ವಿನೂತನ ಹೋಂಡಾ WR-V ಕಾರು ಬಿಡುಗಡೆಗೆ ಕ್ಷಣಗಣನೆ..!!

ಇದೇ ತಿಂಗಳು ಮಾರ್ಚ್ 16ಕ್ಕೆ ಬಿಡುಗಡೆಗೊಳ್ಳಲಿರುವ ಹೋಂಡಾ WR-V ಮಾದರಿಯೂ ಭಾರೀ ನಿರೀಕ್ಷೆ ಹುಟ್ಟುಹಾಕಿದೆ. ಜೊತೆಗೆ ಹೊಸ ವೈಶಿಷ್ಟ್ಯತೆಗಳು ಗಮನಸೆಳೆಯುತ್ತಿದ್ದು, ಹೊಸ ಕಾರಿನ ಬಗ್ಗೆ ನೀವು ಕೂಡಾ ಖುದ್ದು ವಿಚಾರಣೆ ಮಾಡಬಹುದಾಗಿದೆ.

ಹೊಸ ಮಾದರಿಯ ಬಗ್ಗೆ ಗ್ರಾಹಕರಿಗೆ ಹೆಚ್ಚಿನ ಮಾಹಿತಿ ನೀಡಲು ಮುಂದಾಗಿರುವ ಹೋಂಡಾ , ಇದಕ್ಕಾಗಿ ವೇದಿಕೆ ಸಿದ್ದಗೊಳಿಸಿದೆ. ಈ ಹಿನ್ನೆಲೆ ನೀವು ಹೊಸ ಮಾದರಿ ಬಗ್ಗೆ ತನ್ನ microsite ನಲ್ಲಿ ಬುಕ್ಕಿಂಗ್ ಆರಂಭಿಸಿದೆ.

ಹ್ಯಾಚ್‌ಬ್ಯಾಕ್ ಆವೃತ್ತಿಯಲ್ಲಿ ಸಿದ್ಧಗೊಂಡಿರುವ ಹೋಂಡಾ ಕ್ರಾಸ್ ಓವರ್ WR-V ಮಾದರಿಯೂ ಹೊರ ಭಾಗದ ವಿನ್ಯಾಸ ಅದ್ಭುತವಾಗಿದೆ. ಹೀಗಾಗಿ ಬೆಲೆಗಳ ವಿಚಾರದಲ್ಲೂ ಭಾರೀ ಎಚ್ಚರಿಕೆ ವಹಿಸಿರುವ ಹೋಂಡಾ, ಮಾಧ್ಯಮ ವರ್ಗಗಳನ್ನು ಸೆಳೆಯುವ ನಿಟ್ಟಿನಲ್ಲಿ ಮಹತ್ವದ ಯೋಜನೆ ರೂಪಿಸಿದೆ.

ವಿನೂತನ ಹೋಂಡಾ ಕ್ರಾಸ್ ಓವರ್ WR-V ಆವೃತ್ತಿಯಲ್ಲಿ ಎರಡು ಮಾದರಿಗಳಲ್ಲಿ ಲಭ್ಯವಿದೆ. 1.2-ಲೀಟರ್ ಪೆಟ್ರೋಲ್ ಎಂಜಿನ್ ಮತ್ತು 1.5-ಡಿಸೇಲ್ ಎಂಜಿನ್ ಲಭ್ಯವಿದ್ದು, ಪ್ರಸ್ತುತ ಕಾರ್ ಮಾದರಿಗಳ ಎಲ್ಲ ಸೌಲಭ್ಯಗಳನ್ನು ಒಳಗೊಂಡಿದೆ.

ಪೆಟ್ರೋಲ್ ಎಂಜಿನ್ ಮಾದರಿಯಲ್ಲಿ 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ವ್ಯವಸ್ಥೆಯಿದ್ದು, ಇದರ ಜೊತೆಗೆ 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ವ್ಯವಸ್ಥೆ ಕೂಡಾ ಹೊಂದಿದೆ. ಆದ್ರೆ ಬೆಲೆಗಳ ಬಗ್ಗೆ ಹೋಂಡಾ ಇದುವರೆಗೆ ಯಾವುದೇ ನಿಖರ ಮಾಹಿತಿ ಬಹಿರಂಗಪಡಿಸಿಲ್ಲ.

ಕೆಲವು ಮೂಲಗಳ ಪ್ರಕಾರ ಹೊಚ್ಚ ಹೊಸ ಹೋಂಡಾ ಕ್ರಾಸ್ ಓವರ್ WR-V ಆವೃತ್ತಿಯ ಬೆಲೆಯು, 7 ರಿಂದ 10 ಲಕ್ಷ ರೂಪಾಯಿ ಇರಬಹುದೆಂದು ಅಂದಾಜಿಸಲಾಗಿದೆ.

ಒಂದು ವೇಳೆ ಮಾರುಕಟ್ಟೆಯಲ್ಲಿ ಸ್ಪರ್ಧಾತ್ಮಕ ಬೆಲೆಗಳಲ್ಲಿ WR-V ಆವೃತ್ತಿಯ ಬಿಡುಗಡೆಗೊಂಡಿದ್ದೇ ಆದಲ್ಲಿ ಪ್ರತಿಸ್ಪರ್ಧಿಗಳಾದ ಸುಜುಕಿ ವಿತ್ರಾ ಬ್ರೇಜ್, ಫೋರ್ಡ್ ಇಕೋಸ್ಪೋಟ್ಸ್, ಹುಂಡೈ i20 ಆಕ್ಟೀವ್, ಟೊಯೊಟಾ ಇಷನ್ ಕ್ರಾಸ್ ಮತ್ತು ಫೋಕ್ಸ್‌ವ್ಯಾಗನ್ ಕ್ರಾಸ್ ಪೋಲೋ ಆವೃತ್ತಿಗಳಿಗೆ ಭಾರೀ ಪೈಪೋಟಿ ನೀಡಲಿದೆ.