Click it and Unblock the Notifications
ವಿನೂತನ ಆಡಿ ಎ3 ಬಿಡುಗಡೆ- ಬೆಲೆ ಮತ್ತು ವೈಶಿಷ್ಟ್ಯತೆಗಳ ಮಾಹಿತಿ ಇಲ್ಲಿದೆ...!!
ವಿನೂತನ ಆಡಿ ಎ-3 ಕಾರು ಮಾದರಿಗಳು ಬಿಡುಗಡೆಯಾಗಿದ್ದು, ಹೊಸ ಕಾರಿನ ಬೆಲೆ ಮತ್ತು ವಿನ್ಯಾಸಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಐಷಾರಾಮಿ ಕಾರು ಉತ್ಪಾದನಾ ಸಂಸ್ಥೆ ಆಡಿ ತನ್ನ ಹೊಸ ಮಾದರಿ ಎ3 ಕಾರಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ದೆಹಲಿ ಎಕ್ಸ್ಶೋರಂ ಪ್ರಕಾರ ಹೊಸ ಕಾರುಗಳ ಬೆಲೆಗಳು ರೂ.30.5 ಲಕ್ಷದಿಂದ ಆರಂಭಗೊಳ್ಳುತ್ತವೆ.
ವಿನೂತನ ತಂತ್ರಜ್ಞಾನ ಮತ್ತು ಸ್ಪರ್ಧಾತ್ಮಕ ಬೆಲೆಗಳೊಂದಿಗೆ ಸಿದ್ಧಗೊಂಡಿರುವ ಆಡಿ ಹೊಸ ಕಾರು ಎ3 ಮಾದರಿಯೂ ಆಕರ್ಷಕ ವಿನ್ಯಾಸ ಹೊಂದಿದ್ದು, ಪೆಟ್ರೋಲ್ ಮತ್ತು ಡೀಸೆಲ್ ಮಾದರಿಗಳಲ್ಲಿ ಲಭ್ಯವಿವೆ.
ಆಡಿ ಎ3 ಬೆಲೆಗಳು- (ದೆಹಲಿ ಎಕ್ಸ್ಶೋರಂ)
ಎ3 35 ಟಿಎಫ್ಎಸ್ಐ- (ಪೆಟ್ರೋಲ್ ಕಾರು)- ರೂ.30.5 ಲಕ್ಷ
ಎ3 35 ಟಿಡಿಐ- (ಡೀಸೆಲ್ ಕಾರು)- ರೂ. 32.3 ಲಕ್ಷ
ಎಂಜಿನ್ ಮತ್ತು ಮೈಲೇಜ್
ಪೆಟ್ರೋಲ್ ಮಾದರಿಯೂ 1.4-ಲೀಟರ್ ಎಂಜಿನ್ ಸಾಮರ್ಥ್ಯ ಹೊಂದಿದ್ದು, 7-ಸ್ಪೀಡ್ ಡ್ಯೂಯಲ್ ಕ್ಲಚ್ ಆಟೋಮೆಟಿಕ್ ಗೇರ್ಬಾಕ್ಸ್ ವ್ಯವಸ್ಥೆ ಹೊಂದಿದೆ. 148-ಬಿಎಚ್ಪಿ ಮತ್ತು 250 ಟಾರ್ಕ್ ಉತ್ಪಾದಿಸುತ್ತದೆ. ಈ ಮೂಲಕ ಪ್ರತಿ ಲೀಟರ್ ಪೆಟ್ರೋಲ್ಗೆ 19.20 ಕಿಲೋ ಮೀಟರ್ ಮೈಲೇಜ್ ನೀಡುತ್ತದೆ.
