ಟೊಯೊಟಾ ಇನೋವಾ ಹಿಂದಿಕ್ಕಲು ಬರುತ್ತಿದೆ ಮಹೀಂದ್ರಾ ಹೊಚ್ಚ ಹೊಸ ಎಂಪಿವಿ

ಮಹೀಂದ್ರಾ ಸಂಸ್ಥೆಯು ಟೊಯೊಟಾ ಇನೋವಾ ಮಾದರಿಗಳಿಗೆ ತೀವ್ರ ಸ್ಪರ್ಧೆ ನೀಡುವ ಉದ್ದೇಶದೊಂದಿಗೆ ಹೊಚ್ಚ ಹೊಸ ಎಂಪಿವಿ ಮಾದರಿಯನ್ನು ಪರಿಚಯಿಸುತ್ತಿದ್ದು, ಯು321 ಸಂಕೇತದ ಕಾರೊಂದನ್ನು ಇಂದು ಬೆಂಗಳೂರಿನಲ್ಲಿ ಸ್ಪಾಟ್ ಟೆಸ್ಟಿಂಗ್ ನಡೆಸಿದೆ.

ಮೊದಲ ಬಾರಿಗೆ ಬೆಂಗಳೂರಿನಲ್ಲಿ ಸ್ಪಾಟ್ ಟೆಸ್ಟಿಂಗ್ ನಡೆಸುತ್ತಿರುವ ಸಂದರ್ಭದಲ್ಲಿ ಡ್ರೈವ್ ಸ್ಪಾರ್ಕ್ ತಂಡಕ್ಕೆ ಮಹೀಂದ್ರಾ ಸಂಸ್ಥೆ ಇನ್ನು ಹೆಸರಿಡದ ಎಂಪಿವಿ ಕಾರಿನ ರಹಸ್ಯ ಚಿತ್ರಗಳು ಲಭ್ಯವಾಗಿದ್ದು, ಭಾರೀ ಬದಲಾವಣೆಯೊಂದಿಗೆ ಹೊಸ ಕಾರು ರಸ್ತೆಗಿಳಿಯುವ ಬಗ್ಗೆ ಮಹತ್ವದ ಸುಳಿವು ನೀಡಿದೆ.

Recommended Video

Tata Tiago XTA AMT Launched In India | In Kannada - DriveSpark ಕನ್ನಡ

ಇನ್ನೊಂದು ಪ್ರಮುಖ ವಿಚಾರ ಅಂದ್ರೆ ಸದ್ಯ ಮಾರುಕಟ್ಟೆಯಲ್ಲಿರುವ ಜೈಲೊ ಉತ್ಪಾದನೆ ಮತ್ತು ಮಾರಾಟವನ್ನು ಕೈಬಿಡಲು ಉದ್ದೇಶಿರುವ ಮಹೀಂದ್ರಾ ಸಂಸ್ಥೆಯು ಹೊಸ ಮಾದರಿಯ ಎಂಪಿವಿ ಆವೃತ್ತಿಯನ್ನು ಹೊರ ತರುವ ಯೋಜನೆ ಹೊಂದಿದೆ ಎನ್ನಲಾಗಿದೆ.

ಹೀಗಾಗಿ ಜೈಲೊ ಮಾದರಿಗಿಂತಲೂ ಹೆಚ್ಚು ಪ್ರಿಮಿಯಂ ವೈಶಿಷ್ಟ್ಯತೆಗಳನ್ನು ಹೊಂದಿರುವ ಕಾರು ಮಾದರಿ ಇದಾಗಿದ್ದು, ಮಹೀಂದ್ರಾ ಸಂಸ್ಥೆಯ ಉತ್ತರ ಅಮೆರಿಕ ತಾಂತ್ರಿಕ ಅಭಿವೃದ್ಧಿ ತಂಡದಿಂದ ಸಿದ್ಧಗೊಂಡಿದೆ.

ಇನ್ನು 5-ಸ್ಪೋಕ್ ಅಲಾಯ್ ಚಕ್ರಗಳನ್ನು ಹೊಸ ಕಾರಿನ ಅಳವಡಿಸಲಾಗಿದ್ದು, ಸುರಕ್ಷಾ ಕ್ರಮಗಳನ್ನು ಹೆಚ್ಚಿಸುವ ಉದ್ದೇಶದಿಂದ ನಾಲ್ಕು ಚಕ್ರದಲ್ಲೂ ಡಿಸ್ಕ್ ಬ್ರೇಕ್ ಒದಗಿಸಲಾಗಿದೆ. ಜೊತೆಗೆ 2.0-ಲೀಟರ್ ಡಿಸೇಲ್ ಎಂಜಿನ್ ಹಾಗೂ 1.6-ಲೀಟರ್ ಪೆಟ್ರೋಲ್ ಎಂಜಿನ್ ಪಡೆದುಕೊಳ್ಳುವ ನೀರಿಕ್ಷೆಯಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಸದ್ಯ ಮಾರುಕಟ್ಟೆಯಲ್ಲಿನ ಬೇಡಿಕೆಗೆ ಅನುಗುಣವಾಗಿ ಯು321 ಸಂಕೇತದ ಕಾರೊಂದನ್ನು ಸ್ಪಾಟ್ ಟೆಸ್ಟಿಂಗ್ ನಡೆಸಿರೋ ಮಹೀಂದ್ರಾ ಸಂಸ್ಥೆಯು, ಟೊಯೊಟಾ ಇನೋವಾ ಹಿಂದಿಕ್ಕುವ ಉದ್ದೇಶ ಹೊಂದಿದೆ. ಹೀಗಾಗಿ ಹೊಸ ಕಾರನ್ನು ಅಭಿವೃದ್ಧಿ ಕೈಗೊಂಡಿರುವ ಮಹೀಂದ್ರಾ, 2018ರ 2ನೇ ತ್ರೈಮಾಸಿಕ ವೇಳೆ ಮಾರುಕಟ್ಟೆಗೆ ಪರಿಚಯಿಸುವ ಸಾಧ್ಯತೆಗಳಿವೆ.