ಅಮೆಜಾನ್ ಅಪ್ಲಿಕೇಶನ್ ಮೂಲಕ ಫೋರ್ಡ್ ಇಕೊಸ್ಪೋರ್ಟ್ ಕಾರನ್ನು ಬುಕ್ ಮಾಡಿ

ಇಕೊಸ್ಪೋರ್ಟ್ ಫೇಸ್‌ಲಿಫ್ಟ್ ವಾಹನವನ್ನು ಮಾರಾಟ ಮಾಡಲು ಫೊರ್ಡ್ ಐಕಾಮರ್ಸ್ ವೇದಿಕೆಯಾದ ಅಮೆಜಾನ್ ಜೊತೆ ಒಪ್ಪಂದ ಮಾಡಿಕೊಂಡಿದೆ. ಸುಗಮವಾದ ಇಕೊಸ್ಪೋರ್ಟ್ ಕಾರಿನ ಬುಕ್ಕಿಂಗನ್ನು ನವೆಂಬರ್ 5 ರಂದು 24 ಗಂಟೆಗಳ ಕಾಲ ತೆರೆಯಲಾಗುತ್ತದೆ ಎಂದು ಕಂಪನಿ ಅಧಿಕೃತ ಪ್ರಕಟಣೆ ನೀಡಿದೆ.

ಇಲ್ಲಿ ಇನ್ನೊಂದು ಟ್ವಿಸ್ಟ್ ಇದೆ. ಅಮೆಜಾನ್‌ನಲ್ಲಿ ಈ ಕಾಂಪ್ಯಾಕ್ಟ್ ಎಸ್‌ಯುವಿಯನ್ನು ಕೇವಲ 123 ಜನರು ಮಾತ್ರ ಬುಕ್ ಮಾಡಲು ಸಾಧ್ಯವಾಗುತ್ತದೆ. ಆದ್ದರಿಂದ, ಈ ಸುಗಮ ಮಾದರಿಯನ್ನು ನೀವು ಬುಕ್ ಮಾಡಲು ಬಯಸಿದರೆ ಅಮೆಜಾನ್‌ಗೆ ಬೇಟಿಕೊಡಬೇಕು.

Recommended Video

[Kannada] BMW 330i Gran Turismo Launched In India - DriveSpark

ಬುಕಿಂಗ್ ಮೊತ್ತವು ರೂ.10,000 ವಿದೆ ಮತ್ತು ಗ್ರಾಹಕರಿಗೆ ಐಕಾಮರ್ಸ್ ಪ್ಲಾಟ್ ಫಾರಂನಲ್ಲಿ ಸುಧಾರಿತ ಇಕೊಸ್ಪೋರ್ಟ್ ಕಾರಿನ ಎಲ್ಲಾ ಬಣ್ಣಗಳನ್ನು / ರೂಪಾಂತರಗಳನ್ನು ಬುಕ್ ಮಾಡಲು ಸಾಧ್ಯವಾಗುತ್ತದೆ.

ಬುಕಿಂಗ್ ಒಮ್ಮೆ ಮಾಡಿದ ನಂತರ, ಅಮೆಜಾನ್ ಸಂಸ್ಥೆಯು ಗ್ರಾಹಕರ ವಿವರಗಳನ್ನು ಹತ್ತಿರದ ವ್ಯಾಪಾರಿಗೆ ಕಳುಹಿಸುತ್ತದೆ, ಶೋರೂಂ ಅಧಿಕೃತ ಸಿಬ್ಬಂದಿಯು ಈ ಪ್ರಕ್ರಿಯೆಯನ್ನು ಮುಂದಕ್ಕೆ ತೆಗೆದುಕೊಂಡು ಹೋಗುತ್ತಾರೆ ಹಾಗು ಇತರ ಖರೀದಿ ಪ್ರಕ್ರಿಯೆಗಳಿಗೆ ಗ್ರಾಹಕರೊಂದಿಗೆ ಸಂಪರ್ಕದಲ್ಲಿರುತ್ತಾರೆ ನಂತರ ವಾಹನವನ್ನು ಗ್ರಾಹಕರಿಗೆ ತಲುಪಿಸುತ್ತಾರೆ.

ಫೇಸ್‌ಲಿಫ್ಟ್ ಇಕೊಸ್ಪೋರ್ಟ್ ವಾಹನವು ಸೆಪ್ಟೆಂಬರ್ 9ರಂದು ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ಬಿಡುಗಡೆ ದಿನದಂದೇ ಬೆಲೆಗಳನ್ನು ಘೋಷಿಸಲು ಕಂಪನಿ ನಿರ್ಧರಿಸಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

ಈ ಕಾರು, 1.5 ಲೀಟರ್ 3 ಸಿಲಿಂಡರ್ 'ಡ್ರಾಗನ್' ಪೆಟ್ರೋಲ್ ಮತ್ತು 1.5 ಲೀಟರ್ 4 ಸಿಲಿಂಡರ್ ಟರ್ಬೊಚಾರ್ಜ್ಡ್ ಟಿಡಿಸಿಐ ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ಬಿಡುಗಡೆಯಾಗಲಿದೆ. ಈ ಎರಡೂ ಎಂಜಿನ್‌ಗಳೂ ಸಹ ಕಾರಿನ ಮುಂದಿನ ಚಕ್ರದ ಚಾಲನೆ ಆಯ್ಕೆ ಪಡೆದುಕೊಂಡಿವೆ ಹಾಗು ಅವಳಿ ಏರ್‌ಬ್ಯಾಗ್ ಮತ್ತು ಎಬಿಎಸ್ ರೂಪಾಂತರಗಳನ್ನು ಹೊಂದಿವೆ.

ಪೆಟ್ರೋಲ್ ಎಂಜಿನ್ 123 ಬಿಎಚ್‌ಪಿ ಮತ್ತು 150 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ ಮತ್ತು 5 ಸ್ಪೀಡ್ ಮ್ಯಾನ್ಯುವಲ್ ಮತ್ತು 6 ಸ್ಪೀಡ್ ಸ್ವಯಂಚಾಲಿತ ಗೇರ್ ಬಾಕ್ಸ್ ಆಯ್ಕೆಗಳನ್ನು ಪಡೆಯುತ್ತದೆ. ಡೀಸೆಲ್ ಎಂಜಿನ್ ಕಾರು 98.6 ಬಿಎಚ್‌ಪಿ ಮತ್ತು 215 ಎನ್ಎಂ ಅಶ್ವಶಕ್ತಿ ಉತ್ಪಾದಿಸುತ್ತದೆ ಮತ್ತು ಸ್ಟ್ಯಾಂಡರ್ಡ್ 5 ಸ್ಪೀಡ್ ಮ್ಯಾನ್ಯುವಲ್ ಗೇರ್ಬಾಕ್ಸ್ ಪಡೆಯುತ್ತದೆ.