ಜೊತೆಗೆ ಡೀಸೆಲ್ ಮಾದರಿಯೂ 2.0-ಲೀಟರ್ ಎಂಜಿನ್ ಸಾಮರ್ಥ್ಯ ಹೊಂದಿದ್ದು, 7-ಸ್ಪೀಡ್ ಡ್ಯೂಯಲ್ ಕ್ಲಚ್ ಆಟೋಮೆಟಿಕ್ ಗೇರ್ಬಾಕ್ಸ್ ವ್ಯವಸ್ಥೆ ಒಳಗೊಂಡಿದೆ. 139-ಬಿಎಚ್ಪಿ ಮತ್ತು 320ಎನ್ಎಂ ಉತ್ಪಾದಿಸುವ ಮೂಲಕ ಪ್ರತಿ ಲೀಟರ್ ಡೀಸೆಲ್ಗೆ 20.38 ಕಿಲೋ ಮೀಟರ್ ಮೈಲೇಜ್ ಒದಗಿಸುತ್ತದೆ.
ವಿನ್ಯಾಸ ಮತ್ತು ವೈಶಿಷ್ಟ್ಯತೆಗಳು
ಐಷಾರಾಮಿ ವಿನ್ಯಾಸಗಳನ್ನು ಹೊಂದಿರುವ ಆಡಿ ಹೊಸ ಎ3 ಕಾರಿನಲ್ಲಿ ಈ ಹಿಂದಿನ ಆವೃತ್ತಿಯ ಕೆಲವು ವಿನ್ಯಾಸಗಳನ್ನು ಮುಂದುವರೆಸಲಾಗಿದೆ. ಸ್ಫೋರ್ಟ್ಸ್ ಲುಕ್ ಹೊಂದಿರುವ ಹೊಸ ಆವೃತ್ತಿಯು, ಫುಲ್ ಎಲ್ಇಡಿ ಹೆಡ್ಲ್ಯಾಂಪ್ ಜೊತೆಗೆ 5-ಸ್ಪೋಕ್ ಅಲ್ಹಾಯ್ ವೀಲ್ಹ್ಗಳನ್ನು ಹೊಂದಿದೆ.
ಹಿನ್ನೋಟದಿಂದಲೂ ಸಖತ್ ಲುಕ್ ಹೊಂದಿರುವ ಆಡಿ ಎ3 ಮಾದರಿಯೂ, ಪ್ರಮುಖ ಎರಡು ಬಣ್ಣಗಳಲ್ಲಿ ಲಭ್ಯವಿದೆ.
ಇನ್ನು ಒಳಭಾಗದ ವಿನ್ಯಾಸ ಬಗ್ಗೆ ಹೇಳುವುದಾದರೆ ಡ್ಯುಯಲ್ ಟೋನ್ ಲೆದರ್ ಸೀಟುಗಳ ವ್ಯವಸ್ಥೆಯಿದ್ದು, 7-ಇಂಚಿನ ಎಂಎಂಐ ಬಣ್ಣದ ಇನ್ಪೋಟೈನ್ಮೆಂಟ್ ಡಿಸಫೈ ಹೊಂದಿದೆ. ಜೊತೆಗೆ 10-ಸ್ಪೀಕರ್ ಆಡಿಯೋ ಸೆಟಪ್ ಕೂಡ ಅಳವಡಿಸಲಾಗಿದೆ.
ವಿನೂತನ ಮಾದರಿಯ ಕಾರಿನಲ್ಲಿ ಸುರಕ್ಷತೆಗೆ ಹೆಚ್ಚಿನ ಒತ್ತು ನೀಡಲಾಗಿದ್ದು, ಸನ್ರೂಪ್ ಹಾಗೂ ಏಳು ಎರ್ಬ್ಯಾಗ್ಗಳ ವ್ಯವಸ್ಥೆಯಿದೆ. ಜೊತೆಗೆ ಕಾರಿನ ಒಳಭಾಗದಲ್ಲೇ ಮೊಬೈಲ್ ಚಾರ್ಜಿಂಗ್ ಮಾಡಿಕೊಳ್ಳಬಹುದಾಗಿದ್ದು, ಖರೀದಿಗೆ ಉತ್ತಮವಾಗಿದೆ.
ಬಿಡುಗಡೆಯಾಗಿರುವ ಆಡಿ ಎ3 ಕಾರಿನ ಮತ್ತಷ್ಟು ಚಿತ್ರಗಳಿಗಾಗಿ ಕೆಳಗಿನ ಫೋಟೋ ಗ್ಯಾಲರಿಯನ್ನು ಕ್ಲಿಕ್ ಮಾಡಿ.
Continue with Google