ಮಾರಾಟದಲ್ಲಿ ಹೋಂಡಾ ಕಂಪನಿಯನ್ನು ಹಿಂದಿಕ್ಕಿದ ಟೊಯೊಟಾ

ಹೌದು, ಟೊಯೊಟಾ ಸಂಸ್ಥೆಯು ಸದ್ಯ ಈ ವರ್ಷದ ನವೆಂಬರ್ ತಿಂಗಳಿನಲ್ಲಿ 12,734 ಕಾರುಗಳನ್ನು ಮಾರಾಟ ಮಾಡುವ ಮೂಲಕ ಭಾರತದ ಐದನೇ ಅತಿದೊಡ್ಡ ವಾಹನ ತಯಾರಕ ಸಂಸ್ಥೆಯಾಗಿ ಹೊರ ಹೊಮ್ಮಿದೆ. ಹೋಂಡಾ ತನ್ನ ಸ್ಥಾನವನ್ನು ಟೊಯೊಟಾ ಕಂಪನಿಗೆ ಬಿಟ್ಟುಕೊಟ್ಟಿದೆ.

ಟೊಯೊಟಾ ಕಂಪನಿಯ ಇನೋವಾ ಕ್ರಿಸ್ತಾ ಎಂಪಿವಿ, ಎಟಿಯೋಸ್ ಲಿವಾ ಹ್ಯಾಚ್‌ಬ್ಯಾಕ್ ಮತ್ತು ಫಾರ್ಚುನರ್ ಐಷಾರಾಮಿ ಎಸ್‌ಯುವಿಗಳ ಯಶಸ್ವಿ ಮಾರಾಟದ ಕಾರಣ ಟೊಯೊಟಾ ಕಂಪನಿಯು ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಗಿದೆ.

ಮತ್ತೊಂದೆಡೆ, ಹೋಂಡಾ ತನ್ನ ಕಳಪೆ ಕಾರ್ಯಕ್ಷಮತೆಯಿಂದಾಗಿ ಒಂದು ಸ್ಥಾನ ಕೆಳಗಿಳಿದಿದೆ. ಅತ್ಯುತ್ತಮ ಮಾರಾಟವಾಗುವ ಸಿಟಿ ಸೆಡಾನ್ ಕೇವಲ 3,000 ಕಾರುಗಳು ಮಾತ್ರ ಮಾರಾಟವಾಗಿದೆ. ಇದರಿಂದ ಸರಾಸರಿ 4,500 ಮಾಸಿಕ ಮಾರಾಟ ಕಡಿಮೆಯಾಗಿದೆ.

2018ರಲ್ಲಿ, ಹೋಂಡಾ ಕಂಪನಿಯು ಮತ್ತೆ ತನ್ನ ಪ್ರಾಬಲ್ಯವನ್ನು ಮೆರೆಯುವ ಲಕ್ಷಣಗಳು ಗೋಚರಿಸುತ್ತಿವೆ. ಹೋಂಡಾ ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಹೊಸ ಕಾರುಗಳನ್ನು ಬಿಡುಗಡೆಗೊಳಿಸುವ ಯೋಜನೆ ರೂಪಿಸಿರುವುದು ಇದಕ್ಕೆ ಮುಖ್ಯ ಕಾರಣವಾಗಿದೆ.

2018 ರಲ್ಲಿ, ಹೋಂಡಾ ಕಂಪನಿಯು ಹೊಸ ಅಮೇಜ್ ಕಾಂಪ್ಯಾಕ್ಟ್ ಸೆಡಾನ್ ಪ್ರಾರಂಭಿಸುತ್ತದೆ. ಇದು ಉತ್ತಮ ಮಾರಾಟಗೊಳ್ಳುವ ನಿರೀಕ್ಷೆಯಿದೆ ಹಾಗು ಭಾರತೀಯ ಮಾರುಕಟ್ಟೆಯಲ್ಲಿ ಮೊದಲ ಬಾರಿಗೆ ಸಿಆರ್-ವಿ ಡೀಸೆಲ್ ಚಾಲಿತ ಆವೃತ್ತಿಯನ್ನು ಸಹ ಪ್ರಾರಂಭಿಸುತ್ತದೆ.

ಹ್ಯುಂಡೈ ಕ್ರೆಟಾದೊಂದಿಗೆ ಸ್ಪರ್ಧಿಸಲಿರುವ ಎಚ್ಆರ್-ವಿ ಕಾಂಪ್ಯಾಕ್ಟ್ ಎಸ್‌ಯುವಿ ಮುಂದಿನ ವರ್ಷ ಭಾರತಕ್ಕೆ ಬರುವ ಮತ್ತೊಂದು ವಾಹನವಾಗಿದೆ. ಮತ್ತೊಂದೆಡೆ, ಟೊಯೊಟಾ ಕಂಪನಿಯು ಭಾರತದಲ್ಲಿ ಮುಂದಿನ ವರ್ಷ ಕೇವಲ ಒಂದು ವಾಹನವನ್ನು ಮಾತ್ರ ಬಿಡುಗಡೆಗೊಳಿಸಿದೆ.