25 ಲಕ್ಷ ದುಬಾರಿಯ ಫೋಕ್ಸ್ ವ್ಯಾಗನ್ ಪೊಲೊ ಜಿಟಿಐ ಹಾಟ್ ಹ್ಯಾಚ್ ಭಾರತಕ್ಕೆ ಎಂಟ್ರಿ

ನೂತನ ಪೊಲೊ ಜಿಟಿಐ ದೇಶದ ಮಾರುಕಟ್ಟೆಯಲ್ಲಿ ದೊರಕುವ ಅತ್ಯಂತ ಅಗ್ಗದ ನಿರ್ವಹಣಾ ಕಾರು ಎಂದೆನಿಸಿಕೊಂಡಿದೆ. ಇದು ನಿರ್ವಹಣಾ ಕಾರುಗಳನ್ನು ಇಷ್ಟಪಡುವ ಗ್ರಾಹಕರನ್ನು ತನ್ನತ್ತ ಕೈಬೀಸಿ ಕರೆಯಲಿದೆ.

ಕೇವಲ ಸೀಮಿತ ಸಂಖ್ಯೆಯಲ್ಲಿ ಮಾತ್ರ ನೂತನ ಪೊಲೊ ಜಿಟಿಐ ದೇಶದಲ್ಲಿ ಮಾರಾಟವಾಗಲಿದ್ದು, ಬಹುಬೇಗನೇ ಬುಕ್ಕಿಂಗ್ ಮಾಡುವ 99 ಅದೃಷ್ಟ ಗ್ರಾಹಕರಿಗೆ ಮಾತ್ರ ಹಂಚಿಕೊಳ್ಳಲಾಗುವುದು.

ಸದ್ಯಕ್ಕೆ ಟು ಡೋರ್ ಆವೃತ್ತಿಯಲ್ಲಿ ಮಾತ್ರ ಲಭ್ಯವಾಗಲಿರುವ ಪೊಲೊ ಜಿಟಿಐ, ಭವಿಷ್ಯದಲ್ಲಿ ಬೇಡಿಕೆಗೆ ಅನುಸಾರವಾಗಿ ಫೈವ್ ಡೋರ್ ವೆರಿಯಂಟ್ ಪರಿಚಯವಾಗಲಿದೆ.

ಅತ್ಯಂತ ಜನಪ್ರಿಯ ಹಾಟ್ ಹ್ಯಾಚ್ ಬ್ಯಾಕ್ ಕಾರುಗಳಲ್ಲಿ ಒಂದಾಗಿರುವ ಪೊಲೊ ಜಿಟಿಐ, ರಾಲಿ ವಿಜೇತ ಪೊಲೊ ಡಬ್ಲ್ಯುಆರ್ ಸಿ ಕಾರಿನ ಬೇಸ್ ವೆರಿಯಂಟ್ ಆಗಿದೆ.

ಭಾರತದಲ್ಲಿ ಬಿಡುಗಡೆಯಾದ ಪೊಲೊ ಜಿಟಿಐ, ಶಕ್ತಿಶಾಲಿ 1.8 ಲೀಟರ್ ಟಿಎಸ್ ಐ ಎಂಜಿನ್ ಗಿಟ್ಟಿಸಿಕೊಂಡಿದ್ದು, 250 ಎನ್ ಎಂ ತಿರುಗುಬಲದಲ್ಲಿ 189 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಇನ್ನು ಪೊಲೊ ಜಿಟಿ ಟಿಎಸ್ ಐ ಮಾದರಿಯಲ್ಲಿರುವುದಕ್ಕೆ ಸಮಾನವಾದ ಏಳು ಸ್ಪೀಡ್ ಡಿಎಸ್ ಜಿ ಗೇರ್ ಬಾಕ್ಸ್ ಆಳವಡಿಕೆಯಾಗಲಿದೆ.

ನೂತನ ಪೊಲೊ ಜಿಟಿಐ ಕೇವಲ 7.2 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ಮತ್ತು ಗಂಟೆಗೆ ಗರಿಷ್ಠ 235 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ವೈಶಿಷ್ಟ್ಯಗಳ ಬಗ್ಗೆ ಚರ್ಚಿಸುವುದಾದ್ದಲ್ಲಿ, ಎಲ್ ಇಡಿ ಹೆಡ್ ಲ್ಯಾಂಪ್, ಹೊಸತಾದ ಹನಿಕೊಂಬ್ ಜಿಟಿಐ ಗ್ರಿಲ್ ಮತ್ತು ಪರಿಷ್ಕೃತ ಬಂಪರ್ ಗಳನ್ನು ಪಡೆಯಲಿದೆ.

ಇನ್ನುಳಿದಂತೆ ಹಿಂದುಗಡೆ ಸ್ಪಾಯ್ಲರ್, 16 ಇಂಚುಗಳ ಅಲಾಯ್ ಚಕ್ರಗಳು, ಡ್ಯುಯಲ್ ಟಿಪ್ ಎಕ್ಸಾಸ್ಟ್ ವ್ಯವಸ್ಥೆ, ಕೆಂಪು ಎಫ್ ಆರ್ ಐ ಟ್ರೇಡ್ ಮಾರ್ಕ್, ಕ್ರಮಬದ್ಧವಾದ ಜಿಟಿಐ ಲಾಂಛನ ಇತ್ಯಾದಿ ವೈಶಿಷ್ಟ್ಯಗಳು ಕಂಡುಬರಲಿದೆ.

ನೂತನ ಪೊಲೊ ಜಿಟಿಐ ದೇಶದಲ್ಲಿ ಹೆಚ್ಚಿನ ಮಾರಾಟವನ್ನು ಗುರಿಯಿರಿಸಿಕೊಂಡಿಲ್ಲ. ಆದರೆ ಖಂಡಿತವಾಗಿಯೂ ಸಂಸ್ಥೆಯ ಮೌಲ್ಯವನ್ನಂತೂ ಹೆಚ್ಚಿಸಲಿದೆ.