟ್ ಕಾಂಪಾಕ್ಟ್ ಸೆಡಾನ್ ಕಾರಿನ 50,000 ಯುನಿಟ್ ಗಳ ಮಾರಾಟ ಮೈಲುಗಲ್ಲನ್ನು ತಲುಪಿರುವ ಹಿನ್ನಲೆಯಲ್ಲಿ ಅತಿ ವಿಶೇಷವಾದ ಸ್ಪೋರ್ಟ್ಜ್ ಎಡಿಷನ್ ಬಿಡುಗಡೆಗೊಳಿಸಿದೆ.

ಟಾಟಾ ಜೆಸ್ಟ್ ಸ್ಪೋರ್ಟ್ಜ್ ಎಡಿಷನ್ ಪ್ಯಾಕೇಜನ್ನು ದೇಶದಲ್ಲಿ ಸ್ಥಿತಗೊಂಡಿರುವ ಟಾಟಾದ ಯಾವುದೇ ಡೀಲರ್ ಗಳ ಬಳಿಯಿಂದಲೂ ಪಡೆಯಬಹುದಾಗಿದೆ. ಇದು 20,000 ರುಪಾಯಿಗಳಷ್ಟು ಹೆಚ್ಚುದುಬಾರಿಯೆನಿಸಲಿದೆ.

ಟಾಟಾ ಜೆಸ್ಟ್ 50,000 ಸಂಭ್ರಮಕ್ಕೆ ವಿಶೇಷ ಸ್ಪೋರ್ಟ್ಜ್ ಎಡಿಷನ್ ಬಿಡುಗಡೆ

ಟಾಟಾ ಜೆಸ್ಟ್ ಸ್ಪೋರ್ಟ್ಜ್ ಎಡಿಷನ್ ತನ್ನ ದೇಹದಲ್ಲಿ ತ್ರಿವರ್ಣಗಳ ವಿಶೇಷ ಬಾಡಿ ಗ್ರಾಫಿಕ್ಸ್ ಗಳನ್ನು ಪಡೆದುಕೊಂಡಿದೆ. ಇನ್ನು ಕೆಂಪು ಬಣ್ಣದ ಬಂಪರ್ ವಿಶೇಷ ಆಕರ್ಷಣೆಯಾಗಲಿದೆ.

ಹೊರಗಿನ ರಿಯರ್ ವ್ಯೂ ಮಿರರ್ ವಿಶೇಷ ಬಣ್ಣದಿಂದ ಕಂಗೊಳಿಸಲಿದೆ. ಅಲಾಯ್ ರಿಮ್ ಹಾಗೂ ರೈನ್ ವೈಸರ್ ಗಳನ್ನು ಕೊಡಲಾಗಿದೆ.

ಜೆಸ್ಟ್ ಸ್ಪೋರ್ಟ್ಜ್ ಎಡಿಷನ್ ಜೊತೆ ಜೊತೆಗೆ 3,999 ರು.ಗಳಿಗೆ ವಿಶೇಷ ಇಎಂಐ ಸೇವೆಯನ್ನು ಟಾಟಾ ಒದಗಿಸುತ್ತಿದೆ. ಹಾಗೆಯೇ 33,000 ರು.ಗಳ ಉಚಿತ ವಿಮೆ, 30,000 ರು.ಗಳ ಎಕ್ಸ್ ಚೇಂಜ್ ಬೋನಸ್ ಹಾಗೂ 68,000 ರು.ಗಳ ವರೆಗೆ ಇತೆರೆ ಪ್ರಯೋಜನಗಳು ಸೇರಿರಲಿದೆ.

ಟಾಟಾ ಜೆಸ್ಟ್ ನಲ್ಲಿರುವ 1.2 ಲೀಟರ್ ರೆವೊಟ್ರಾನ್ ಎಂಜಿನ್ 140 ಎನ್ ಎಂ ತಿರುಗುಬಲದಲ್ಲಿ 90 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ. ಹಾಗೆಯೇ ಫಿಯೆಟ್ ನಿಂದ ಆಮದು ಮಾಡಲಾಗಿರುವ 1.3 ಲೀಟರ್ ಕ್ವಾಡ್ರಾಜೆಟ್ ಎಂಜಿನ್ 75 ಹಾಗೂ 90 ಅಶ್ವಶಕ್ತಿಗಳನ್ನು ಉತ್ಪಾದಿಸಲಿದೆ.

90 ಅಶ್ವಶಕ್ತಿ ಉತ್ಪಾದಿಸುವ ಡೀಸೆಲ್ ವೆರಿಯಂಟ್ ಹೊರತುಪಡಿಸಿ ಇತರೆಲ್ಲ ವೆರಿಯಂಟ್ ಗಳು ಫೈವ್ ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಪಡೆಯಲಿದೆ. ಡೀಸೆಲ್ 90 ಪಿಎಸ್ ಆವೃತ್ತಿಯು ಎಎಂಟಿ ಗೇರ್ ಬಾಕ್ಸ್ ಆಯ್ಕೆಯನ್ನು ಪಡೆದಿದೆ.